اخت زوجي...ودعائي في اخر الليل

كيفكم بنات
ودي احكيلكم سالفتي لمع اخت زوجي لاني ماني عارفه وش اللي قاعد يصير
طبعا انا متزوجه صار لي 4 سنوات بدايه زواجي كنت حيل حبيبه وعلى قلبي كنت دوم امدحها ومدح لبسها وعطيها رايي ييئ اا سالتني بكل صراحه
من البدايه كانت حيل رسميه معي وكنت اشوف بعيونها نظرات حقدو وكره....بس كنت اقول حرام يمكن هذي نظراتها لاتظلمينها
كان زوجي دوم معاها حبيب وهالشي انا كنت اطلبه ساعات منه بس اللي لاحظته الرجال كلماله يتغير واسلوبه يشين هذا اللي لاحظته لمن اقنعه بطلعه مع صديقاتي او شي مقتنعه انه صح اجلس وقت احاول اقنعه فيه يقتنع الحمدالله بس يوم مايقعد معاها لو ساعه يجيني متغير مره وحده الله لايسامحها
طلعت البنت من تحت لتحت تبيني اعيش انا واخوها تحت قراراتها...وبحكي لكم سالفه ..كنت فيوم راجعه بليل مع قريبتي وكان زوجي واقف لي بالدرج قال لي حمدالله على السلامه كنت توني متزوجه يعني بشهوري الاولى ..ناظرته والى الرجال كلش منقلب مره وحده والله يا اخوات عيونه حمرا ...ضحكت بابتسامه خفيفه ودخلت قال لي مالك طلعه من يوم ورايح ولا لك الى طلعه وحده بس مع اختي فاهمه...ناظرته وقلت له طيب ممكن سؤال ..قال ايه قلت انت مع مين كنت قاعد قبل ما أجي؟
قال مع امي ...ضحكت بصوت واطئ وقلت له لا قولي الصدق ...مع مين ....قال اقولك مع امي ....قلت له اتحدى مع امك..قال ليش...قلت ام الزوج عمره ماحرضت الولد على زوجته خصوصا اذا اتوهم متزوجين...لا انت كنت قاعد مع اختك.... قال مين قالك ان في احد محرضني ....قلت شوف شكلك بالمرايه شوي وتظربني
سكت وبعد شوي جاء لمي وقالي قولي امين يارب تتزوج اختي بسرعه وتطلع عننا ...قلت امين
طلعت البنت الله لايسامحها تظرب له القصص وتخرف عليه وهذا فلان ووش صار فيه يوم خلى حرمته على كيفه...وهذا حرمته مايقواها الحين عودها على كل شي....الوحده لمن زوجها يعودها على كل شي بعدين يقولها ماعندي ماراح تقبل تعيش عنده....!!!!
ومن هالكلام
بنات تخيلو اذا جونا ضيوف بالبيت تقوم وتاخذ الدله وتصب للحريم كلهم ولاتصب لي .....انا عادي يمكن مانتبهت لي
تقوم تاخذ صينيه الحلى وتوزع على الكل ولا تعبرني....وبسرعه تحط الصينيه وهي ماسكه نفسها لاتنفجر من الضحك وربي تمسح دموعها ووجهها محمر......
