اخت زوجي وبنتي التوحد 💔

السلام عليكم جميعاً ان شاء الله انكم بخير انا حصلت معي قصة قبل سنه تقريباً نفس الشهر هذا من السنه الي راحت تخيلو سنه وماقدرت انسى الموضوه ولسى احس بحرقة وقهر لايوصف لما اتذكر وماقدرت اتخطى وابغى اشاركم المشكلة يمكن اسمع منكم كلام يطيب خاطري ويرضيني ✨

البداية انا عندي سناب عام ومن بداية زواجي واصور وزوجي راضي واهلي راضين واموري تمام ومافي مشاكل لحد ماجبت بنتي وصرت مرات اصورها واوقات كثير لا يعني صوره باليوم مو دايم والسبب ان سنابي لي انا مو لبنتي فما اصورها كثير بين كل وكل لحد ما حصل معنا ظروف صعبه جداً بسبب ان بنتي وصلت لعمر الثلاث سنوات وهي ماتتكلم وعندها اعراض خلتنا نشك انها توحد وطبعاً الاعراض معها من عمر اربع شهور بسبب ( نقص الاكسجين ) وتعسرت ولادتي بس ماعندي معلومات ان في مضاعفات بس لما بدات تكبر بدأت الاعراض توضح ،

طبعاً فتره سيئة جداً لما تشخصت طفلتي بالتوحد وكمان سوو لنا تحاليل جينات وارسلوها ع المانيا لان شكو ان بنتي عندها متلازمة ريت وتعبت نفسيا ثلاث شهور انتظر التحاليل وماعرف وش ينتظرني فتره صعبه وانا اشوف بنتي قدام عيني تنهار ومو قادره اسوي شي طبعاً قطعت فتره طويله ع السناب وبعد مارجعت صارو يسالوني وانا قلت كل شي عندي ( خرطت المسبحه ) ع قولتهم وكنت اسمع تجارب الامهات وكنت اسمع كلام مواسات وتطمين ع وضع بنتي والامور تمام .

في هذيك الفتره فتحت تيك توك وصار تجمع للامهات الي نفس حالة بنتي في حسابي وصار المحتوى كله عن الموضوع هذا ايش الي صااااار ؟؟؟؟

رحت لبنتي عند دكتور ثاني وشخصها اضطراب نمائي من فرحتي بشرت الناس والي عندي طبعاً كان تشخيص خاطئ بس مشاعري والتخبط ماقدرت اسيطر عليه وليتني سكت بس اتفاجئ باخت زوجي تضيفني سناب وهي عمرها ماتابعتني وكانت اول تعليق منها …

وش احساسك وانتي ماخذه بنتك محتوى؟

تخيلو في هالظروف الصعبه والله اني ماخذيتها محتوى يشهد الله انها كانت ايام صعبه كنت ابغى اي احد نفس حالة بنتي يكلمني انا حتى تشخيصها الدقيق ماعرفته وكمان انا من يوم جبت بنتي اصورها يعني ماكان توه اطلعها من زمان كل شي نفسه ماتغير كلمتها قهرتني ومن صدمتي ماعرف ليه ماقدرت ارد كويس عليه .

صارت تزود بالكلام وتقول اخوي يعرف عن حساباتك ؟ تفكر فاتحتها من وراه قلت اكيد يعرف
وقالت بكره بنتك اذا كبرت الناس بيتنمرون عليها بسبب انك شهرتي فيها ؟
طيب واذا كانت توحد او اضطراب اخر وش التنمر والعار ليه لازم اخبي خاصه ان عرض مستمر مدى الحياة ؟

كلام كثير مثل السم وصارت تقول ماتخافين من العين عليها وتستغلينها وهاتك كلام 💔 انا مصدووووومه انهيت النقاش وقلت ماراح تحبينها او تخافي عليها كثري انا وابوها وانتهى ماراح اناقشك وبلكتها ومعد تواصلت معايا وطبعاً علمت زوجي وللاسف هو اعتذر مني بس ؟؟؟ المفروض هي تعتذر مو انت والي يقهر عدا الموضوع كذا ماحس خذيت حقي منها لانها وقحه تدخل في حياتي وببنتي مو قادره اتجاوز كلامها رغم مرور سنه واوقات ابكي لما اتذكر الكلام واتحسب عليها من قلبي مين هي عشان تحاسبني اذا صورت بنتي او لا 😭😭😭😭😭😭😭😭😭😭


اتمنى انتقم منها بس انتقام مافيه ظلم انتقام فيه ردع لحقي وحق بنتي