اخت جوزي وامها .. وانا في الوسط مدري ليه دخلت نفسي !! نصيحتكم

السلام عليكم ورحمة الله وبركاته .. كيفكم ياحوائيات

محتاجه نصيحتكم ..

انا ساكنه فوق اهل جوزي .. ام جوزي نادتني وقالت لي ابغاكي تقربي من بنتي وتشوفي ايش عندها لانها متغيره .. وانا اصلا من النوع اللي اطننننش يعني شايفه البنت مو على بعضها بس مطنشتها مع اني لو سالتها تفرط الحبل قدامي ماتخبي عني شي .. مابيني وبينها الا 4 سنوات .. عندي اسلوب خطنطر :wink2:
المهم قلت لام جوزي طيب .. :02:

هيا تاني ثنوي .. ليا كم يوم بشوفها بالسطوح جنب بيتي وما اسالها ايش مطلعك المهم امس شفتها وجلست افتح معاها مواضيع عن المدرسه والدروس وصحباتها وقالتلي ان صاحباتها كلهم متجوزات وهي نفسها تتجوز وتحب وجلست اضحك واقلها تحسبي الزواج حلو كل يوم .. يوم حلو وعشره هم ..وكلها شهرين وتحملي وان ماحملتي طلعو فيكي الف عيب .. انتي بنوته ترجعي بيتك تنامي تصحي العصر تتفرجي عالتلفزيون انا اول ما اصحي اطبخ وقبل مانام اغسل واجلس نص يومي اكوي وجلست افهمها الاشياء اللي صاحباتها ضاحكين عليها

المهم ماقتنعت بكلامي جلست تقولي بس محد يحترمني من اهلي امي ماتحترمني قلت بس هيا تحبك قالت بالطقاق وبحريقه ومدري ايش // قلت لها حرام عليكي امك تحبك وخايفه عليكي

اليوم نزلت عند اهل جوزي اسلم عليهم كالعاده وامهم ماكانت فيه جلست مع البنت لوحدنا وجلست اسحب في الكلام معاها وياااللهول .. حبيبة قلبي قالت بلاوي نصها تكفي لو انها اختي كان قتلتها مررره محد يتوقع منها هالتصرفااااات مره شكلها بريء وماتفهم بس فعلا ياما تحت السواهي .. ..........

قلت لها دحين تخيلي لو واحد كلمك تبغي تقولي له تعال اخطبني ويقول هادي وحده رخيصه ؟؟ وجلست تقول لا بس في كم واحد يبغاني قلت لها مين قالت ناس

المهم يابنات في الاخر عرفت انها تكلم ولد الجيران من السطوح !!! :icon36:
وتقابله اول ماترجع من المدرسه ان كانت لوحدها ..
وام جوزي شاكه فيها انها تدخن .. وهيا تقول امي بس تشك فيا طفشتني عشان كذا انا اطلع السطوح
قلت لها صحيح تدخني وجلست اضحك واقلها يععع طعمه كيف ؟؟ حلفت لي انها ماتدخن بس جربت المعسل خخخخ مع وحده تصير بنت خالة امها واخوها .. واخو بنت خالة امها يقول انه يحبها ويكلمها عن اشياء عيب .. يعني عسلت مع واحد واخته اللي سحبت فيها :44: لا واخر شي تركتهم لوحدهم يكلمها


ونبهتها ماتكلمه جوال لان لو ابوها عرف رح يكسرها وقالت ادري لو ابويا عرف رح يقطعني بس اللي مزعلني انو مره البنت متهوره اخده راحتها بشكل غريب ..تقلي مصورته بجوالي قلت لها ماتخافي احد يشوفه قالت لا حاطه رمز حمايه .. طيب ماتخافي تجبرك امك تفتحيه .. تقوللي ابويا نبه على امي ماتمسك جوالي !! يوه !!
مع ان جوزي مراقبتها بس بنفس الوقت احس ام جوزي مره مهمللللله يعني مثلا تتركها لوحدها تروح مع بنات خالتها .. وبنات خالتها ما اطيقهم مايعترفو بشي اسمه غطا يكشفو على بعضهم حتى جوزي يكشفو عليه لكن انا منعته منهم وقلت هادي المسخره ماتعجبني وان بيكشفو عليك ويسوو قلة حيا وكيفك ووحشتنا انا كمان بكشف على اولاد خالاتي .. اهدد بس ..

وكمان ام جوزي دايما تعاملها بقسوه يعني دايما تحطم فيها قدامي ونادرا تمدحها .. يعني تقول لها قومي عدلي شعرك زي المجنونه شكلك وكدا ..

اللي شايله همه ام جوزي تسالني .. مدري يابنات اقول لام جوزي عن بنتها وخرابيطها ولالا مره اقول حرام افضح البنت خليني بيني وبينها انصحها وانتبه لها

ومره اقول لو انكشفت وهيا تكلمه بالحوش ولا بالسطوح وجابت راس ابوها وجوزي بالارض وانضربت رح اكون انا السبب لاني سكت عنها

والمشكله الي تكلمه كبير قد جوزي يعني والله مرررره فشله ويقلها رح اتزوجك ونعيش ليلة دخله !! تخيلو .. قلت لها دام قلك كذا مايخاف عليكي ويحبك قالت لا والله يخاف عليا حتى مره طحت وسمى عليا ومدري ايش وجلست اسالها متى هالاشياء سارت تقول لما اجي من المدرسه ومره تقول اطلع من الطاقه وهو يشوفني ..

انا مقهوره عليها من تعامل ام جوزي لها ومقهوره عليها من حركاتها والله حتفضح اهلها ومهما صار اللي اتعرفت عليه البيت جنب البيت يعني مو واحد من بره ومايعرف عنها شي والبلا يكتب لها رسايل بالورق ويرميها قدام باب البيت بحوض الزرع !!

ان شاءالله بس اخد اقتراقاحتكم ونصايحكم رح احذف الموضوع او اعدل عليه لانه لو شافه جوزي بيوم بتكون نهايتها ..