آخ آخ آخ
صراحة موضوع علي الجرح وتبغون الخلاصة
كلن ينفخ في دافوره
يعني كل واحدة تتكلم حسب موقعها زوجة الأخ تتكلم عن أهل الزوج فيهم وفيهم
وأخت الزوج تتكلم عن مرة أخوها يصيبها ويخطيها
وأم الجامعات اللي متعبين نفسكم في دراستها
آخر اليوم تحطوا اللي درستوه تحت المخدة وترشوا شوي علي قدر الكبسة
وكان الله سامع الدعا
وتبدوا في ثقافة المسلسلات
يعني البنت تتزوج وهي حاطة في راسها من الأول ان أهل الزوج بعبع
ولازم تاخذ حذرها منهم وأخوات الزوج تشوفهن أفاعي :mad:
ولو أخت زوجها تعطس قالت ماادري اش قصدها
ومن تشوف الوحدة زوجها تكلم مع أخته قالت ما ادري اش تحشي في راسه ... تخرب علي ... تغار مني ... تكرهني ...
علشان أخذت أخوهم منهم ..............................................................
.............................................................
كلام فارغ من ناقصات العقل
انتوا دخلتوا القرن الواحد والعشرين ؟؟؟؟؟؟؟
عديتوا بوابة العام ألفين ؟؟؟؟؟؟؟؟؟؟؟؟؟؟؟؟؟؟؟؟؟
ولا لسه قاعدين ورا البوابة مبسطين مع قهوتكم وقصصكم البايتة
اش أخذتيه منهم عاد صدقتوا قصص ماري منيب في أفلام الأبيض والأسود
انتي ما تاخذين زوجك من أهله ....... وأخته اللي تغار منك ..... هذي أخته اللي نامت زمان جنبه علي نفس المخدة
والللي عاشت سنين طويلة معه في نفس البيت ,..... واللي أكلت معاه في نفس الصحن ... وانتي من انتي
كنتي هناك ... تعيشين نفس القصة مع أخوك وما ترضين أن تجي حرمة وتقول عنك تغارين والله بتنجنين
بس حلال علي بنات الناس حرام عليك
أنا كنت أصدق كثير من قصص أهل الزوج انهم وانهم
اين صرت من أهل الزوج وزوجنا أخوي وبديت أفهم
صحيح الناس مو كلهم سوا
وعندي مرة أخ ياسلام عليها زى العسل .... والثانية الله يهديها بس
في أحزانها مدعية وفي أفراحها منسية
وما تشوف لنا الا كل شي بطال
واذا جاملناها تقول ما ادري اش قصدهم واذا حاولنا نجامل أخوي قالت يتدخلون في حياتي
والله اني ما أزعل لو يجيبلها قصر
أهل الزوج علي الغالب يتمنون ولدهم يكون في أحسن حال وأسعده مع زوجته
والباقي تفاصيل مو مهمة
والمشكلة طالعة عند بنات اليوم موضة ماني مضطرة أجامل أخواته يكفي أمه وأبوه
أبوك يالتربية زمان ... زمان يعني
أهل البنت كانوا يصيحون يوم تتزوج بنتهم ...
طبعا خابرين راحت الموضة
هالحين أهل الولد يلطمون ليلة الفرح
زمن أغبر
والله اني أحب أهل زوجي زي أهلي ... واخواته قسم من أعز صديقاتي ... بس للحق هم بدوا بالطيب
يا حبي لهم ,,, واذا شفت كذا ولا كذا أطنش ... يعني أكيد مو قصدهم وبعدين عادي أخواتي وأمي اذا زعلوا مني لطشوا حكي الين أقول آمين هههههههههههههههه
صح سبحان الله كلام الأهل برد وسلام بس أهل الزوج بشر يعني مو مطلوب منهم يبنوا لي عرش
وانا ما ني بنت ابو بكر لي عيوبي اللي ما أشوفها لأني دلوعة هلي
بس كلام القرآن يا حلوات ما قال وقفيهم عند حدهم ...هه لا تسكتين ... اصحك ... يا ويلك تخدمين وتجاملين هذولي ناس تخاف ما تختشيش ....
لا القرآن قال
ولا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34
والله الحين أخت زوجي ما تناديني الا الغالية ياحبي لها
وام زوجي دايم تدافع عني واذا زوجي زعل مني تخاصمه
وعمري ما خفت منهم ولا قلت يغارون وما ادري وشو
الا دايم أذكر زوجي بمناسباتهم ودايم أذكره يروح لهم ويجاملهم
والناس ما ترحم تجي وتقول لي
يابلهة ... ليش تسوين وليش تفعلين ... وبكرة كذا يصير

