صباح الخيرات 🍃
عطوني رايكم وش تحليلكم لها !!
باقولكم سالفه قبل شوي نتناقش انا وخواتي بوحده من خواتي هي تقريبا احلانا بس مو ذاك الحلاوه عاديه يعني بس ملامحها ناعمه بس والله يابنات يوم كنا بالمدارس والبنات يعجبون فيها الاعجاب اللي ع ايامنا من بعيد لبعيد
وحتى يوم دخلنا الجامعه تعرفت ع صديقات جديدات وكانوا يقولون لها انتي ملامحك هنديه واللي تقول مسميتك بجوالي الجذابه لان ملامحك تجذب
واللي تقول انتي تشبهين الممثله الفلانيه وهي والله ماتشبه وماهو بمجتمع المدارس لا بكل مكان لان مره طلعنا منتجع نسائي مسكوها بنات مانعرفهم وقالوا وش اسم قصت شعرك مع ان قصتها فكتوريا المعروفه بس حاولوا يتعرفون عليها
ويوم تزوجت حنا ماعندنا شوفه شرعيه بس تقول ان زوجها قالها انه حالف اذ شفتك حلوه نسافر خارج السعوديه وفعلاً سافرت للخارج وخوات زوجها بس يمدحونها ويقولون وش هالزين والاطفال والله العظيم يابنات ماكذب انهم يناظرونها نظرات اعجاب ويقولون حنا نحبك يمكن تقولون تبالغ بس والله يابنات ان اكثر شي مستغربين منها انا نشوفها عاديه حتى هي مصدومه تقول يسلكون لي
وهي للامانه اخلاقها على قولتهم تدرس ماشالله اشوفها ترحم الشغالات وعمال النظافه واذ شافتهم بالشارع تجيب لهم مويه بارده ومستحيل يمر عامل نظافه قدامها الا تعطيه قلبها مره حنون
وان جت مع الاطفال تعطيهم وجه واذ جت مع الحريم الكبار تشوفين سوالفها قديمه واذ جت معنا انواع الفله
مدري هذا اللي يسمونه قبول من الله او فعلا الاخلاق تجمل الواحد او ان ينطبق عليها المثل اللي يقول زامر الحي لايطرب وش رايكم وش تحليلكم لها ؟!!!!!
مسك 210 @msk_210
عضوة
يلزم عليك تسجيل الدخول أولًا لكتابة تعليق.
تولان
•
هذا اسمه قبول. والقبول من الله
سبحان الله كثير ناس الله يعطيهم نعمه حب الناس لهم يمكن اختك مو ملكه جمال بس جذابه بقوة وهالشي مو بس لملامحها لا يمكن اطباعها وبشاشتها وابتسامتها تجذب الناس لها فهذا شي طبيعي ولن شاء الله ربي يزيد حب الناس لها ويقويها علي فعل الخير
هنادي 77
•
انا اقول زامر الحي لايطرب + قبول من الله
ومر علي زي اختك القبول من الله لو الواحد مايسوي اي شي تلاقي له قبول بس اختك ماشالله اخلاق وهذا قبول من الله نعمه
ومر علي زي اختك القبول من الله لو الواحد مايسوي اي شي تلاقي له قبول بس اختك ماشالله اخلاق وهذا قبول من الله نعمه
الصفحة الأخيرة