مرحبا ..
مشكلتي يا خواتي .. اني ساكنة مع زوجي في بيت اخته .. اخته الله يحفظكم زوجها متوفي وهي ما عندها اولاد وهي طبعا كبيرة شوي في الاربعين قريب الخمسين تقريبا ..
المهم هي واايد تحب تدخل فيني وفي زوجي .. يعني لا تلبسي كذا لا تلبسي قصير , حتى زوجي تقول له لا تلبس كذا روح غير ملابسك ..
انا دايما اسكت عنها بس فيني عيب .. اعاندها .. يعني تقول كذا اسكت واسوي ..
زوجي دائما يقول لي اصبري بس انا تعبت واايد ..
يعني مو بس في الملابس تدخل نفسها تخيلوا ان شقتنا غرفتين وحمام وصالة ومطبخ لكن احنا ما اثثنا الا غرفتنا النوم وبعد تقول ما عجبتها .. وحتى فراشنا يوم شريناه تقول مو حلوو ليش شارينه ..
تخيلو باقي الشقة كله اثاثها .. ولو اثاث جديد اوك الا اثاث قديم من 13 سنة او اكثر حتى انا استحي اذا احد زارني ..
الحين جتنا بنت والغرفة الثانية نبغي نستخدمها مو راضية فيها غرفة نومها القديمة وثلاجة وطاولة وكرسي ..
ودائما اذا عندها شئ قديم تركبه عندنا في الشقة ولازم ترتبه في مكان على كيفها حتى لو انا مو راضية ..
وياريت بس كذا حتى في الطباخ تدخل نفسها يعني في رمضان تقول لي انا قررت انا اطبخ سواء انتي رضيتي او لا وانا احب اطبخ حتى زوجي قال لها لا زوجتي تحب تطبخ وانتي لا اتعبي نفسك لكنها اصرت وانا اصريت وصارت كل يوم تطبخ وانا اطبخ ..
تقولوا ضرتي ..
وحتى في اهلي تدخل ليش امك في هذا العرس لابسة ملابس كذا ؟؟ عمك ليش مسكن زوجته في بيت اهله لو اخته كان طلب لها بيت .. ليش خالتك لين الحين ترضع ولدها ..
وتغاااار مني يعني اذا شريت شنطة تشتري مثلي يوم ثاني او مثل اليوم ..
واذا دخلت علي المطبخ وانا اطبخ لازم تدخل لالا تحطي البصل .. قطعي البطاطا اصغر ..
وفي بداية زواجنا كل ثانية تركب لي فوق ليش غيرتي هذا من مكانه .. انا ما احب الزباله هنا .. لا تاكلي هذا ..
لا تنامي من بدري .. اسهري وصلي صلاة الفجر ونامي يوووه انا حرة ..
من نفتح باب الشقة طلعت ورانا وين رايحين ..
والحين تدخل في بنتي لبسوها كذا لا تسوو لها كذا .. والله تعبت يااا نااس ..
لو اعدد شنو تسوي فيني والله ما خلصت ولا بكرة ..
مسامحة على الاطاله :44:
بنت سيد* @bnt_syd_1
محررة
يلزم عليك تسجيل الدخول أولًا لكتابة تعليق.
بصمت الحب
•
الله يعينك تحمليها دامك ساكنه عندها
حاولي تكسبينها في صفك هي مسكينه لازوج ولا ولد وتغار اذا شافتك انتي وزوجك ويكفي انكم ساكنين في بتها
طيب انتو ليه ساكنين عندها
لما تتحكم في بيتها فهي حره
وبدل ماتشكرينها جايه تذمينها
!!!
جزاها خير ساكنين ببلاش وكهرب ومويه فري
لما تتحكم في بيتها فهي حره
وبدل ماتشكرينها جايه تذمينها
!!!
جزاها خير ساكنين ببلاش وكهرب ومويه فري
الصفحة الأخيرة