اخت رجلي تتقيم عندي فالبيت

:icon33: السلام عليكم ورحمة الله وبركاته

السالفه ابيكم تشورون علي وش ادبر وش اسوي
اخت زوجي عمره 21 سنه ماتزوجت تهاوشت مع امها وجابها رجلي عندي فالبيت تتجلس عندنا
يقول طفشت جايبه توسع صدرها عندي انا ماعندي شغاله
يابنات انا عايشه بشقه ولاعندي الا طفلين وهي لها 3 ايام وشكلها مطوله ولاعندها نيه ترجع بيتهم
البنيه هاديه ميب راعية مشاكل
لكن انا متضايقه احس اني مخنوقه فبيتي مااقدر اخذ راحتي لاالبس ولااسولف مع رجلي ولاشي ان رحنى طلعت معنى لو بروح لاهلي يبيني اخذها معي لكل محل لو ادخل غرفتي مع رجلي مااخذ راحتي احسها تراقبني تعبت نفسيا قلت لرجلي انا ماتحمل ابي اخذ راحتي فبيتي ليش تقيدني بها ولا بعد يامرني يقولي صلحي لها وعطيها والله اني افشل من كل شي ولاادري وش اسوي قال لي تحملي وش اسوي وياويلك تقولين لها كلمه
قلت لها بكره بروح لاستراحه امي عازمه مرة خالها قامت دقت على اهلها يجيبون لها ملابس بتروح معي يعني بكل محل متقيده فيها انا مستحيه مدري وش اقول حطو نفسك مكاني
مرات اقول بحتسب الاجر وبسكت بس هي مافيها اجر مانيب مكلوفه فيها مهيب امه ولاابوه اقول الشكوى لله
وانا عايشه بشقه غرفتين وصاله ومنحشره من وجودها عندي عطوني حل تكفووون