اخت زوجي سرقت حياتي وسعادتي خلاااص يكفي، احتاج نصايحكم//اكتفى من الردود

السلام عليكم ورحمة الله
انا متزوجة من 9 سنوات ، واخت زوجي سكنت عندي من ثاني سنه، يعني تخيلوا 8 سنوات ماحسيت بالحياه. الخاصة اللي تحسها اي وحده متزوجه ، راح اقولكم كل التفاصيل

اولاً سبب وجودها وهو انها موظفة في مدرسه خاصة وكانت ساكنة قبل عند ناس يقربولها من بعيد وهي مو متزوجه وعمرها دحين 37 سنه

من ثاني سنه من زواجي لمن جات ع بيتي امور كثير في حياتنا تغيرت ، جالسة ع قلبي وقدام وجهي طول اليوم وزوجي سار بعدها مايجلس في البيت يطلع من عصر ومايجي الا اخر الليل ليومك هذا ، ووجودها سار يوترني مااقدر البس ولا اخذ راحتي في البيت وزوجي اذا بيخاصمني يخاصمني قدامها وسرت اسمع بالمشاكل برا ويعدها سار ينام بغرفه لحاله كذا سنه ولمن اكلمه اقوله طب حس فيني احنا مو لحالنا بالبيت يجلس يخاصمني
هي من النوع الغامض وماتحبني لاني اول ماتزوجت كنت اجيها في بيتها ماتعطيني وجهه ومره جيتها زياره راحت استاذنت من اخوها وخرجت ولا كاني موجوده
انا ماابغا رضاها علي ولا حبها لي ، ابغا حياة خاصة لي
وترا بعلمكم هي عندها بيت يبعد عنا ساعة بس!!!!
في قريه غير بيت ابوها اللي جنبها متزوج اجنبيه وحلفت انها ماتسكن معاها ويبني لزوجته بيت!!!

يعني حتى هي ماترضاها على نفسها كيف ترضاها على الناس!!!

ابغا افهم هي ليه ماتداوم من بيتها ؟؟؟ رغم في طالبات ومعلمات يداومون من هناك

وبعلمكم انا اعاملها كأخت وما اضايقها بالكلام ، وفوق كل هذا تجيني مشاكل بيني وبين زوجي بسبتها

انا مرره كلمت زوجي قلت له اش اختك عزيزه وغاليه ع قلبي اش فيها لو تداوم من الديره زي الناس الثانيه وانتوا اصلا قلتو لي سنه وتروح ،ًراح زعل مني وقالي انا ابغاهاعندي بالبيت واذا مو عاجبك خذي شنطتك وع اهلك وترا روحتك ع قلبي زي العسل تخيلووااا

يعني هذي نهاية عمل الخير ، هذا اللي استاهله
وفالاجازه اللي فاتت كلمتها قلت لها ان زوجي يتوتر بوجودك وما يبغا احد من عيالي يضايقك واذا سار شي بيحطه براسي وانه في مشاكل بيننا بسببها بطريقه غير مباشرة ، تقولي طنشي تخيلوواا

وفوق ذا كله جات ، والله لو انا مكانها مااجي عند اخوي وانا عارفه انه يتوتر ويسوي مشاكل

غير كذا رافعه يدها عن البيت حتى غرفتها ماتكنسها ولا حمامها ، ولا تطبخ وتجي تاكل وماتغسل الا صحونها لو ملعقه عالمغسله ما تغسلها



انا تعبت صرااااحة خلااااص 8 سنوات كفايه مااقدر استحمل بالله ادعولها بالزوج الصالح ، ولا حكاية انها تطلع من البيت انا غاسلة يدي منها ،

مرره كانت تحكيني عن بنات عمتها انهم لمن ينزلون xxياخذون اوتيل 3 ايام عشان يتسوقون وما يروحون عند خواتهم ، وهي مبسوطه من ذوقهم!!!!!!