اختي ونفسيتي الي انعدمت

بتكلم عن وضعي انا واختي والشي الي مضايقني ومعكر نفسيتي .. طبعا كلنا مو متزوجات
عشان اوضح لكم اختي موظفه وراتبها ماشاء الله تبارك الله مرتفع وماعندها اي ارتباطات تصرف راتبها كله ع نفسها بس وعلى صديقاتها .. وهالشي راجع لها وما احاسبها هالشي حقها وهي حره فيه ..

اهلي الحمدلله ع قد حالهم انا لاموظفه ولا طالبه ولا عندي أي مصدر دخل ابدا .. فـ مشترياتي ع قدي وقد ما اقدر احاول ما كلف عليهم بشي وارضى بالقليل والشوي ..
بس قتلوني الناس بمقارنتهم بينا خصوصا انها مو متزوجه وعايشين ببيت وواحد .. شنطها وجزمها بالالاف ولازم كل شهر شنطه او جزمه او ساعه جديده .. وانا العكس تماما واحيانا اخذ من بقاياها وكل ماصار عزيمه او اجتماع قارنو بينا بشكل يقتل ... جوالي خرب وجلست اسابيع لين تحركو اهلي وجابو لي جوال جديد وهي من جهاز لجهاز
هذا غير جلسات الليزر والنظاره وال وال وانا ولاشي
اخر شي قبل كم اسبوع فيه حفله لقريبه لنا قلت لامي اني ابي فستان احضر فيه لاني من زمان ماشريت
حتى العيد الي فات والله سكت ولبست من الي عندي بالدولاب مابي اكلف عليهم ولبسته وانا راضيه ومقتنعه ورفضت توديني عشان اشتري لي فستان بميتين او ثلاثميه عشان الحفله وجلست بالبيت مارحت
.. واختي محتاره بين كم لبسه عندها مانلبسو وماتضطر تطلب من اهلي لان الحمدلله كل شي تسويه براتبها ..
بنفس الوقت لاحظتها هي تشوف نفسها علي وتعتبرني ولا شي عندها .. جتني فرصه تدريب بنفس المكان الي هي فيه قلت لها معليه مافيه مكتب او مكان احط اغراضي وعبايتي فيه بخليهم عندك لين اخر الدوام .. تحججت اني كل شوي بجي وازعجها عشان اغراضي .. وحلفت لها انها ماراح تشوفني الا لما اجي اخذهم اخر الدوام
!!! ومشت وطنشتني وصرت احطهم عند السكرتيره ..
واحاول اخلص شغلي او استاذن عشان ارجع قبلها ولا احسسها اننا بمكان واحد .

نفس الشي قبل فتره جمعت لي مبلغ بشتري لي شنطه جديده عشان التدريب وخاطري فيها قالت لا مايحتاج ووش تبين فيها وماتحتاجينها ودوري شي ازين ومن هالكلام .. واخرتها تروح هي تشتريها !!!!!!
جد جد تعبت من تصرفاتها وشوفه نفسها علي .. الحمدلله والله ماحسدها الا ربي يزيدها ويبارك لها .. بس ماشوف اهلي مقدرين وضعي
ولا مجتمعي شايف انه المفروض مابينا مقارنات .. وبالعكس طايرين فيها وكشختها بشكل خلاها تحس اني مو شي عندها وانا احسن مني بالف مره

والله العظيم نفسيتي جدا انعدمت وصرت ماهتم بنفسي واكره الطلعات والجمعات كله من هالسبب

* الي ماعندها رد زين ياريت تحتفظ فيه لنفسها