ذكرتيني بصديقتي
تقول خوات زوجي بيعنسون؟؟!
الحمدلله والشكر انشغلي بنفسك احسن لك

يعني الحين اللي عمرها 30 تعتبر عانس وكبيره!!!!

بالعكس انا اشوف انه عز الشباب !!!

والناس يدخلون الجنه على عمر 30 ؟؟!!!!!

ياشيخه فكرتك الحين بتقولين انها تعدت الاربعين او اكبر

احنا في عايلتنا ماتنخطب البنت الا من ال26 وفوق .... مدري عن مجتمعكم بس 22 توها مراهقه على الزواج بنظري

المهم انتي شكلك ماكتبتي الا من منطلق انانيه ومافكرتي الا في مصلحتك ولا اعتقد ان مصلحتها تهمك

سبحان الله
في ناس حياتهم تتمحور حول الزواج
يعني الزواج اكبر همهم ومنتهى احلامهم

يااختي اعرفي ان احنا ماانخلقنا للزواج فقط في اشياء في الدنيا اهم اكثر من الزواج
ولاتنظرين للناس بعين طبعك لأن الناس افكارها تختلف
يجوز البنت مو اكبر همها الزواج
وعلى فكره انا اعرف بنات كثير نفسها !

الوحده تبي تتزوج عشان ترتاح نفسيا وتستقر وتكون اسره
بس اذا هي ماحست ان اللي راح ترتاح معاه نفسيا تقدم لها ... تقعد في بيت اهلها معززه مكرمه
ومسأله انها تعيش مع اخوها
شوفي يااختي
انتي زوجك ممكن
يطلقك لاسمح الله
ممكن يتزوج عليك الخ
بس الاخت مايقدر يطلقها او يتخلى عنها لأنها لحمه ودمه ويعرفها قبل يعرفك

ومو معنى انك تنازلتي عن اشياء غيرك بيتنازل

انتي تنازلتي لانك تعتبرين الزواج شيء "اساسي" بحياتك
البنت هذي يجوز الزواج شيء" ثانوي" لهذا لاتريد التنازل وترى ان جلوسها في بيت اهلها اهون من انها تعيش مع احد لاتعرف مصيرها معه او تعتقد ان مميزاته لاتؤهلها للعيش براحه معه

انا اتفهم وضعك ورغبتك بالعيش في بيت خاص مع زوجك مستقبلا وهذا من حقك
لكن ماكل مايتمناه المرء يدركه
واذا كنتي فعلا تهمك اخت زوجك وتريدين مصلحتها ادعيلها في قيامك وسجودك بالزوج الصالح واعتبريها مثل اختك
والله يصلحنا واياك ويرزقها الزوج الصالح

الله يهديها ويووفقها ويكتب لها الصالح يارب ولا تجي عندك ولا غيرك ياررب ..

بصراحة ..انكسر خاطري عليج أكثر منها..

المشكلة ماندري شمكتوب لنا ونتكلم ونخطط..

الله يرزقها ويرزقني وكل المتاخرات ..خير مما تظنون..اللهم اااااااااااااااااامين

المشكله يابنات مش فيها بس المشكله في المجتمع وتفكيره المتخلف تخيلو طيب انا الحين عمري 22 سنة وصديقاتي كلهم تقريبا اللي عددهم 14 كلهم ماشاءالله تزوجو وفضلت انا من بين هالبنات اللي ماتزوجت اوكي ومع اني مش كبيره في العمر توني 22 بس ماسلمت من هالكلام المتخلف "انتي لحد متا بتفضلين جالسه كذا" (كأني جالسه في بيوتهم وهم اللي يصرفون علي) "شوفي كل صديقاتك اتزوجو وانتي لسه" (يعني الواحد مايدري وش يقول) وعندي اخوي متزوج من 5 سنوات وربي مارزقه هو وزوجته عيال وبعد الناس الفاضيه اللي تفكيرهم فاضي ماخلو اخوي في حاله "انتي لحد متا اخوك مايبي يجيب عيال" تخيلو حتا في القدر اللي كاتبه ربي تدخلو والله مثل ماقالت وحده من الأخوات لو كل واحد ينشغل في نفسه قبل ما يطالع عيوب الناس بيلقى ألف عيب وعيب في نفسه ما اقول غير الحمدلله ياربي على نعمة العقل والله أحيانا اقول ليش ما ارد عليهم لكن ارجع واقول لنفسي لو رديت على مثل هالناس راح أنزل نفسي لمستواهم ومستوى تفكيرهم وانا (واعوذ بالله من كلمة انا) أكبر منهم ومن عقلهم ..
اللهم لك الحمد ولك الشكر