اخت زوجي والحل معها

السلام عليكم بنات
بدخل ع طول بموضوعي وابي منكم حل متزوجه لي سنوات وعندي اطفال لله الحمد ومثل كل بيت فيه مشاكل بين زوجه الاخ واخوات الزوج انا سلمكم الله انسانه مسالمه لا لي بالمشاكل ولا احب القيل والقال واجتماعات الحريم بتستغربون مني يمكن بس انا طبعي كذا
ماحب مجتمعات الحريم لان اسمع مشاكل كثير تصير وتنقل حكي ومن هالكلام فما حبيت اخالط احد غير اهلي واهل زوجي فقط لكن صارت مشاكل تشيب الراس بسبة اخت زوجي لانها تجيني لحد بيتي وتغلط علي بالكلام تحملتها كثير ماعمري فتحت فمي بكلمه اسكت واطوف لها بس يوم شفتها تمادت كثير وصارت تغلط اكثر واكثر تفكرني خايفه منها او ضعف مني خبرت اخوها اللي هو زوجي وتفاهم معها ومن هنا بدت المشاكل لاني قطعتهم من بعدها ماصرت اروح لهم مثل اول بس صارت تغلط علي قدام عيالي وتسب فيني من وراي وتبي البزران يوصلون لي الكلام علما مابيني وبينها شيء هالانسانه لاهي من قرايبنا ولا اعرفها ولا لي بها علاقه ابد قبل الزواج مجرد اصبحت اخت زوجي صارت تثير بيننا المشاكل وتعلق ع شكلي وتغار وكل مكان نروح لازم تجي معنا تشوف وين رجنا ووش شرينا ووش اكلنا المهم اني مااهتميت لها بالبدايه بس الحين تعبت من تصرفاتها وحركاتها اللي توصل الكلام عن طريق الاطفال تحاول تستفزني باي شكل مدري شالسبب ؟؟؟؟؟؟؟
ولاتفكرون اني رديت عليها من قبل وحقدت لااا ابد ولا مره مقدرتها ومحترمتها عشان اهلها وكبر سنهم مابي اتعبهم بالمشاكل واخذ واعطي واتجاوب معها ويوصلهم
سؤالي كيف اتعامل مع هالاشكال واذا تعرضتوا لموقف مشابه كيف تسوون وتردون ع اللي مثلها حسبي الله ونعم الوكيل فيها