اخت زوجي تسرقني.....وهي ضيفة في بيتي..

السلام عليكم ورحمة الله وبركاته
منتداي العزيز ..والى جميع العضوات الكريمات راح اختصر الوقت عليكم وادخل بالموضوع مباشره
اهل زوجي ضيوف عندي من شهر محشومين مدللين وماقصرت معاهم بشيء وبيتي مفتوح لهم اللي يبغونه موجود ..وحتى دايم اسالهم محتاجين شيء نفسكم بحاجة والحمدلله راضين ..المشكلة باخت زوجي اكتشفت انها سارقة اشياء من البيت ..وقبل كده من كم سنه سرقت مني ميك اب من ماركة غالية ومن بعدها صرت اقفل غرفتي وقلت لزوجي عن الميك اب اللي اخذته وزعل كثير من الموقف ..
بس دحين ماقدر افتح معاه الموضوع لان اخته بس مقفله الشنطة حقتها ومع ان مافيه احد بالبيت يتجرأ ويفتح شنطتها بس هي من حالها تقول للشغاله انا اقفل شنطتي عشان اخاف من الاولاد يلعبوا فيها ومع ان شغالتي ماسالتها لكن اللي على راسو بطحاء يتحسس فيها..
راح تسالوني وتقولوا كيف عرفتي ..والله من غير قصد قلبي قرصني انه فيه شيء مو مضبوط قاعد يصير بالبيت ..شكيت بالموضوع ويارب تسامحني قدرت افتح شنطتها ولقيت الاغراض موجودة وانا مذهولة وبسرعة ققلتها وانا مصدومة ومو مستوعبة ..والله مو عارفة وش اعمل وكيف اصارح زوجي ..مع ان زوجي مو مره قلبه على اخته لانها قبل كده تسببت له في خسارة عقار كبير لاهل زوجي بسبب انانيتها .. وهي عمرها 30 سنه يعني مو صغيره ومطلقة ..حتى امها مو واثقة فيها وتخاف على فلوسها منها ..بس لما صرحت من كم سنه وصارت هوشة ييني وبينها عشان الميك اب امها شخطت فيني و تقول بنتي متربية احسن تربيه . .
انا اللي مزعلني حاشمتها ومكرمتها وهذا جزاء المعروف..وش اعمل فيها صرت اخاف على بيتي ومو عارفة بكره وش راح تاخذ..لانها راح تجلس شهر ثاني
انا اسفة طولت عليكم بس والله واثقة فيكم بعد الله وفي مشورتكم ..