اخت زوجي خبيثة ... كيف اسلم من شرها؟!

مساء-صباح الخير
زي ماهو واضح من العنوان
اخت زوجي عرفتها من خلال العشرة مزبوووووط وانتو تعرفوا الحريم يعرفوا بعض كويس يوم يجتمعوا
صبرت على اذيتها ولسانها الجارح عشان اخت زوجي مو اكثر وحسبت للعشرة حساب وقبل كل شي لزوجي سويت الف حساب وحساب
بس خلاااااااص تعبت منها والخاطر طاب
تدقني بالكلام وبدووون اي اي اي سبب
يوم اكلمها تقولها كنت امزح انا مااحسب انك بتزعلي
يابنات الكل ملاحظ انه كلامها جارح ومو مزح
حتى فيه ناس سألوني ايش بينك وبينها وليش ماتردي عليها
انا يابنات اخاف على نفسي وعلى خراب بيتي
ومره كلمتها قلتلها ماابغاكي تجيني عشان لايصير مشاكل
اذا بتجيني الله يحييها لحالها مو وقت مايجيني ضيوف اقل شي اسمع الكلام الجارح لحالي مو قدام الناس انهان
وهي للاسف تغار على اخوانها من حريمهم بس اذا هي ماهي قادرة تتحمل نفسها وتأذي بلسانها انا يعني بتحملها ؟؟
ايش الحل معاها
وشكلها ناوية تخرب بيتي ونسيت انه في حديث عن الرسول صلى الله عليه وسلم يقول فيما معناه لعن الله من خبب الزوج على زوجته ومن خبب الزوجة على زوجها
خبب يعني افسد وماني متأكدة من صحة الحديث بالضبط انا قرأته هنا في المنتدى
والله يابنات ذقت منها المر
واختها بنفسها قالتلي احسن انك اتجنبتيها بس هي يوم اتجنبتها شكله مو عاجبها يعني مااعرف كيف اتعامل
صدقوني يابنات انا شفتها وجربت عشرتها عقربه عقربه عقربه عقربه تقرص من تحت
قدامي شخصية وورايا شخصية حاولت بشتى الطرق مانفع
في البداية كنت اسكت وابتسم امشي الحال
شفت حالها زاد
قمت كلمتها بيني وبينها واعتذرتلي
وفجأه انقلب الوجه ولاكأنها اعتذرت زاااااااااااااااااااااااااااااااااادت اكثر من اول
قفلت بابي وصرت مااشوفها الا نااااااادرا عشان يادوب نسلم وننتكلم في مواضيع عامة ولايصير شي وبرضو مانفع
طنشت نهااااااائي ابغى اسلم من شرها واسيب لها الجمل بما حمل وكمان ماعجبها وتتظاهر بان الوضع عادي عندها وهي تنكش من تحت لتحت وتوصلني اخبارها من برا
طيب يابنت الناس انا عاملتك بالطيب ولمن مانفع مارديت بس طنشت .. ليش تسوي فيني كذا ؟؟
والله اني ماادعي عليها بس اقول حسبي الله ونعم الوكيل والله يكفيني شرها
وبرضها ولاتتوب
صرت ادعي يارب اشغلها في نفسها واكفيني شرها
وان شاءالله ربي يحقق مرادي
لكن يابنات تعبت اكشتفت من وحدة انها تحيك مؤامرات ضدي
وبصراحة انا مااحب اصدق كلام من برا لكن افكر بيني وبين نفسي اقول الناس ايش عرفهم بانها على قولهم تحيك مؤامرات ضدك ؟؟ مافي دخان من غير نار
اكتشفت انه فيه قصص وصلتها غلط وكلها تأليف وكذب على لساني
بس مين وصلها ؟؟ الله اعلم
على اني مااقول لاحد عن حركاتها الا ناس معينة واعرفهم مايفتنوا وحتى الكلام اللي اقولو عادي انو يوصلها ماهمني لاني مكلمتها فيه
