مراحب
حنا ويا مرت ابوي سمن على عسل هي عندها اولاد وبنات صغار اكبرهم في سادس المهم هم ساكنين فوقنا بس هم دائما عندنا وحنا بعد دائما عندهم كننا في بيت واحد قولو ماشاء الله
المهم السالفه وما فيها اننا امس جونا ظيوف عماني بعد المغرب ومعهم بنتهم طالعه لصف سادس نقول اسمها مثلا مها واتصلنا على مرت ابوي وعزمناها وجت وتقهوت بس عيالها ماجابتهم تقول طالعين مشوار ما فيه الا ولدها الصغير وبنتها الي طالعه لصف سادس المهم رجعة مرت ابوي لبيتها وكانت بنت عمي مها ضايق صدرها تبي اختي من ابوي نقول اسمها مثلا رهام ودها تلعب معها ومشتاقه لها وهم بنفس العمر كلهم طالعين لسادس انا قلت روحي يا مها لعند رهام واتصلنا على رهام وقالت عادي تجي انا افتكرت ان رهام بتفرح بمها خصوصا ان مها قمه في الادب والاخلاق والحياء وحنونه مره ومحترمه المهم راحت مها على اذان العشاء وبعدين ما طولت على طول رجعة يوم رجعة الا وجهها متغير وظايق خلقها ودخلت علينا وكان المجلس مليان وقالو لها ليش رجعتي قالت ان رهام وانا اول ما دخلت وجلست معها شوي الا قامت وراحت وعطتني ظهرها وقالت ابروح انام وسكرت الباب وخلتني لوحدي
انا يا اخوات رحمت مها واستغربت من تصرف رهام وش ها النوم ما امداها صاحيه ما صحت الا المغرب ولاهي تعبانه كانت عندنا قبل ما يوصلون الضيوف بشوي وما فيها الا العافيه وبعدين حتى ولو المفروض ما تتصرف كذا مع الضيفه لا تقولون بزران واطفال وما ادري ايش هي كبيره راحت لسادس لا والمفروض للمتوسط
لا والي باط كبدي امها تكلم امي عن السالفه وهي تتبسم وامي تضحك
انا منقهره ما ابي عيالنا تصير اخلاقهم كذا ويتربون على كذا والله حاله ودي امسك اختي بكرى واهزئها بس تعوذت من الشيطان فقلت ابي استشيركم وش اسوي معها ودي افتح معها الموضوع بس اخاف انفعل
فدلوني على حل
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
ام محمد ورهف
•
انامن رائى انك قبل ماتفتحين الموضوع مع اختاك تشوفين اذا مرت ابوك من النوع اللى يزعل وبتكبر الموضوع مالة داعى تفتحين الموضوع مع اختك مصيرها بتكبر وتفهم ام اذا مرت ابوك عكس اللى قلتة فافتحى اختك بالموضوع وقوليلها ليش ماجلستى مع البنت والمفروض الوحدة ماتقول للناس كذا يعتبرونها طردة وكلميها بهدوء يعنى كانك تسولفين معها
22سماء
•
لاتفتحين الموضوع تراهابتصير سالفه
لكن انتي بعدين سولفي معاها انك انتي اذاجاكي ظيف لوفيك نوم ماتتركينه لانه موكذا احترام الضيف
باسلوب راقي
وكذاتجذبينها موتنفرينها
لكن انتي بعدين سولفي معاها انك انتي اذاجاكي ظيف لوفيك نوم ماتتركينه لانه موكذا احترام الضيف
باسلوب راقي
وكذاتجذبينها موتنفرينها
الصفحة الأخيرة