كثري النصح لها
وكلميها بصراحه قولي يا فلانه أنتي مثل أختي و يهمني أمرك
و أحلفي لها إنه الماده ماهمتك و إنك بتقومين فيها برحابة صدر وهالشي مايضايقك
خبريها هالنقطه بعدها قولي يا فلانه آنا أكبر منك و أخبر منك بهالعلوم
لازم تعودين زوجك يهتم فيك و ماتعودينه ع الإتكاليه
زوجك ما صار يقضي لك شي و حتى المستشفى شايل يده منه وهالشي مو من صالحك
و بسكوتك هذا بتدمرين بيتك
لازم تكثفين النصح عليها و توصينها ما تتحسس من كلامك و إنكم خوات
يعني خليها ترتاح نفسياً من ناحيتك وماتفهم إنك متضايقه منها
الحساس يبغاله تعامل بحذر و إنتقاء للكلمات حتى مايفهمها غلط

الله يوفقك ويجزاك خير بس يمكن مع الوقت راح تتعبين انتي وتملين بس فيه دعاء يقوله الرسول صلى الله عليه وسلم بداية صلاة القيام يعني خاص بصلاة القيام صلي ركعتين وقولي دعاء الاستفتاح (اللهم رب جِبْرِيل وميكائيل وإسرافيل فاطر السموات و الارض عالم الغيب والشهاده اللهم اهدني لما اختلفت فيه من الحق ان انك تهدي من تشاء الى صراط مستقيم)
احرصي على السنه النبويه.

شوووفي انتي بالبدايه والنهايه تبين مصلحتها خليك جريئه وقولي لها انا اختك ولو تطلبين عيوني مابقصر ولكن عودي زوجك يجيب لو القليل الحين ضروفكم صعبه بس بكره لا صار عنده بيكون خلاص تعووود وصار مايهمه البيت والصرف عليك وعلي عيالك فلازم من الحين تطلبينه فلوووس حتي لو 100 ريال بالشهر اهم شي يشارك وبيتك ليه فاضي مايصير كذا لو يوم حبيتي تجلسين ببيتك ماتجيني مافي اكل ولا شرب ولا شي مايصير كذا ناقشيها بأسلوب حلو ووو وفوق هذا قولي لها لازم تطلبين منه مصروف تراها صغيره ومثل ماقلتي تحبه وممكن حتي الفلوس الي يعطونها اخوانها تروح تعطيها إياه بحسنه نيه ولأنها تبي تساعده وفهميها الرجال ماينعطووون وجه ولازم تعرف معدنه مضبوووط قبل لا تضحي بكل شي وتساعده ماصار لهم سنه متزوجين انصحيها قد ماتقدرين ولا تسكتين خليها تواجهه يزعل كم يوم بس بعدين هي بترتاح بحياتها ولا تسكت عنه وتعيش كل حياتها نكد وهموم وفلوسه لبره وبيته مافيه حتي اللقمه

مشكورات كل الي ردين عليا الله يجزيكن الخير
بإذن الله احاول معها قد ما اقدر
والاخت الي قالت انها خجوله تطلب بالعكس قبل زواجها كانت تطلب اذا قصر عليها شي
من اخوانها
الله يهديها ويصلحها

الله يجزاك خير على نصحك لها بس واضح من خلال شخصية زوجها إنه إتكالي والرجال المقصر والبخيل بحق زوجته محتاج له رجال يحرجه وينبهه على تقصيره وأنتي وزوجك بدافع الشهامة والأصالة ساعدتوها ما قصرتوا لمتى بتنفقون عليها اليوم هي وحدة بكرة الثاني والثالث والخامس وأنتي وزوجك بتكبر أسرتكم ومصاريفكم وهالراتب يالله يكفيكم بعد بتصرفون فيه على عائلتين

الخطأ أنكم تصرفون عليها وما وعيتوا زوجها خلي زوجك يحرج زوجها يكلمه على إنفراد أختي زوجتها لك أمانة حلوة بحقك أنفق على أختي بكل المصاريف احنا زوجناها لك حتى نصرف عليها أو حتى تصرف أنت عليها بينوا له التقصير الي مقصرنه بحقها المستشفى الأكل مقاضي البيت واذا ما نفع معه الكلام وما تغير فالله يعينها والي ما ينفق على زوجته ومقصر بحقها بدافع التهرب قليل أصل ومهما عملتوا معاه ما يفيد

الحل تنصحي أخت زوجك تكمل دراستها ومن المكافأة تصرف على نفسها وبعدها تتوظف وتستقل ماديا عنكم واذ ما تبي تكمل دراستها تسجل بحافز وتبحث عن وظيفة