بنات الي يهاوشونها عند غيراتها بلبس ترى ماعندكم سالفه الغيره شي فطري عند المراه ولاتضنون ان الرجل مايتاثر اذكر واحد يقول ماداني اروح لبيت اختي من لبس بناتها يقول اتاثر غصب واكيد بيقارن حتى لو ماظهره ممكن هن تعودن على كيذا ومو قاصدات الله اعلم لكن تصرفهن غلط وحراام الاحظ كثير ينتقدن الي تنقد لبس خوات الزواج حتى لو كان لبسهن ياثر على حياة البنت مع زوجها
شذى الورد والحب عليك برياضه ترى ماينحف الجسم وينسقه غيرها مع الرجيم ويغير بوقت قصير بس لاتبيني له انك مستائه من جسمك ابد حسسيه ان جايز لك جسمك

الله يفرج همك بس بنصحك طنشي ومثل ماهم يتكلمو عن جسمك تكلمي عن لبسهم بنفس الاسلوب قولي حنا متربين وضحي تربيتك وعاداتكم عادي اما في الروحه والجيه طنشي وحطي في بالك انه عادي واذا بيطلعون قولي وانا معكم ترى زوجك حاط في باله انك تكرهين اهله وتغارين منهم وضحي له واثبتي انه عادي وبردي على خاطرك ومصير ربي يبدل ماسووه ويحسون بأحساسك وانتي اهتمي بنفسك وكوني ضحوك وسولفي نصيحه اهم ايام عمرك لاتضيع في الغيره دام مااهتم اهتمي انتي بنفسك وفليها لو يصرف عليهم مليون وين مارحو روحي معهم وادعي الله ولاتقطعي رحم وربي كريم .

صباح الخير
ماقريت موضوعك الأول .. وتوني مسجله ف المنتدى عشان ارد عليك .. واتمنى بجد بجد تستفدي من تحربتي لأنو مريت بنفس حالتك والله العظيم وكأنك تتكلمين عني عشان كذا سجلت ^_^
شعورك اللي تحسين فيه مريت فيه وخاصة من ناحية أختو لزوجك وكنت أكرها وم أطيقها بالاضافه انها كانت تستغل هالنقطه مني وتقهررني زود وتسبب لي مشاكل وتطلع عني كلااام والله العظيم اتفاجأ لما يوصلني . . .
مع العلم إنو خوات زواجي 5 وكل وحده ألعن من الثانيه من ناحية اللبس وتقريبا اكبر مني ونفس سني . . .
حسيت روحي من كثر م أنضغطت منهم نفسيا بتطلع ..كرهت كل شي وتدمرت نفسيتي مررره وزوجي صار ينفر مني ومن اسلوبي اللي تغير بسبب غيرتي ونفسيتي . صرت لاعاد اروح لهم ولااطلع ولا شي مع العلم إنو سلفاتي أقل منةعاديات بس مو مثلي حساسات واي شي يأثر فيني وازواجهم يمدحون ف خواتهم وهم عادي ... كل واخد وطبعه انا مقدرت اتحمل لانو كنت اقارن نفسي فيهم واتدمر واكره كل شي ...
جلست مع نفسي افكر شاحبه .. وزن زايد بعد الولاده .. لون مو موحد ... شعر تعبان وضعيف آخخخ بس
ومن بكره اسوي جدول لكل شي حتى أظافري واستعنت بكم وحده ف مجال الخلطات والعنايه ..
شهرين بس وماتتخيلين النتيجه اللي وصلت لها
نزل وزني 10 كيلو
جسم مشدود
خصر منحوت
لون موحد
وجه ابيض وصافي
وفوق ذا ثقتي بنفسي صارت عاليه
ونفسيتي تغيرت مررره .. وصار وقت الجد .. هالفتره كلها كنت ما اشوفهم ولايشوفوني .. وقررت اهزم ضعفي واكسر حواجز نفسي واروح ..
كشخت مثل كشختهم وازود واروح لهم وانا واثقه من نفسي وشكلي وجمالي ..
لما شافوني صاروا يصارخون ومتفاجئين ما احدثك عن كمية الثقه اللي رجعت لنفسي ذيك اللحظه .. وافسخ العبايا واقوم امشي واروح للمطبخ والصاله واسولف واضحك واحس بنظراتهم شي ثاني ..
زوجي لما جا بيدخل يسلم ع خواته وامه وشافني كيف اضحك واسولف زي اللي يناظر مستغرب ومصدوم خخخخخ
حسيت وقتها كل شي حلو .. تغير حتى ف تعامله وصرت احس انو اللي يصير بين الاخ والاخت شي عادي مهما كان لبس خواته وعرفت انهم متعودين ع عاللبس من قبل م اعرفهم ... صرت اكشخ والبس واصير اجملهم وماعاد التفتت للافكار السخيفه اللي تجيتني ..
وانتي اذا غيرتي من شكلك واهتميتي راح ترجعلك ثقتك بنفسك ورح تروح هالافكار من راسك صدقيني ورح تشوفين هالشي عادي بعكس لو انقهرتي منهم بالعكس راح يعجبهم الوضع ورح يزيدون ف قهرك وينبسطون وهم يشوفونك تتحطمين والله .. ابدئي بنفسك ثم نفسك ثم نفسك ..
اعتذر كلامي مو مرتب بس سجلت عشان ارد عليك لاني مريت بوضعك
دعواتك

جداا موضوعك ياشذى حقيقي واغلب العوايل كذا فالحمدلله اللذي عافانا اماااللي مو مصدقك استغرب منهم واماا اللي ينتقدك شكلهم زي اخوات زوجك من النوع اللي تتعرى عند محارمها فالكل لايتهزأ والله يبتليها بغيره اقوى من غيرة شذى وانصحك ياشذى انك تحاولي قد ماتقدري ان زوجك مايدخل عندهم اذا كان لبسهم متعري قولي اذا شفت اخواتك لبسهم مو ساتر لاتدخل اذا كان يسمع لك اما اذا من النوع اللي يطنش فادعي له بالهدايه وادعي لاخواته والله يهدي الجمييع والموضوع اللي ماعجبني فكلامك انك دخلتي للنوايا وانهم خبيثات حرااام عليك دام ماقد اساءو لك ليش حكمتي عليهم كذا استغفري ربك يمكن هم يتحاسبو عالشكل الخارجي وانتي تتحاسبي عالداخل فحسني نيتك وربي يحسن حياتك

الله يوفقك على هالرد الوافي المفيد ل صاحبة المشكله
وبعض الاخوات اللي يدافعون عن اللي لبسهم مايرضي الله
الله يصلح احوال المسلمين