اخت زوجي تسكن معانا

السلام عليكم ورحمه الله وبركاته
هذي مشكله لاخت عضوة معانا بالمنتدي اتمني ماتقصرون معاها والف شكر
والله مالي بالمقدمات يابنات بس انا بهم مايعلم فيه الا الله ادعو لي بالفرج اذا مافي حل لمشكلتي
الي صار اخت زوجي من امه ساكنه من زمان مع ابوها واخوانها وحياتهم عال العال من كم يوم صار إصلاحات ببيتهم وابوها قال لها روحي اجلسي كم شهر عند أي احد من اهلك لين يخلصو العمال طبعا أمها عندها بيت كبير بس مايتحملون بعض ودايم يتخانقون فماتبي تروح عند أمها فكلمت زوجي وهو مابيطرد اخته صعبه بس وش أقول لكم شقتي مره صغيره غرفتين ومطبخ حتي صاله ماعندي بس ممر اطرينا نشيل المجلس الي استقبل فيه الناس وحطينا لها سرير وزوجي علي قد حاله صار لها معانا أسبوع وكل شوي طلبات من الصيدليه ومن السوبرماركت ودايم ماتحب تطبخ او تاكل من اكلي كل يوم او يوم وترك تبي من مطعم فلست زوجي وهو راتبه بس 4500 ومتضايق طبعا ماناخذ راحتنا بشي ابد وولدي عمره 6 سنين دايم يبكي لانه مافي تلفزيون الا بالمجلس الي هي قاعده فيه وهي ماترضي احد يخش غرفتها ولا اقدر استقبل احد عندي نهائيا مع انه من قبل جاراتي يجوني بس الحين مافي مكان وسالها زوجي متي تخلص التصليحات قالت يمكن 3 او 4 شهور ماني عارفه وش اسوي حتي كنت مخبيه عندي 1500 ريال وزوجي قال لي فلوسه خلصت من طلباتها الله يهديها واخذهم مني ومحتار كيف بنقضي للشقه ومستحي يكلمها عن المصرف الزايد وهي بخيله مستحيل تطلع ريال من محفظتها مع انه ابوها غني ومو مقصر عليها بشي حتي من يومين رحنا المجمع عشان اخلي ولدي يلعب بالالعاب انا والله مااتسوقت ولا شريت شي مراعيه زوجي بس هي اخذت اغراض ب760 ريال وكانت تبي ساعه ب800 وزوجي قال لها ماعندي وحسيت وجهها تغير وزعلت ورجعنا البيت وهي ساكته ودخلت غرفتها وسكرت الباب بقوة لا شعوريا خشيت غرفتي ابكي من القهر ماني عارفه وش اسوي وكيف بنتحمل هالوضع 4 شهور هذا غير ثيابها ماتغسلهم ترميهم عند الغساله وانا مااتحمل يتكدس شي عندي المكان صغير وصرت حتي اغسل ثيابها ولو اخليهم مابتغسلهم صرت افكر اروح بيت اهلي والي يصير يصير انصحوني وش اسوي مره مضغوطه