السلام عليكم ورحمه الله وبركاته
شلونكم بنات وشلون الجو وياكم :39:
بنات ودي تساعدوني بكلام اقوله لمدرسه اختي
اسمعوا السالفه
اختي بـ صف سادس ابتدائي بس ولله الحمد تفكيرها توه مو من هذول البنات اللي عقولهم اكبر من اعمارهم اقصد توها طفله --> مو هنا السالفه خخخ
المهم كان عندهم نشاط بالمصلى عن المسؤليه وكذا
فطلبت منهم المدرسه عمل فني يسونه علشان الحفل بيحضره موجهات واداريات من برا وكل طالبه او 2 يسون عمل وبيعلقونه في المصلى
اختي وصديقتها اشتركوا بعمل .. اختي ماقالت لي الا ليله الحفل ساعدتها بشيء بسيط
كل شيء سوته هي
الفكره هي اللي طلعتها وسوت الشغل كله بيدها ماعدا الكتابه انا كتبت لها بالكمبيوتر
وتعبت حيل فيه وكانت فكره بسيطه ( عن الماء ) وطلع الشكل عادي حليو من وحده بعمرها مرتب
الصدمه ان لما شافته المدرسه
قالت لها سويتيه بيدك !!!! اختي مافهمت القصد
بس تقول ان البنات جايبين صور بلاك بيري ولاب توبات المكتبه مسويته لهم ع فلين
الزبده ان اليوم المدرسه مسويه حفل للبنات اللي جابوا اعمال جاهزه من برا ومناديه امهاتهم
ومسويه لهم شهادات شكر وهدايا
واختي ولا شيء :44: ,,, انا دايم اشوف ببرامج الاطفال الاجنبيه كيف يقدرون الشيء اللي يسويه الطفل
مهما كان علشان يزيدون الثقه بنفسهم ويخلونهم يسون اشغالهم بنفسهم مو يعتمدون ع الكبار
اختي مقهوره منها وتقول معد بسوي شيء
شرايكم اروح اكلمها وش اقولها بالضبط ؟
ولا اخليها كيفها واشجع اختي انا بنفسي
سوري قرقت عليكم
انتظر رأيكم
خاله شعول @khalh_shaaol
محررة فضية
يلزم عليك تسجيل الدخول أولًا لكتابة تعليق.
زوجة سعودية
•
روحي للمعلمة وزودي ثقت اختك بنفسها كل الحلين سليمة
الصفحة الأخيرة