عندي موضوع ونفسي انفذه بس ماعرف كيف ابتدي ووين اروح قلت اطرحه عليكم وتفيدوني ولكم الاجر
عند زوجي اخت مطلقه طبعا امها متوفيه وابوها متزوج وزوجته شرانيه ماتحملت البنت المهم اخت زوجي جلست عندها اقل من سنتين وصارت مشاكل واكثر من مره تطردها وترد ترجع مالها الا بيت ابوها ومنذله واشياء لو بقولها بتشيب روسكم بس مو موضوعنا الحين
السالفه انها خطرت ببالي فكره وقلت بنفذها ان شاء الله وماعلي من احد ليش لان البنت تستاهل ولانها متمرطه اخر مرمطه وعندها طفل مايدرس وحالتهم ززززفت بمعنى الكلمه ذل وجوع واهانات لان زوجة ابوها ماتخليها تطبخ
مشاكل ماتنتهي لاتحسبون ماعرض عليها اخوها تجي عندنا بس هي حالفه ماتروح لاخوانها لو تنام بالشارع
تقول ماتبي تثقل على احد وتقول بيت ابوها اولى فيها حاطه ببالها ان زوجات اخوانها نفس القصص وتحس انها بتنذل
اخر مره كلمتها قبل اسبوعين لانها صارت مشكلها ببيتهم وضربتها زوجة ابوها قدام ولدها وانقهرررت اقولها تعالي عندي
انتي داشه وانا طالعه وراسي يابس ماقدرت اقنعها تتحسس من وجودها ببيتنا تقول كيف تاخذين راحتك وكيف اطبخ في مطبخك وكلام كثير عجزتني وانا افهمها مارصيت اخر شي قالت لو فتحتي هالسالفه بزعل صدق
الفكره الي خطرتلي انو عندنا ملحق بالسطح الحمدلله بيتنا ملك بس الماديات ماتسمح نبني دور ولاحتى شقه
ولاحتى غرفه والله والديون مغرقتنا خلوها على الله
كم مره كلمتها تجي فيه بس لانه مافي مطبخ ترفض وتقول مابي اجلس عله عليك
تطبخيلي وتخدميني وكل دقيقه وانا داقه بابك ابي المطبخ :( ففكرت في الفكره هذي عشان مايبقالها عذر
الملحق هاذا عباره عن غرفه 6 في 7 وداخلها حمام
طبعا بكلم زوجي وهو بينفذ بس مابي اقوله شي لحد ماتفيدوني وهل ممكن الي افكر فيه يتنفذ او لا
فكرت اقسم من الغرفه ربعها بحاجز سواء المنيوم او ابلاكاش او خشب المهم افصلها بجدار
ويكون الربع هذا مطبخ صغير تحضيري نفصلها فيه دولاب مطبخ صغير زي الي بالصوره
واحط فيه بتوجاز كهربائي وغلايه وقلايه وبعض الاشياء الضروريه وثلاجه وميكرويف ومغسله طبعا يعني مطبخ كامل بس مصغر
بيكون في المطبخ شباكين شباك على المغسله وفتحة شفاط وشباك على الجدار الثاني اذا ماله داعي بنشيله
يعني المطبخ متهوي حييييل
وطبعا مابخليها تطبخ فيه بس تحضر وجبات خفيفه وتاخذ راحتها فيه اما الطبيخ بحلف عليها تاخذ من الي اطبخه تحت
وش بيكلف يعني طابخه طابخه مابتكلف علي وبقنعها
والجزء الثاني بتكون غرفها لها ولولدها الصغير بتكون كبيره انا طلعت فوق وخططت وشفتها كيف والله كبيره وتكفى
قلت نفرشها لها ونحط سريرين ودولاب وبقية اغراض الغرفه علما ان الغرفه نظيفه وجديده وفيها مكيف
وحمامها جاهز بس يبيلها تنظيف وفرش جديد وحركات وتصير اروع غرفه
الحين الي ابيه منكم اولا وش رايكم بالفكره
ثانيا هل فيه بوتجاز كهربائي ممتاز يعني ممكن تطبخ عليه نودلز واندومي ووجبات خفيفه
والا مافيه ووين ينباع وكم سعره
ثالثا وش افضل حاجز يفصل الغرفه عن المطبخ المنيوم والا وش بالضبط والله مالي خبره بس هالافكار خطرت ببالي
وجيت استشيركم
رابعا ابي افكاركم من اول المشروع لحد مااخلص منه امشو معاي خطوه خطوه والله والله مالي باهالشغل بس
ابي افرج كربتها الي شفته اخر مره يشيب الراس ماتحملت موقفها وحطيت نفسي مكانها وبكييييييييييييت
مكسوووووره مالها احد وعزيزة نفس تحززززن والله قطعت قلبي وابي افرحها :(