لكن الاشاعات والتبلي والكذب
مااصبر
وماابغى اكلمها في شي حاليا انا حامل وتعبانه وربي اعلم باللي فيني
قلت نفسي تجيني البيت ونتناقش بهدوء ونشوف مين يسبب فتن
واللي وصلتلي الكلام تقول ام زوجك ماهي مصدقة الكلام اللي ينقال عنك واني بنت حلال معاهم
بس بنتها سليطة لسان
واخوانها ومن ضمنهم زوجي يسمعولها لانها بصراحة كانت لهم مثابة الام
هي متزوجة طبعا
لكن ايش الحل معاها ماتخاف ربها ؟؟؟
وهي كبيرة في سنها مو صغيرة
بس اتزوجت على كبر
والله يابنات ان نيتي صافية وابغى الخير بيني وبينها بس مااعرف ليش تأذيني اذا فيه شي ابغاها تكلمني وجها لوجه مو من ورا ظهري وقدام الناس تدقني كأني مذنبة واذا راحو تمدح فيني حتى قدام اخوها تسوي فيها انا احب زوجتك وماأذيها
ليش النفاق ؟
هل اكلم اختها ؟؟؟ هل اكلم ام زوجي ؟؟
واذا كلمتهم كيف افاتحهم في الموضوع ؟؟
هي انسانة غجرية ومزعجة وقدام اخوانها شي كانها انسانة عقلانية
لكن قدام الناس غيييير نفسي زوجي يشوفها قدام الناس كيف مو اقولكم الحريم يعرفوا بعضهم
انجدوني وانقذوني مااعرف كيف احل المشكلة
خاصة اخر مرة وصلني كلام كبير ومو كبير وبس
كبير كبير كبييييييييييييييييييييير وانا ماقلته
ومااحب اسوي مشاكل نفسيتي تعبانه اخاف اقول شي ينقلب ضدي
ابغى حل صحيح ومايضرني
لاتنسوا انا حامل ومستحيل اتطلق بسببها لان راح يكون ان شاءالله عندي طفل
والله يكفيني شرها يارب من يوم زواجي وانا شفت المر والظلم منها الله يهديها لنفسها ويبعد شرها عني هذا اللي ابغاه
بس دائما ادعي دعاء واحد عليها وهو اذا خربت بيتي الله يرد تدبيرها في تدميرها دااائما على لساني
صح الدنيا دوارة وراح يصير كل شي فيها
لكن انا احب زوجي وماابغى ينتهي كل شي بيننا بسببها انا مااعرف ليش ماتحب تشوف احد في حاله ومبسوط
كل اللي ابغاه ماابغى اشوفها وتبطل تتكلم عليا خلاص تتركني في حالي وتخليني انا وزوجي نعيش مبسوطين
فعلا تبكيني ليل نهار
الظلم يقهر والله
ماابغى بيتي يتخرب وتنتهي حياتي مع زوجي وبعدين اخر زمانها تنرد الحركات فيها
لا الله يستر علينا وعليها خلاص تتركني واتركها وكل واح ديعيش مبسوط لاتلف الدنيا بيها ولابغيرها انا هذا مايهمني اللي يهمني اعيش مبسوطة مع زوجي
ياربي ليش السعادة محسودة عليها حتى ؟ حتى اخوها مستكثرتة علي ؟
ليش الحسد ؟
عندها زوج وعندها بدل الاخ اكثر من اخ انا ماعندي اخ ولااب ولاام
حاسدتني على زوجي ؟
حسبي الله ونعم الوكيل



يابنات الله يخليكم ماراح اقول سألتكم بالله ولا كلام من هذا القبيل
لكن ارجوكم رجاء خاص تدعولي يتحقق اللي في بالي واخت زوجي ماابغى منها شي غير تكفيني شرها او اذا بتكلمني تكلمني وعيوني لها طالما كلمتني بأدب
كتبت الدعاء بعد تعديل الموضوع
اروجكم تدعولي الدعوة ببلاش والملائكة تقول ولك مثلها