اختي ومشكلتها مع زوجها//كسبي اجر ودعوه ع آخر الليل تكفوون نورووني

السلام عليكم ورحمة الله،،
ببدا على طول بمشكلة اختي تكفون ابي لها حل والله تعبت يومين وبالي جدا مشغول معاها
مشكلتها مع زوجها انه عنييييد بشكل كبيييير ومايسمع الا كلامه
كم مره صارت مشاكل كثيره بينه وبين اختي وجلست اختي عند اهلي كثير
وجاء يراضيها وجلس يوعد ابوي واخواني انه يمشي معاها تمام لان اخواني ماقصرو معاه
ويجلس يوم يومين تمام وبعدين يرجع مثل ماكان واردى..اختي تعببببت منه ومن مشاكله
كل يوم طالعلها بمشكله جديده ويزعل ويرضى من كيفه
المهم قبل يومين تقول نام وجواله مفتوح تقول اخذت الجوال
واحصله فاتح ع النت وجالس يبحث عن مكاتب للزواج المسيار
لكم تتخيلون كيف صدمتهااااا وربي يابنات انه جالسه تكلمني وتبكي
قلتلها مستحيل يسويها قالت والله انه يسويهاا وماهي غريبه
تكفوون ساعدوني بحل
واللي يقهر في الموضوع ان اختي صابره عليه وعلى مشاكله واختي صغيره توها عمرها واصل العشرين
والله يابنات مالي بعد الله غيركم
وش اسوي اقول لأحد من اخواني ولا هي تكلمه وتهدده ولا ايش نسووي وربي تعببت من التفكير
مرررره حالتها محزنتني

ترى مرره المشاكل والكلام اختصرته كثير
واااسفه ع الاطاله بس تكفوون افزعوولي