الله يعينك ..

فيه ناس لسانهم سليط ويسبون يقال لهم مزح حتى لو كانوا يتكلمون مع امهم وابوهم ويمكن يخلطون سبهم بمزح علشان يبررون لنفسهم سلاطة لسانهم وحماتك من كلامك انها من هالنوع يعني حتى مع خالتها وبنتها علشان كذا هم تعودوا ولايقدرون يزعلون ويوم قلتي عن بنت خالتهم كأنهم فهموا انها اشتكت لك علشان كذا زاد زعلهم وشلون تصير بنت خالتهم ضدك ويمكن بنت خالتهم خافت من هالكلام وقالت اني ماقلت لها وانك مالك دخل فيهم والمفروض بيني وبينك ماقلتي شي عن بنت خالتهم كان قلتي عن نفسك بس ,,
وزعلهم كان كبير لانهم ماتوقعوا منك انك بتزعلين لان اختهم هذا طبعها معك من اول الزواج وانت ساكته عليها وماتردين حتى زوجك قال كان رديتي عليها لكن انت جمعتي وكتمتي بعدين بالشاليه تكلمتي وهذا اللي صدمهم لان بنتهم بنظرهم ماغيرت اسلوبها معك بس انت اللي ماتحملتي
انا احلل لك موقفهم وانا طبعا مش ادافع عنها ,,
انت غلطت مرتين مره لانك سكتي من اول لين زادت وماقدرتي تتحملين ,, ومره ثانيه يوم اعتذرت لها وكررتي اعتذارك كان سكتي لين تهدا الامور واذا حسيت فعلا انك غلطانه كان اعتذرت اعتذار بسيط وقلت صار بينا سوء فهم وارجو انه مايتكرر مره ثانيه ,, بس انا حساسه وانت دايم تنتقديني ,,
انا اقصد انك غلطت لما كل شوي تكررين الاتصال وهذا انت مش مقتنعه بالاعتذار اخاف يقولون خافت من تهديدنا وهجومنا عليها مع العلم ان زوجك قدم لك الحل انك تروحين تزورين امه وياخذ ولده لهم لكن شكل حله مااقنعك تبين ترجعين لهم وتطلعين معهم زي اول ,,
انا مااقول قاطعيهم لكن بعد هالزعله يبي لك تتركينهم شوي لين يهدون لانك حتى لو رحتي لهم ماراح يتقبلونك زي اول وراح يحسبون كل كلمه تقولينها وراح البنات الصغار بيوقفون ضدك وحماتك راح تتكلم وتنقد وتسب اكثر من اول وماحد قايل لها شي حتى انت بتسمعين وتسكتين لانك خايفه من الهواش وانهم يزعلون عليك وبيحسون انهم انتصروا عليك وانت بتحسين بالقهر والذل ,,
يعني الحين اتركيها ولاتروحين اذا كانت موجوده ولاتطلعين معهم جمعات ,, اجلسي ببيتك او روحي لاهلك لين تهدا النفوس لان الايام كفيله بانها تخفف من شعورهم ضدك ,,
وارجع اقول انا مااحرضك على مقاطعتهم لكن هالايام خففي روحاتك لان القلوب شايله ,,
واذا رجعت علاقتكم زينه اذا قالت لك شي خذيها على جنب وقولي انت زي اختي وانا معجبه باسلوبك لكن انا حساسه اذا قطيتي على ذبات حتى لو كنت تمزحين وحنا نبي نتجمع مانبي نتفرق ,,,الخ باسلوب مدح علشان تكسبينها لصفك ,,
وترى اكثر اللي شخصيتهم زي حماتك يكونون طيبين بس لسانهم يكره الواحد فيهم ويدفن طيبتهم وانا متأكده انها بس لسان وصوت عالي لكن من الداخل طيبة وتقدرين تكسبينها بالمدح طبعا بعدين اذا رجعت العلاقة زينة,,

خلاص خليك رسمية

ولاتتصلي فيها لان سويت اللي عليك

الله يهديك المفروض يوم ارسلت لك ماردتي الرساله ردي بالمجلس والمفروض لما سبت قهوتك قولي لاتشربين

منها ماجبتها لك ولا عليك من بنت خالهم

والاعتذار اكبر خطاء الحين انقلبت السالفه عليك تخيلي اذا زوجك كلمها بتقول تعال شف زوجتك وش راسله

انتي كبرتي راسها برسالتك يااختى لونها اختك عاد تكتبين هالكلام وتكررين هالاتصال هي وخواتها البزارين الله يهديك

خلي علاقتك رسميه انتي ودك تدخلين معاهم!!!!!!!!!!!!!

مالك الااهلك مما كان بتظلين غريبه والله يصلح الحال استغفر الله

والله اني جتني الصيحه حسبي الله ونعم الوكيل والله يجزاكم خير يالي قدمتوا نصايح لها
وانا من الاول كنت اقوله ردي على مزحه السخيف وعلى فكره خوات زوج الي ارسلوا مو صغار وحده كبر (ام رتال) وثانيه بثاني ثنوي
يعني كبار والله يمهل ولا يهمل هن ارسلن وعترفن بكرههن لزوجت اخوهن وبكرا الدنياء دور فيهن ويسلط الله عليهن ويكرهن شخص من غير سبب