مدري من وين ابتدي
ترى السالفه طويله تحملوووو :44:
لي متزوجه سنه ونصف في ثاني يوم من زواجي شفت حلم غريب مررره الي هو
( اخت زوجي الكبيره عريااانه في حمامي ومغطيه جسمها في الباب وتناظرني وعيونهاا توووحش ونظراتهاا وانتهى الحلم )
من بعده خفت مرررررررررررررررررره واسكت ولافسرته ودايم افكر اني افسره بس خايفه

المهم مرت سنه ونص ع زواجي طول هالمده اخت زوجي الكبيره متسلطه ع تجدع علياا كلام وتشيش زووجي اذا رحت لاهلي ولا جيتهم
وكان زوجي كل يووم وديني لهله ويكره اني ازور اهلي
حتى اخوه الصغير يقول لامه انا ماني صاير مثل اخوي اجيب زوجتي كل يوم عندكم !!
واذا ركبت معنا في السياره تقص وتسولف وتعدد ع زوجي الحريم الي مايروحو للهلهم وانهم محددين لهم اوقات في الزياره وان رجالهم شخصيات
المهم كنت اسكت واسكت انا طبعي استحي اررد وتجين ردود بس بقلبي
حتى ولدي ماسلم اذا شالته تقول وع ريحته مدود !!!!!!!!
واذا كان زوجي مو عندي تقعد تشيل ولد اخته وياملحه ويازينه واذا جا زوجي تقلب سبحان الله وتصير تحب ولدي وتمدحه !!
وبس تتشره علي واذا احد سالني عن شي تقوم وتجاوب عني كني ماعندي لسان
يوم كنت حامل سالني خالي ابو زوجي وش راح تسمون البيبي ؟
قامت ونطت ترد قبلي قالت اذا ولد فهو عليك واذا بنت فهو ع امي !!
انا اسسكت استحي من خالي
وطول عمري مسكته واذا اشتكيت عند زوجي قال ردي عليهااااااااااااااااااا
قمت قبل اربع ايام وفسرت الحلم من القراده الي فيني آآآآآآآآآآآآآه
قالي الشيخ ( تبي تمرين بأزمه وكربه وتبي تفرج ان شاءالله )
بعده استغربت قلت وش دخل مدري شكيت في التفسير
فالحدث الي صار وانقهرت منه كان يوم السبت الماضي
طلعنا لشاليه مع حمولتي وخالتهم
انا انبسطت من زمان ماطلعناا وتكشخت وجهزت حلاي وقهوتي والشاهي حتى جبت معاي صره حبق ونعنع وبريق ولبتوون علشان نصلح في الشاليه << ياعمري انااااا
اوول ماجلسنا جبت حلاي وقهوتي
قالت خالتي عن قهوتي ثقيله
قلت ان زوجي يحبها ثقيله
قالت اجل خوذوهاا لولدي << الي هو زوجي
جا وقف ولدهم الصغير يبي ياخذ القهوه قالت اخته الكبيره قل لفلان ( زوجي انا ) يشرب أحواق مرته ( يعني مطاريس تقصد قهوتي )
انا اسسكت وقسم ضاق صدري سمعوها الرجال لانه كان بينا ستاره بس
يسمعون وهي صوتها عالي
تفشلت ولا تقهويت ولا اكلت من الحلا :(
المهم قامت وتهجمت ع خالته اخت امه جايبه ساندويشات قالت انهم خانسات وع وش هالقرابيع !!.
فشلت بنت الخاله وشفته بعيووونه
( وهي طبعا تجيبه انه مزززح !!!! )
بس ولو شي يفشل انه الواحد جايب ومتفنن وتقوم تفشله
جت بنت الخاله تسالني عن صينيتي عجبتهااا
قامت ونطت تجاوب بدالي وتقوا من المعيقليه !!!
انا تفشلت معروف ان المعيقليه شارع قديم ويفشل الواحد يشتري منه !!!
واسسكت على مضض :icon33:
من بعده وقف زوجي عند الستاره يسال وشتبون عشاااء
وانا كنت اغير لولدي بغرفه داخل والحريم كانو برى
تجي تقول بأعلى صوتها والرجال يسمعون ( زووجتك مااكلت ولا شربت جب عشاء زين )
انا سمعتها وانا جوى بالغرفه وانقهرت وش يبي يقولو الرجال قهوتي شينه ولا اكلت شي !!!
