اخت زوجي قهرتني

السلام عليكم

انا عندي مشكلة وابيكم تساعدوني فيها

مرة كنت جالسة اتكلم مع اخت زوجي بس هيا من النوع اللي يحب (الفخفخة)

طول الوقت انا اشتريت بالمبلغ الفلاني ودفعت كذا وكذا وكذا ويتغير الموضوع وترجع لنفس الكلام

وعلى هذا الحال

المهم في الموضوع كله انه راتب زوجي (اللي هو اخوها) على قد حاله
بس الحمدلله مو مقصر عليا بشي
لكن اخته هذي دايما بكلامها تحسسني انه راتب زوجي قليل وحالنا ضعيف وتحسسني ان ميزانيتنا محدودة مع العلم اننا مو ناقصنا اي شي وعايشين احسن عيشة بنخرج ونتمشى ونروح احسن مطاعم ونشتري احسن لبس
لكن اللي قاهرني انها دائما اسلوبها كذا معايا وتدقق في لبسي ولبس بنتي
وفي مرة من المرات كانت تتكلم مع اختها عني واللي فهمته من كلامها انهم كانوا يتكلموا عن لبسي وانه مايختلف عن لبسهم (يعني البس غالي)

لكن اللي قاهرني ليش دايما يتكلموا عن اخوهم بهذا الاسلوب اللي يحطم الواحد

وكيف ابين لهم اني اتضايق من طريقة كلامهم بدون ماانفجر في وجههم (مع اني اذا زعلت مااقدر امسك اعصابي)

ومرة صار موقف قالت لي ليش ماتغيري اسمك (هو وجه نحس عليكي)
بس طلعت هبلة وضحكت
بعدين قلتلها ليش نحس انا مو منحوسة ولا شي
بعدين قالت لي وهي مرتبكة يعني عشان مالقيتي وظيفة
قمت ورديت عليها وقلت انا جاتني وظيفة ورفضتها (عشان في رجال يتغيروا بسبب رواتب زوجاتهم وانا جالسة في بيتي معززة مكرمة ) << اول مرة تجيني الجرأة وارد عليها
المهم نرجع لكلمة نحس!!
(تتوقعوا انها تقصد بكلمة نحس حالة اخوها )

وتنصحوني اقول لزوجي على اخته وبأي اسلوب اقوله بدون مايزعل

معليش اسفة عالاطالة
بس حسيت اني مقهورة ولازم افضفض
ساعدوني بليز