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ).
الخلاصة طولت ... باقول شي مهم .... مرة أخوي ما حبيت طريقة تفكيرها بس حاولت ما اتخانق معاها لأن هذا مو في صالحي ... هي في النهاية حرمته ام عياله اللي تسهر علي راحته
صرت اذا بغيت أخوي اناديه من فترة للثانية ونتونس لوحدنا ومزح وضحك وأحلي جلسة وهي حبت تجي يامرحبا ما حبت وهذا علي الأغلب اللي يصير بكيفها الحياة ماشية زعلت والا رضت ورضاها مو اهم شي شاغلناوكذا اشتريت دماغي علي قولة المصريين
الله المستعان

ام الزوج على العين والراس في كل حالاتها
اما اخواته اذا محترمات نعطيهم الاحترام اما غير كذا نعطيهم اكشل
طبعا عارفين الناس تختلف الحين الاخوان في اليت الواحد يختلفون
واكيد الاخت ما تنعطى اكشل الا اذا شفنا منها شي
بس واضح هالموضوع مليان اخوات منقهرات من حريم اخوانهم
وانا من هالمنبر احيي هالموضة الجديدة
فعلا اهم شي ام الزوج وبس

يعتمد على الريال اذا كان بقره والا اسد هذا الاساس والا الزوجه كانت قبل مثل الخدامه تخدم ابيت اهل ريلها بعدين خذت احترامها وبدت تجادل اهل الزوج والسبه الريل ماشي وراها وبالنسبه لاخت الزوج اهي الاساس لانها عمة العيال والزوجه بالاخير تتبدل الف مره لكن الاخت والام مايتعوضون وكل وحده تحاول تستملك ريال بالاخير اهو مو دايم لها لانه الريال يحس بكل شي والنهايه يا اما تكون عيشته مشاكل لارضاء الزوجه او طلاق او زوجه ثانيه
الوحده مفروض تعيش مع اهل ريلها باحترامها وتعااملهم باحترام وحتى لو بدر منهم شي تعاملهم رسمي لكن صلة الرحم واجبه والاخت ماتبي اخوها للمصلحه استغرب كلامكم عن اخوانكم جذيه !!!!!!!!!!!! وين العشره والدم؟

ايوالله ماعاد للاخت اي قيمه

الله المستعان بس:(

والله يابنات ان أكثر ردودكم تزعل
يعني بالذات الأخوات اللي ردوا عن أخت الزوج انها لو محترمة نسوي ولو مو محترمة ما ادري ايش
أقول
اذا صاروا اخوات زوجك موب محترمات لا تتزوجين منهم خذي ناس لا تغثينهم ولا يغثونك
ولا عاد يا جمايل الصدف بس زوج الواحدة يطلع فريد زمانه وأهله كلهم كخة
نسيتوا ان أخت الزوج هذي عمة عيالك وبناتك
بس اذكركم ... اللي ما تعلمت في بيت اهلها تعلمها الأيام والليالي وهذا نوع من التعليم ضريبته مرة غالية
يعني تصدقون أنا عيالي لما كبروا الله يحفظهم صاروا يحاسبوني علي علاقتي في أهل ابوهم
يمه ليش ما اتصلتي ... يمه تري عمتي آخذة علي خاطرها ....يمة تري جدي اذا ما نتصل دايم يزعل .... وكذا
وبصراحة اكتشف علي الرغم من علاقتي الجيدة فيهم اني مقصرة أحيانا وصرت حريصة اني أجامل مو بس علشان عيون زوجي الا بعد علشان عيالي
وهذا موضوع له جانبين مهمين
علشان أهل أبوهم مرة طيبين معاهم من زمان أولادي يهتمون يجاملونهم ويراعون خواطرهم وهذا علمني شيء مهم
ما أقاطع عيال أخوي لو امهم ذابحتني ... اجي علي نفسي وأضحك واجيب الهدايا
طبعا العلاقة ما هي بهالسوء ... بس أنا أقول لو ساءت والأمر ما يخلي بعد أجامل لأن أمهم بتضطر انها تجامل لو من تحت الضرس
يا حبي لهم عيال أخواني كلهم قسم كأنهم عيالي ...
شكرا صاحبة الموضوع وشكرا مروج ..........