الله يسعدكم اللي رديتو علي .. بالنسبه لبيتها وحوسته انا معكم كييفها ويمكن عادتني اختها وماتستحي مني وانا والله عاادي عندي ان بيتها يكون حوسه بس اقل شي تكون نفسها حلوه .. ومو تتشكى .. ومو مره ولا ثنتين كل مااجي ع هالحاله .. وانا والله العظيم مااحب الرسميات والتكلف .. بس تحسين انك رايحه مسيره اقل شي اللمبات مولعه .. ونفس بشوشه تستقبلك ..
ومن ناحيه القهوه والحلا المشكله هي اللي تقولي تعالي بسوي كيك تعجبك وسينابون ومدري ايش وانا احسبها صادقه ولما اقولها انا بجيب معي ترفض .. على انها تسوي بس اجي وماالقى شي .. مابي حلا وكيك اقل شي قهوه جاهزه وتمر وسوالف وامشي مو لازم تتكلف ..
بس هي تمنعني اجيب .
اصلا انا اعزمها ابيها تجيني واسوي كل شي وعيالي ياخذون راحتهم بس ما تجي .. تتكاسل تبيني انا اجي ومره وحده انظف
وبعدين صدق انها اختي من ابوي بس والله علاقتنا حلووه ودايما تجي تستشيرني بامور وكذا ودايم احلها لها .. وتسمع كلامي .. لكن لاسيرت عليها انظف لها واساعدها .. واذا رحت الليت ترسلي تعالي ابيك تنظفين الفرن انا تعبانه .. طيب وانا تعبانه واكرف ببيتي وعندي اطفال ..
هي بالعربي طبعها مو نفس طبعي انا استحي ومااقول لا .. هي حتى امها تقولها قومي نظفي تقول فاضيتلك انا ..تقصد امها وانا اقووم اسكت وانظف انا ماعندي مشكله بالتنظيف بس مو كل يوم كل يوم اجي انا انظف .. وهي عندها بناتها .. احيانا اقوم ابي اكسب اجر واساعدها اقصد مرة ابوي بس مو تشوفني قمت خلاص ماترحمني تجلس تستلمني اخلص من غرفه تقولي روحي لثانيه اخلص منها روحي لمدري وين روحي اكنسي روحي للحمامات المغاسل الصاله كل شي انظفه .. يعني استغلال مرره

وانتي وش دخلت تنظفين بيتها وبيت مرت ابوك خدامه
العالم تستغل خدامه مؤقته بالساعهً سيري وأجلسه انتي ضيفه

اختك لا تسمعين كلامها خوذي قهوتك وشاهي لك وحلا أن تكلمت وقالت ليش جايبه قولي عادي مافيها شيء زوجي ساعتين وجاي اخاف مايمديك تصلحينها وانا ابغى اجي نتونس او لا تردين عليها اسكتي
عيالك من يدخلون خلي التلفزيون شغال او اعطيهم ايباد
مرة ابوك من تروحين لها خوذي قهوتك وشاهيك وحلاك واجلسي بالحوش قولي اوسع صدر وان قالت نظفي او حطي قولي ووالله ياعمة جاية اتونس ونسولف وان كان تبين احد ينظف لك هذي رقم شغالات بالساعة
واحىصي على نظافة المكان قبل تتطلعبن

عزي نفسك باختصار


لا تصيرين سهلة التلقي للأوامر واللي ما تقدرين عليه قولي ما أقدر .
المشكلة مو فيهم فقط
ترى حتى أنت راضية وقابلة تكونين كذا ..


اختك صارحيها سواء زعلت أو قبلت وفهميها اللي في نفسك لا تسكتين .

شوفي انا اعترض على تركيزك على نقطة القهوةهذه اختك وانتي مو ضيفة وعادي تروحين معها المطبخ وتتقهوين او تسوين قهوة او اوانا لو رحت لاختي عادي مانتظر تجيب لي شي انا اقول لها لو عندك كذا هاتي او كذا وممكن هي تقول لي عندك المطبخ روحييعني ماله داعي هالرسمياات لكن انا ما اوافقك انك كل ماقالت لك تعالي رحتي لهاهي ممكن تشوفك كل مرة تجين بعد ماتقولين لا واعذار فتقول هذه اعذار بسوشكلها تحس بالوحدة عموما انتي امسكي العصا من النصيعني تنظيف بيتها لا تروحين تنظفين وصيها بخدامة او قوليلها جيبي بالساعة انا تعبانة يعني عادي قوليلها مو فاضية ولدي تعبان مشغولة اعطيها بوجهها ,لو اصرت لا توافقين وخلاص اعرفي تقولين لا الموضوع مايزعل