اخت زوجي

السلام عليكم
اخت زوجي ساكنه جنب بيتي بيني وبينها كم بيت فقط مقاطعتني بدون سبب وللامانه ماتسببت ب اذى لي رايحه بحالها ولا بيني وبينها مشاكل ابدا علاقتنا كانت حلوه بس توظفت قبل كم سنه وتغيرت عن قبل كثيررر والله اني اتذكر اخلاقها قبل احن لها ولسوالفها وخفة دمها والحين ساكنه جنبي لا تعرفني ولا اعرفها اخر مرا دخلت بيتي بعيد الحج السنه اللي فاتت بتكمل سنه انا ماتهمني لو ماتاثرت حياتي بس ام زوجي الله يهديها مو عاجبها الوضع وبنفس الوقت ما تقدر ع بنتها لانها عنيده فحطت حيلها ع زوجي وعلي عشان يتغير الوضع اللي احنا فيه لاني متاكده و عارفه انها بداخلها عارفه ان بنتها غلطانه بس ما تقدر عليها ولا تبغى تعترف بغلط بنتها لان عارفه ولدها يثور علي ويعصب اغثتني بحياتي نكدت علي عيشتي متصله قبل كم يوم ع زوجي وتهاوشنا بسسببها تقول لزوجي ليش انت وزوجتك ما تروح لاختك مسكينه تسال عنكم وانتم ماتبغونها بعرف تسال عنا مين ؟ واحنا جنب بيتها وارقامنا عندها طبعا هاذي تاليفات ام زوجي المعتاده تبغى عيالها قريبين من بعض ويتزاورون بس مو على حسابي وحساب حياتي وقام زوجي علي وتهاوشنا بسبب ام زوجي وبعدها بيوم اتصل ع اخته قريب المغرب قال تعالي عندنا لان هو دايم يزور زوجها بس هيا اللي ما تجي بيته قالت صايمه وجلس يضحك قال خلصت عشره شوال قالت اجيكم ان شالله كذا اوك...بعدها بدقايق زوجي قالي هيا نروح نقضي اغراض المطبخ رحت معاه ع اساس نقضي للبيت و مشانا بالسياره لين بيت اخته وقال انزلي سلمي عليها قلت تو تقول صايمه قال سلمي واخرجي عشان يرضي امه.. تخيلو بدون موعد والحرمه يمكن صادقه صايمه وين اودي وجهي ادخل عليها كذا عيب عيب ماقدرت قلت بتمشي ولا انزل اروح بالشارع قال والله لا افشلك ادخل السياره جوة الحوش ولا بتنزلين برضاك شافني عصبت شوي ببكي عرف ماراح انزل مشى ويسب ويدعي علي وجلس يوم كامل ما ياكل من اكلي ويحمر عيونه فيني تقل ذابحه احد من اهله وزعلان طنشته...اليوم رحت لاختي العصر والمغرب ارسلت اختي لسلفتي وعمتي قالت حياكم للقهوه والعشا عمتي قالت اشوف يمكن اجي قمنا انا واختي جهزنا قهوة عمتي اللي تحبها وانتظرناها تجي ماجت ارسلت اختي ولدها لان بيتها قريب من بيت اختي تقول للولد ليش ماتروحون لعمتكم هههههه ياذا العمه النشبه لازم ننلزق فيها لين تطردنا عشان ترتاح عمتي وبنتها.. وعيت تجي واختي كثرت العشا وجات سلفتي وزوج اختي يقول لاختي تستاهلين ماقلت لك امي واختي لا عاد تعزمينهن ولا تكلمينهن ماراح يجن ماشالله تبارك الله اعجبني زوج اختي لانه فاهم اهله وطبايعهم اللي عندي مدري هو مو عارفهم او يستهبل علي او يحب اهانتي انا وياه مشاكل بسبب اخته كيف اقنعه انه عيب اروح لناس مايجوني عجزت افهمه من تتصل امه عليه يتاثر وياذيني وينشب لي ويجلس كم يوم زعلان من تاثير امه يارب انك تهديه..بعد هالحركتين الي صارت فكرت اخفف زيارتي لام زوجي لاني ما احب اروح لاحد وشايل علي بخاطره وهي بنفسها عارفه ان بنتها مقاطعتني وماتجيني بس بس حاطه العيب فيني وزعلانه علي وزوجي زعلان علي
من سكنت جنبي وانا وزوجي مشاكل بسبب عمتي روحو لها تحبكم تبغاكم وانتم م تجونها
ابغى رايكم انا غلطت بشي ؟؟
او اقطع الشر واواصلها اتقاء المشاكل بيني وبين زوجي ؟وربي وصلت زوجي ينام ويصحى من نومه ويشوفني صاحيه يجلس يدعي علي ويرجع يكمل نومه
استغفرالله الله لايعاقبني كرهتها وهي مااذتني بسبب زوجي وامه.