اخت زوجي عطتني خلطه للحمل

صباحكم / مساكم جوري

كيف حال الحال؟ اسأل الله العزير أن يبرزقنا بما يسرنا فالقريب يارب

اخت زوجي متزوجه وتقول ان عندها ضعف تعالج وتجيب عيالها متاخر يعني بين الاول والثاني 3 او 4 سنين

قلت لها عن مشكلتي وقالت ابشري بس اعطيك خلطه تخليك تحملين تاخذينها من اول يوم الي ايام التبويض وتمدح فالخلطه وتقول ان مفعولها نفس الابر

قلت خلاص جيبيها ومرت 8 شهور وماجابت الخلطه

وكلمتها قبل اسبوع فالوتساب وكلمتني قالت بسويها لك وخلي زوجك يجي ياخذها

قلت اذا الموضوع يعسرك عطيني الوصفه واسويها قالت لا محلفتني صديقتي ماعطيها احد!!!
المهم احس انها تكذب وماتبي تعلمني فيها قلت اوك اللي تشوفيه

ودقت علي زوجي وقالت تعال انت ومرتك تعشوا عندي المهم ماطول عليكم

جيتها وعطتني الخلطه والله حتي 7 ايام يمكن ماتكفي شوووووويه وحاطتها بعلبه وحول الربع كني اشحذ منها

تقول الحريم يبيعونها ب50 دينار وانا اسويها وحملت في بنتي من مفعولها 
الخلطه لونها اخضررر بس للحين ماجربتها انا باخذها للعطار وانششششده واعلمكم وش المواصفاات واكتبها لكم  تقول حطي معاها كلوميد او حبوب نولفادكس


والله يرزقني ويرزق كل محرومه