اذا امها مدحتني ودها تمسح بآأمها الارض ماتسمح امها تمدح اي شي فيني ...وذا كنت بمجلس وحد مدحني قسم بالله على طول راسها بالارض ولاتاظرني
اذا جتنا ضيفه بالبيت وكنت اسولف مع الضيفه تناظر امها اذا مو منتبهه لها ترجع راسها بالكرسي خلف امها وتناظرني وتتحمد ربها بصوت واطي تناظرني من تحت لفوق وهي تتمتم وتتحمد ربها وتناظر الارض؟؟؟>>>>>
تحاول تحشي امها كل شوي عني حتى لو الموضوع مايستاهل حتى لو تافه ولا ينقال>>>>>كثر الدق يفك الحديد تبي امها تكرهني
عندها اخت اكبر منها اذا جت تزورنا تمسكها على جنب ماتخلي شي ماتقوله.. ولمن احكي واسولف مع اختها الكبيره يالله تناظرني...طيب انا وش سويت هذا حزاي متحمله ليه هذا كله يكفيني اختك
قولي اختك صغيره 24 طيب ونتي يالكبيره معليش شوفي الامور من زاويه ثانيه ......ما الوم اختها مهما بدر منها لانها ماتعرفني ولا بقلبي عليها شي هي مسكينه ماتدري وش شالفه اختها ... واخته دوم مصدقه اختها >>>>وربي شكيت اني ذابحه احد من العائله
اذا جلسنا مع الكل تناظرني وتسولف وذا قامو وكنت بكمل سلافتي معها تحقرني وتقوم وهي تضحك
وذا تحسست من موقفها وجلسنا بعدها جلسه مع العائله تناظرني وضحك وسوالف وذا مارديت عليها....تروح بسرعه لأمها تقول شفتي يمه كنت اكلمها ولا ناظرتني هذا وهو قدامك ماسويت شي>>>>>لاحول ولاقوه اللى بالله
خبرت زوجي عنها وزوجي حده ماخذ موقف منها....اسلوب زفت لا احترام ولاتقدير وماعندها الى سالفه وحده يمه الله يستر لاتفرقنا...شوفي اخوي شلون يعاملني هذا ونا قدامك اضحك وسولف معها ...وماعندها اللى هالسالفه اني احاول قد ما اقدر افرقها عن اخوها>>>>>حسبي على الظالم
بالبدايه صدق كنت اشتكي حتى لأمها بس بعدين كثر نكران بنتها تخيلو تبكي تقول انا ما اتصرف كذا ليه ظالمتني>>>>>انا
تخيلو كنت حامل بالشهور الاولى رحت اطق عليها الباب بقولها يله الغدا...كانت اختها توه جايه...اسمعها بصوت عالي محمقه تقول وش فيك اقولك بتطلع من التاني بتدخل الثلث..وختها تقول ماتدرين يمكن بعد ربي مايكتبه>>>>>>>>>>>استغفرالله العظيم
تعالو شوفو نظراتها لمن اسولف مع اختها وذا اختها عطتني وجه وضحكت قسم بالله شكلها شويه وتهجم علي
لمن زوجي يسالها عن تصرف بدر منها...ما تعترف ونقول خلاص تصافينا لا نكران وتدخل بالعين اخر مره جلست تبكي يا خوي انا اختك تعتقد اقدر اتصرف كذا انا الغريب ماعاملته كذا تبيني اعامل زوجتك ياخوي وتقعد تبكي حرمتك تبي تفرقنا بس>>>>>>>>>>والله العظيم تبكي صدق!!
مره كنت بالصاله اسمعها تكلم صاحبتها وتتوعد لي تخيلو تقول والله ماراح اخليها بالبيت والله انا لها ياهي يا انا بالبيت!!>>>>>>>>>
ان الله مع الصابرين كثير احلم فيها وسبحان الله رب العالمين كل حلومي تفسير واحد حاقده انتبهبي منها دوووم تكيد لك
وتحاول قد ماتقدر تشوه صورتي قدام خواتها الكبار وكيف هي مظلومه مني وشايفه الويل من بالبيت.....
قسم بالله يا اخوات قعدت اسال نفسي هذي ماتخاف من العقوبه قسم بالله ولا انوي ارد عليها بمثل تصرفها بس بجد والله هذي ماتخاف من الموت فجاه!!كيف بتلاقي ربها
والله يا اخوات من جامعتي لغرفتي ومن غرفتي للصاله اذا فيه الام جالسه والى على طول لغرفتي
تخيلو لمن اجلس بالمجلس ساعات اشتهي اناظر ترفزيون هناك تجي وتسحب الجهاز من ايدي بسرعه وتحط برنامجها وتتافف............اشيل نفسي واطلع
انا قبل اشكي لزوجي ولام زوجي بس بعد مالاحظت عليها نكران خلاص مابديت اتكلم ما ابي يوصل الموضوع ان امه تشكك بمصداقيتي كل شوي ولا مع زوجي ولاكلمه بديت التجا لربي الثلت الاخير من الليل ر قسم بالله صرت ابكي وادعي عليها ودعوه المظلوم ليس بينه وبين الله حجاب سبحانه>>>> ولعزتي لأنصرنك ولو بعد حين
بنات بليز اللي تقدر تعطيني تحليل نفسي لحالتها باكون شاكره