لاحول الله
حتى زيارة بيت أخوها تبي أستئذان
الناس ليش تغيرت جذي
لاتزعلين مني ياأخت أنا الأحساس
بس غلط تتزاعلين مع زوجك علشان أخته بتزورك
ياليت خوات زوجي يزوروني
ولا أزور بيت أخوي
صرنا رسميين جدا
والرسمية هذي أثرت على صلة الرحم
أنا أقترح
أذا جت قولي لها شرايك نتجهز للعيد
وحطي حنه معاها وتزيني معاها
أظنها بتفرح
حتى للسوق أخذيها معاك
فرصه تاخذين رايها بالملابس
ورايين أحسن من راي
وعساج من عوادة
وعيدج مبارك
وتقبل الله طاعتج
وجميع بنات حواء

اول شي حطي نفسك بمكانها , لو أنتي مغتربه وأخوك معك بنفس المنطقه بالله ما راح تسوين مثلها , هذا بيت اخوها وماله داعي تستأذن من أي كان حتى اخوها نفسه .

انتي بس حساسه حبتين خلي البنت تجي وتبات انتي وش عليك منها ولا تشيلين همها ابد , فطوركم خليه هو هو لا تزيدين عليه شي , وانتي خذي راحتك بالبيت واحمدي ربك أنها ماهي عجوز أو مقعده وتبي عنايه غير .

تحني أمامها وروحي للسوق انتي وياها وسوي اللي تبين أنتي في بيتك وفي حلالك وهي مجرد ضيفه خفيفه يوم وتروح لأهلها و وسعي صدرك ولا تتضايقين من صغائر الأمور ...

و إنتبهي تبينيين إنك متضايقه من وجودها وافردي وجهك أمامها لأنك لو سويتي العكس راح يوصل لأهله وراح تصير بينكم حواجز انتي بغنى عنها , طبعا غير نظرة زوجك لك وإنك ما تتحملين أهله لو يوم واحد ..

الله يوفقك ليش مكبرة الموضوع بعد واذا رادت تجي عندك يعني انت حتطبخين على مودها الله يوفقك سهليها يابنت الناس مافي داعي للزعل ويمكن هي تساعدك بشيء ومهما راحت وله اجت هي اخت زوجك

هلا اختى وكل عام وانتي بخير
انا من رائيي انك ترحبين فيها ياحرام البنت تبغا تغير وتبغا تستانس معاكم عادي ليه ماتستقبلينها وهيه اخت زوجك يعني مهي غريبه عنك اعتبريها اختك
وعادي الاشياء الي ناقصتك من السوق انزلي انت وهيه واشتروها والاكل لاتكلفين على نفسك الى بتاكلوة بتاكله معاكم
ما اقول غير وسعي خاطرك ولا تشيلين هم

كيفي نفسج وتقبلي الواقع والله ايعينج الصراحه حاسيه فيج
اتحمليها واحتسبي الاجر عند الله ...
ووضحيلها انج مشغوله ومعتفسه
روحي اتحني وخلصي امورج وعلى الفطور سوي الي تقدرين عليه بسسسس
مايحتاي اتعبلين بعمرج
:26: