اخت زوجي رح تتطلق وتجي تسكن عندي والمشكله في طبعها ، منتظرة نصيحتكم

بِسْم الله الرحمن الرحيم 

فكرت كثير قبل ما اكتب الموضوع ، بس لما شفت المشاكل الموجودة في القسم قررت افك عن الي بقلبي واطلب منكم مساعدتي ايش أسوي بهالمشكله

انا متزوجة من خمس سنوات ونص وبهي الخمس سنوات ما عشت حياة مستقرة ، كنت دائماً اسافر عند اهلي أمريكا عشان أسوي لزوجي أوراق الفيزة ، الحمدلله من كم شهر تمت المعامله وسافرنا مع بعض وقلنا نبدأ حياة  ونستقر ونعيش مع بعض ،  زوجي بيشتغل عند أخوالي بدانا نفرش الشقه ونكون نفسنا ، المهم المشكلة في اخت زوجي الي عندها مشاكل مع زوجها دائماً ، لما كنّا في بلدنا كانت مستأجرة بيت جنبنا وكانت دائماً عندنا وهي من النوع الي تحب تتحكم وتحب ان الكل يخدمها ويجري ورى اولادها ما ترحم احد من لسانها حتى أمها وخواتها ما يطيقون طبعها ، حتى لما كانت تقعد في بيتها أكلها يجيها من عندنا ، المهم استمرينا على هالحاله وانا كنت أقول في نفسي مو حابه ادخل معاها بمشاكل عشان حماتي وعشان زوجي وكمان رح يجي يوم وكل واحد منا يروح بعد حاله ، المهم لما تمت معاملة زوجي اخيراً بعد ما تعبت من السفر هي كانت رافضه إنّو انا اسافر مع زوجي على أمريكا بحجة إنّو اتركو يكون حالو بالاول  وبعدين الحقو ، مع إنّو هالشي ما بيخصها ولا بيحق الها تتحكم بحياتنا ومستقبلنا ، برغم هالشي سافرنا مع بعض ، هي بعد فترة زوجها قدم لها وولادها على طلب زيارة لامريكا منشان علاج ابنها الي عندو شحنات كهربائية بالدماغ الله يشفيه ، هي راحت عند زوجها على ولايه وانا كنت عند اهلي بولايه ثانيه لحد ما زوجي جهز حالو واشتغل والحياة بلشت تبتسم لنا وعم نخطط نجيب اولاد ونعيش حياتنا برغم مسؤليات زوجي تجاه اهلو الي بالبلد ، من كم يوم اتصلت اخت زوجي بزوجي وقالت إنّو بدها ترفع قضية طلاق ضد زوجها لأنو مو منيح معها وهي المره مارح تتراجع أبداً ، المهم بالاول والأخير رح تجي تعيش هي وأولادها معنا ورح تبلش المشاكل والاوامر تبعها وانا ما عاد فيني أتحمل والمشكله إنّو الوضع مو مؤقت وضع دائم ، حاولت اقنع زوجي إنّو نستأجر لها شقه او بيت جنبنا بس ما وافق إنّو اختو تعيش ببيت لحالها ، نفسيتي تعبانه وأهلي بولايه ثانيه يعني مافيني اروح أغير جو لعندهم ، والله يا اخوات مو انانيه مني ولا بدي إنّو زوجي يتخلى عن اختو بس ما بعرف قديش رح أتحمل الوضع الي أمها وإخوانها ما تحملوه ، اذا سمحتم تعطوني اقتراحاتكم وسامحوني على طول الموضوع