اخت زوجي الكبيرة .. مشكلتها زوجة الاخو ماتشبع من المشاكل ..

السلام عليكم
اخت زوجي الكبيرة انا من اول مادخلت عليهم وهي تتكلم عن نسوان اخوانها .. تحش فيهم حش طول اليوم ولا وحده عاجبتها وتحقد وتفسر الامور على كيفها ومن الحبه تسوي دبه
حتى عند اخوانها ..
انا سألت نفسي سؤال وش هالثقه الي توني جديده عندهم وتحش فيهم كل هالحش عندي مافكرت .. يمكن انا مو ثقه .. ونقالة كلام . ونمامه؟
المهم انا ركزت على كلامها .. تخيلو الكلام كله عن
دايما تتكلم عن الماده .. اخوي مو مقصر مع حرمته .. هذا غبي كل شي يدفع .. هي موظفه ولا تساهم ..
دايما تشتري من هالاماكن .. ترمي عيالها عند اهلها وتروح تشتغل ..
فلانه شقتها مثل بيوت الاجانب ..
حتى انا اقول بشتري لبنتي عربه تقول لاتشترين ظهرها يألمها .. الكرسي الي يهتز .. لا تشترين .. وتطلع لها قصه ..
كرسي سياره .. لا ..


ماتبغى اشتري شي لبنتي والله بدون مبالغه .. ولا شي .
واستنجت انها .. عندها ٥ عيال .. طلقها ابوهم ولا درى عنهم وهي ماقدرت تشتري لهم كل شي


فتستكثر هالشي على بنت اخوها .. انزين بنتي مالها ذنب
المهم ..
انا ما كنت ادري عنها وعن حركاتها
صارت مشاكل بينها وببن زوجي تقول لي في وجهه الله يعينك عليه ... وكانت تتكلم على اخوها .. وتصرفاته معاها .. وتسب فيه ..


انا صارت بيني وبينه مشاكل رحت افضفض لها لكونها .. الكبيرة وكنت على نياتي .. والمشكله هي تبين لي بيني وبينها
انا في صفي وبتدافع عني وبتوقف معاي
وتقول صحيح مايستحي مفروض مايسوي الحركات هذي


المهم .. اخوها قال يبيها تشوف له بنت يتزوجها
بسبب مشاكلي معاه


وقال لي ان هو قال لها تشوف له بنت


رحت وسألتها قدامه


وتهجمت علي هجوووووم
اخوي مارضى عليه .. اذا ما خطبنا له هو راح يطلع ويخطب لنفسه
انتي غلطتي بحقه كثيرررررر تبين يجيه شي من القهر ويروح فيها ترى ما بيتعطل عليك
هذا اخوي وسندي وعضيدي الي يأذيه يأذيني


ورمت علي كثير من هالكلام
وختمت كلامها كنت ابي اساعدك وانا ما احب الف وادور ولا احب النفاق !!!!!!!!!!!!!!!!!!!!!!!!!!!!!!!!!!!!!


المهم انا سكت عنها
بس بتعامل معاها بحدود وحذر شديد
وبعدين ..
اذا جات عندنا بيت اهلها .. تسأل عن عيالي
وانا ما بحرمها من عيالي طبعا ..
ولكن جت صدفه في وقت انا طالعه رايحه بيت اختي .. بس مالتقينا يعني هي داشه من باب وانا طالعه من باب ثاني مادري انها جايه اصلا .. بس بعدين دريت من امها


قعدت عند اهلها تقول ايييييييه رااااحت بيت اختها بس عشان لا اشوف عيال اخووووي ووووو تحش فيني




عمتي امها قالت لي كل شي ...
جابتها بصيغه انها تعاتبني كيف طلعتي وبنتي ما خليتيها تشوف عيالك .. هي قالت كذا وكذا ...


يعني تبغى الحين تسوي لي مشاكل .. مو عارفه تدخل من اي باب ..
تبغى تقول ان انا حارمتها من عيال اخوها وتتبلى علي ظلم وتعاملني مثل حريم اخوانها
شلون اتصرف معاها هذي .. انا مو ناقصتها بصراحه