اخت زوجي حاست تخطيط حياتي|اكتفي من الردود

السلام عليكم طبعا انا متزوجه حديثا من عائله غير عنا جديده علينا مدحوا الولد وانا وافقت مع اني توي متخرجه زوجي له خوات لكن اللي ماتزوجت وحده ومعنا بالبيت امه واخته تحت وانا فوق وبيننا باب يعني منعزل اخته هذي هي ساس البلا اوالا هم حالتهم الماديه عاديه جدا لكن يحبون يكشخون ويعزمون وكذا انا من يوم تزوجت وانا حاسه انها مو حانطتني مع انها ماقالت شي ابدا لكن واضح احيانا زوجي يقول انزلي اسهري عند اهلي تحت انا بطلع ومامعي وقت اوديك لأهلك هم بمدينه ثانيه تبعد ساعه عن مدينة اهل زوجي المهم وانزل باسهر معهم واحسها تتجاملني وبعد ساعه تلمح فيني نوم وكذا وارقى فوق واسمعها مانامت بس تصرف دايم اقولها تعالي اسهري عندي فوق اطفش وتقول لا خليكم على راحتكم >> تكفين يالمؤدبه قولي ماتبين بيننا علاقه وانا اشوفها لاجو قرايبها تطلع الضحك والسوالف هي صح انها حلوه وانيقه حتى بالبيت بس مو سبب للغرور انا دايم افكر وش فايدة الجمال اذا مافي رجال يطل بوجهها ماعمرها انخطبت وانا الحمدلله صح عاديه بس مرغوبه وتزوجت وفتحت بيت ولاشفت نفسي والشي اللي صدمني انها طلعت مقدمه على بعثه وبيروحون هي وامها قلت لزوجي وشوله بعثه قال احمدي ربك ان اختي بتروح البعثه والا كان ماسمحت لك تتوظفين وانا قايلك من قبل الزواج مافي وظيفه برا المدينه اللي احنا فيها لكن الحين بروح مع اهلي واخليك عند اهلك ترم واجي القاك ناقله وتتوظفين قريب !! قلت لا بروح معك للبعثه خير اجلس عند اهلي وانت هناك قال خلاص تروحين معنا بس مافي وظيفه ماعندي استعداد ارجع وانتظرك تنقلين ترم كامل تروحي وماترجعين الا متاخره !!! ومن يومها وانا مقهوره يوم جلست مع اخته قلت لازم بعثه الزواج والإستقرار احسن اجلسي قالت بوقاااااحه انا ماجلست ماتزوجت عشان اقابلك >> باااانت على حقيقتهاااا حاست علي تخطيط حياتي والحين بيروحون للبعثه وزوجي بيروح معهم ثلاث شهور وبيرجع وهم بيقعدون هناك