اختي و زوجها.💔💔

سلام
بنات اختي متزوجه رجال متزوج من قبل .واختي ماعندها بيت وساكنه ف بيت ام زوجها ولا لها غرفة خاصه وتنام هي ف غرفة الظيوف و زوجها مرا سافل وحقير كل م تقول له ابني بيت يسحب عليها.وفوق ذا مفصر معاها.تقول له ودني السوق ومايوديها تجلش تطلب حاجه يجيبها بعد ثلاث شهور.واذا تبي تتفرج ف التلفزيون يقول لا تتفرجين خلي امي تتفرج واذا قالت طيب اشحن لي النت يقول مابشحن لك عشان مايشوفونك اهلي وانتي ع الجوال واذا انسدحت يقول لها اجلسي فشله قدام اهلي سادحه مع انها احسانا تعبانه وتحتاج الراحه.لانها عندها انيمياء وجرثومه فالبطن لازمها الراحه والاكل.حتى الاكل اها زوجها يراقبونها ويقولون سوي كذا سوي كذا مع ان الاكل اللي تسويه لها هي.اختي تعبت منه لدرجه انها ماعد تعطيه حقه تقول وين اعطيك حقك الشرعي ف غرفة الضيوف؟!صارت تستحي تنام تحت ف البلاط واذا جاء الظهر قامت غصب عنها تخاف يدخلون عليها الضيوف فجأه.زوجها معاه بيت هو و زوجته الاولى يروح يرتاح هناك واختي ع البلاط سادحه.والسوق م يوديها واذا راحت اشترى ملابسها ع كيفه.والبارح اختي انفجرت عليه وخاصمته.وهو كان عازم زملائه و زوجاتهم ع البحر وعشى وحركات وقال تعالي جمليني منهم واجلسي مع زوجاتهم قالت اختي مابروح ولا بجاملك انت ما تجملني مع احد وطيحت بكرامتي مابمشي معك دامك ماتمشي معي ولا تعطيني وجهه.واختي سووت كذا من قهرها قال لها جهزي شنطتك بوديك عند اهلك مع انه كذاب م يقدر.زوجها علم اخته.وجات اخته خاصمت اختي وقالت انتي فيك وفيك.اختي ردت عليها قالت اخوك مقصر معايا ولا يجملني مع احد وانا ما بجملة.اخته قالت اخويا مو مقصر معاك وانتي عايشه احلى عيشة.وبعدين ذا زوجك حتى لو قلك طيحي ف البير تطيحين عشانه وحتى لو انه ظربك المفروض تمشين معاه.اختي قالت اخووك مقصر وانا اصلا م شكيت لك وليش تدخلين ف حياتك وجزاءً ع كلامك راح اروح عند اهلي والسبب تدخلك وفتنتك وكلامك الماصخ.واختي اللحين تحلف اذا جاء زوجها راح تخليه يجيبها عندنا وابويا ياخذ حقها منه .وانه يبني لها لو يستأجر.قسم ي بنات ان اختي تحزززززن تحززن زوجها قليل ادب وكلامه وصخ.ونفسيه ولا يحب يتكلم ولا يحب ينفع .لها شهور تطلب منه ينزلها السوق تشتري ملابس داخليه وهو يسحب عليها اخر شي قال لها بعطيك فلوس وخلي اخوانك يشترون لك.ابوي حاس بأختي وانها مو مرتاحه بس م تدخل يبي اختي هي تشتكي لان اختي ساكته.تكفون شوروا عليا.انا قلت لها تعالي مالك جلسه ف بيت م احترمك ولا قدروك وخاصموك ف بيتهم وطيحوا بكرامتك.احس اني سويت غلط.انا ابي ابوي يكلم زوجها عشان يبني لها ويتعدل.
للمعلوميه اختي تزوجته وعمرها ١٩س واللحين عمرها٢٣وهو بيدخل ال40سنه.وعقيم ماينجب حمدلله ع كل حال.هو خدعنا م قال لنا انه عقيم الا بعظ الزواج الله لا يسامحه.