قمت وطلعت من الغرفه وجلست مجنب خالتي
قالت خالتي لي ( صدق مااكلتي شي ؟ وشفيك ؟
قلت وهي كانت تسمع انا ماكله بس هي مدري تبي تشوووه سمعتي عند الرجال ياماصارت قهوتي حواق شينه ولا اكلت ولاشربت !! << انفجرت من جد
تجي تسكت
وتمشي بسرعه وترجع لبيته مع ولد خالتها ( وهي بالعاده ومن اول زواجي وهي تركب معنا بالسياره ماعمري اخذت راحتي ولاقلت له شي عادي عندي لانه اخت زوجي وسيارت زوجي مالي دخل بس مايفيد بهااا يعني موفره زوجهااا وبعد تقول اني انصح اختي تجي تركب معنا لاتستنى زوجهااا )
يوم ركبت السياره ارسلت لي رساله تقول
(انا اسفه عن مابدر مني لكن انا امزح معك وانتي تاخذين الامور بجد وانا طبعي احب امزح )
قلت لها ورديت برساله ( هلا فيك تبين الصراحه زعلت وتضايقت لانه في رجال غرب وتفشلت وش يبي يقولون عني وحتى بنت خالتك تغير وجهها يوم سبيته سندويشات امه ولاتزعلين من صراحتي حنا خوات )
انا طبعا بينت لهاااا ولانيتي اني افرق بينهم وبين خالتهم جايبه انه مزحك ثقيل ولااحد يتحمل

قامت من بكرى العصر ارسلت تقول ( هلا خالتي عارفين طبعي ويحبونن واذا اسكت ضاقت صدورهم والواحد اذا طلع يبي يسولف وييوسع صدره وان خالتي تقول الي يبي يزعل ويتشره ويتحسس للكلام لايطلع يقعد في بيته بس انتي حساسه وتحسبين كل شي مزح ثقيل وبنت خالتي ماتغير وجهها لكن كل واحد يرى الناس بعين طبعه عموما الله يعينك على نفسك )
امانه اسالكم وش تقصد ؟ تقصد اه لاتطلعين معنا لاصرتي ماتقبلين ؟ وش اتقبل ؟ اتقبل اني انهان ليش ؟ لي سنه ونص وانا سااكته يوم رديت تقولي كذاا
جيت وارسلت لها ( انا بنت مؤدبه ماتعودت ارفع صوتي عند الرجال << اقصد ارد عليها يوم تقولي احواق عن قهوتي
وانا طالعه تبع زوجي وخالتي ماطلعت معاك وابنت خالتك شفتها تغير وجهها مااكذب ! وابطلع وانبسط وبكيفك لاتطلعين يااخفيفه الدم << تعليقا انه تقول مزحه خفيف )
يوم جا الفجر صليت وابنام ولا تجين رساااااااااااااااااااااااله من جوال خالتي
طبعا البنات مرسلين الخوات الصغار واكتبه حرفيا لكم ابغاكم تحكمون
( والله ماندري من قليل الادب اللي يتكلم على الي اكبر منه بكلام بزران وياليته صدق بعد
اختي الي الكل يسأل عليهاا ويحاتيها ولايكون على بالك حنا نحبك محترمينك عشان اخوي
وخالتي ماعمدوك تتكلمين عنهم وهم يحبون اختي غصب عنك ولاتنسين هذي عشره عمر تجين بيوم وليله وتخرفين كلام وتحكمين عليهم بكيفك واللي يرشنااا بماء نرشه بدم وعلى فكره اختي الداخله وانتي الطالعه
يام الادب والاحترام لوصار لاختي وجنينها شي لاتلومين الا نفسك ماكن دنا نتكلم معك بهالطريقه بس البادي اظلم والله يصبرناا على ملاغتك هذا ويقالك مؤدبه وخلي اللي وازينك ينفعونك وتعلمي الاملاء ياحلو )
آآآآآآآآآآآآآآآآه هناااا انهرت اصيح وابكي
والله ماعمري تعرضت للبنات الصغار ليش يهجمون عليا كذا وليش يكرهوني ماقد سويت لهن شي !!
جا زووجي من الصلاة وشافني ابكي
وش السالفه ؟
قلت شف الرساله !!
هو انصدم ماتوقع كذا من خواته !!
قام واتصل وردت الي مرسله وهجمت ومنفعله بالبدايه وتقول اسال زووجتك ؟؟
بس علشاني رديت واخذت حقي !! يعني لازم اسكت وانقهر من جواي ولا يهجمون علياااا
كلمت خالتي الظهر وانا من النوع الي ع طوول ابكي ماعرف انااقش
وبكيت عنده قالت انا مدري وش السالفه وانتي ليش تقولين لبنتي انه تشووه سمعك بنتي مو شرانيه !! وهذا طبعه وهذا مزحه حتى ابوهااا تتعرض عليه وتفشله !!
وانا يا بنات اهم ماعندي خالتي لانه ام زوجي وهو يحبه وانا بعد اغليهاااا ولا ودي تخرب علاقتنااا
راح زوجي لمهم
وقعدو يجيبون اشياء ثانيه عني ومنهااا قالو انك يوم بالشاليه تصووت تبي شاهي وهي جالسه ماقامت فشللتناا ؟؟
وهو كلمني وهاوشني قال فشلتين
قلت انا يوم تصوت كان ولدي بحجري يرضع وخالتي قالت خربان الفررن وبطي ومدري ايش !! وقامت اختك وصلحته وانا عاده نفسي وكنت متوقعه مثل ماكانو يقولون اني مثل اختهم ماتوقعت شايلين علياااا
وفكرت من بعده وبعد استشاره صديقتي :(
قلت لزوجي خلاص انا ابقول لاختك الكبيره اني غلطت وابتأسف منهااا علشانك يازوجي وابرضخ لهم والله علشانك وابهين نفسي علشان ماتزعل لانهم راح يطلعون اشياء كثيره عني وتكبر المساله
اتصلت عليهاااا 11 مرره ولاردت
قمت ارسلته لها ( انا اسفه واعتذر انتي غلطتي وانا غلطت وانتي العمه الكبيره عمه ولدي الغالي وزوجي قلبي
وحنا اهل ردي على رسالتي لان مانمت والالي غيركم من بعد اهلي )
ولاردت عليااا الا اليووم الظهر اتصل ولاترد !!!!!!!!!!!!
قالي زووجي خلاص خليك رسميه ابوديك تشوفين امي مره في الاسبوع ساعه وارجعك وولدي اذا اشتاقت امي له اباخذه لهااا
وش رايكم ؟؟ بقصتي ؟ظ\؟
انا كنت اتمنى حمووله اروح واسافر معهم وانبسط !! بس الحمدالله
وعلثتهم انها هذا طبعهااااا طيب يابنااات هل الي طبعه يسرق يخلى ولايردع هل الي يزني نقول انه طبعه ونخليه
مدري ليش ماينصحووهاااا
وشلوون الحين اتعاامل معهم وهل انا غلطانه ؟
والي حمولته مثل كذا وشلون تعاملهم ؟