الله يعينك يارب بصراحه مشكله صعبه بس انا لو مكانك ودائم اسويها بصراحه اقول له لان البنت لو بتضيع زوجك بيروح فيها لو ماقال لك شي بس تخيلي وش بيصير فيه اذا صار في اخته شي انتي قولي له القصه على انها صاحبتك واذا انتهت وشفتي ردت فعله خبريه اذا كان رايق ولا خبري اختها الكبيره عشان ماحد يلومك لانك كلمتي اختها من باب الخوف عليها ولا قلتي لاخوها من باب الخوف عليها بعد والله يستر عليها وعلى بنات المسلمين وشبابهم يارب

مرحبا خواتي

مشكورات يالغاليات علي الردود وماقصرتن

وربي يستر كم ويحفضكم انشالله

هي ماتقدر اتقول حق ريلهااا لانها عارفتنه وايد عصبي ومن النوع الي مايشوف جدامه اذا عصب يعني
يعني بمعني من يعصب الكل يختفي من جدامه حتي امه يشاتمهم ويعصب عليهااا وين عيل اخته ؟؟؟

الموبايل هب مالها مال امها والمصيبه اذا امها ماعطتها اتروح عند تلفون الخدامة وهي دايمن اتقول حق ربيعتي انه الخدامة دايمن تسمعها اتروس واحد يعني كلهن نفس الطينه واذا ارمست ربيعتي وقالت انتبهو علي البنت عصبوعليهااا وزعلوو يعني هي احتارت وياهم وهب عارفه شوه اتسوي
وبعدين البنت من النوع المطيور يعني تمشي وترمس راعيه خراريف يعني اي حد يجاريها خبرته بالسالفه وكم كم نصحتها مامن فايده اتقول انه يحبني ومايقدر يصبر عنهااا
المهم ربيعتي خبرت اخت ريلها الكبيره بسالفه وراحت الاخت وشاتمتها وخذت رقمه واتصلت عليه قالها انه هي الي تتصل وترسل مسجات هب انا وانه هو مايباها هي الي تتلزق فيه وواجهتها اختها وقالت لا هو الي يرسل لي مسجات ويقولها اذا ماتبيني عرفيني علي بنت

والله السالفه مختبصه والبنت شكلها مابتووب وربيعتي نفسيتها زفت وخايفه وتقول ليتها ماقالت لي عن شي ولا اريد اعرف شي
يعني عادي باجر اذا كشفها اتقوله حرمت اتعرف بسالفه

والله احنا راحمينها بس هي هب راحمه نفسهااا

والله يستر ....

ثريا :angry2:

شو هالرمسه :angry2:

هذا شرف مهب لعب .. خليها تخبر امها خالها عمها اي احد لاتتركون البنت بتضيييييييييع:angry2:

يه .. ولا تبون فضايح هذيكـ، الساعه بيعصب زين زوج ربيعتــش :angry2:

الموضوع ماينسكت عليه
هذي معصية وخطأ .. وهي قاعدة تفكر تقول لزوجها والا لا؟؟

اختي الحبيبه
رأيي وفي مسألة الشرف والاعراض لاتتدخلي ابدا
لانها مسأله شائكه
انصحيها
ادعيلها
ولكن ابد لاتتكلمي
افترضي ان زوجك صدقك
يمكن امها ماتصدقك
يمكن تقلب السالفه عليك
يمكن تخسرين علاقتك باهل زوجك بسببها
يمكن تتظاهر بالتوبه وتنتقم منك فيما بعد
يمكن تسلط احد عليك
يمكن يمكن ويمكن
اشياء كثيييييييييير لازم تحسبي حسابها
اشياء كثير ممكن تقعي فيها
ومافي شي يستحق
صحيح انتي تتمني الله يهديها
ولكن ليس على حساب حياتك
وعلاقتك بزوجك واهله
وليس على حساب نفسك وسمعتك
وصدقيني اخت زوجك ماتعجز انها تتكلم عنك عند الناس
ولاتعجز انها تشوه سمعتك
وثقي انها ماراح تسكت
وراح تنتقم بطريقه او بأخرى
اذن ليش؟؟
انتي يهمك مصلحتها
ولكن هي ماراح تهمها مصلحتك
وراح تسعى لانها تأذيك
وحتى لو الان بسبب صغر سنها مااستطاعت
راح يجي يوم ويصبح بمقدورها انها تأذيك
وصدقيني هي هذه المسائل البنت ماتنسى