اخت زوجي غريبه

اهلين بنات حواء
‏ يابنااات والله شي يضيق الخاطر ويقهر
جمعات العيد للوناسه وسعةالصدر
تدرون في قلبي كلام كثير بس مالي خلق اكتب كثير
الملخص اننا اجتمعنا باستراحه مع اهل زوجي
الكل يرحب ومستانس الا اخت زوجي بس شغلتها تراقب يابنات شي مبطبيعي
إنسانه غريبه مادري وشفيها اول ماجيت بس تناظر واحنا جالسين نتقهوى كل شوي تقولي وين ولدك فلان شوفي وينه وانا اقوم ادوره مابي افشلها مليت صار كأنه ولدها جلست مع مرت اخو زوجي نسولف جت بيننا قالت ترا مافي احد برا وقالتلي وين الولد انتبهي له
يابنات قهرتني بس سكت ورحت ادوره
وانا جالسه جت مرت اخوزوجي جنبي وجلست تسولف تخيلوا تناظرمن بعيد وتأشر تقول تعالي
لعبي ولدك وش العبه الحمدلله وانا قمت وطاوعتها بس مابي مشاكل ولاتقول سفهتني
وهي كبيره موصغيره عشان اعذرها
لكن حاطه دوبها في دوبي
وحريم اخوانها الباقين ماتتجرأ عليهم ابدا
غير نظراتها ومراقبتها
رحت في قسم الثاني من الاستراحه
اانا وبنت اخو زوجي جت تناظر من بعيد ومارتاحت الا لما افترقنا
مادري ليش ماتبيني اسولف ولااجلس مع احد
يابنات وش رايكم في الي يصير وش تقصد