والله انهم ناس مرضى الله ياخذ حقج منهم وصدق سلفتج حقيره تسرق وتتبلى عليج وزين انها انكشفت يوم رفضت تحلف اما اخت ريلج مثل ماقذفتج اكيد بجي يوم ناس تتكلم بعرضها

ياختي يوم مدت ايدها عليك كنت قلتي لها فيك خير اتصلي عالشرطة وقدمت عليها شكوى, وبتكون هي الي جابت الشرطة وسوت البلبلة مو انت! وساعتها الشرطة كان أدبوها لانك موجودة بسبب اخوها هو الي حطك, مالها حق تمد ايدها عليك مهما كان... ماتبيك في بيتها تتصل عالشرطة وتقول لهم طلعوها.. اما تمد ايدها كان تمخمخت بقسم الشرطة وماطلعت من غير تعهد وغرامة

حبيبتي حاليا الي صاااار صار زوجك حب يكلم اهله يروح لهم بكيفه مهما صار هذووول اهله لكن انتي خلااااص اتفقي معاه بيت اهله ماعاد تروحين له ابد ابد ولو حب يودي عياله من حقهم يشوفون اهل ابوهم بس انتي خلاص خط احمر ماتعتبين لهم بيت افضل لك ولهم عن المشاكل والله يعينك

الله يكون بعونك

الحمدلله ان زوجك واقف بصفك وما كذبك
وحطي هالشيء فبالك قذف المحصنات من كبائر الذنوب
ولو المحكمه تدري عنها لها حد من حدود الله وهو : الجلد .
حسبي الله ونعم الوكيل ..
خلاص دام سافرتو عنهم الحمدلله
و من باب صلة الرحم خليه يكلمهم بين فتره وفتره مثل ما اهو قال
عشان لا يقطع فيهم حرام ..
و انتي حقك عند ربي ما راح يضيع
الله يوفقك ويستر عليك