كوبونات الراقية تسجيل الدخول

جالكسي فوتو

اخت زوجي وحقدها شنو اسوي

الأسرة والمجتمع •


يعطيكم العافيه

انتوا بالنسبه لي مثل المحكمه والقاضي

ابي اعرف منو معاه الحق انا والا هي

السالفه ومافيها بعد تعب تفكير وهم قررت اسرد لكم قصتي العجيبه بسم الله

انا وحده انخطبت بعد تخرجي من الثانويه على طول من ولد خالتي وقالوا لنا ان الولد مايشتغل ولكن طول هو مايشتغل ابوه راح يصرف عليه وعلى زوجته وكمان قالوا ان عنده شقه في بيتهم فوق بيسكن فيها هو وزوجته
المهم اخت زوجي ارمله وجالسه في بيت اهلها بس اغراضها كلهم في غرفه في الشقه اللي اح نسكن فيها جت هي وقالت لي قبل الزواج معليه اجلس عندك في الشقه لان عنده ولد عمتهم يتيم وساكن عندهم تحت الين يطلع هي راح تنزل تحت قلت لها طيب
المهم تزوجنا وبعد شهرين ابو زوجي ماقام يصرف علينا على العلم زوجي صغير وتزوج بعد ماتخرج من الثانويه وماكان وده يتزوج لانه مايشتغل وتو الناس لكن ابوه هو اللي ززن فوق راسه اعرس واصرف عليك
وعلى العلم ان مافي مشكله بينه وبين ابوه عشان يقطع المصروف المهم ضليت سنه على هالحال حتى ريال اللي عند البزارين بسهوله بالموت احصل عليه لا بعد اخشه لليوم الاسود وانا من عايله ماعمر ابوي قصر علي حتى بريال وانا ماعلمت اهلي عن حالي ضليت انا وزوجي صابرين وساكتين وابوه الله يهديه دايم يززن فووق راس اهله وووينهاا ليش ماتنزل تشتغل بس ناايمه مع ان كنت اظن اني راح اكل واشرب لحالي وانصدمت ان الشقه مو مؤثثه ولا فيها شي الشقه فيها 3 غرف وحمامين ومطبخ ومستودع غرفه لي وغرفه اخت زوجه وغرفه ثالثه هم فيها اغراض اخت زوجي والمستودع فيه العاب عيال اخت زوجي والمطبخ مافيه فرن الغساله اللي بالشقه غسالتها يعني كنها مو شقه كنها غرفه وهم سكت ومررتها بس لان زوجي مايشتغل ومايحق ليوبعد مااشتغلت
في محل اشتغل دوامين صبح ولليل وكان عند اخت زوجي ولدين يصعدون يبون امهم والا شي باازعاااااج وباب الشقه دايم مفتووح كل اصووات اللي تحت فووق وهم ماشاء الله عليهم عيالهم مززعجين وكثار واذا شفتهم يلعبون كره في الشقه تخيلوا سراميك وكره وناس نايمه ماتقول لهم حتى عيب كتبت لها ورقه لو سمحتي ازعاج اذا دخلتي الشقه قفلي واذا طلعتي هم قفلي ابي انام بهدؤء وعلقتها على باب غرفتها اللي بشقتي وجت كتبت لي اسفه على الازعاج وكملناا على على هالمنوال ومشينا سيدا بعدها في شهري السابع كنت اغسل الملابس مره بالاسبوع يعني اجمعهم لاني اشتغل دوامين وماعندي وقت الا في اجازتي المهم انا ماكنت احط ملابسي الوسخه معاها بس زوجي الله يهديه يحطهم مع هدومها وهي اذا جت تغسل تغسلهم معاها على العلم قبل مااشتغل ماكانت تسوي هالشي المهم بعدها زوجي اشتغل وانا ولدت وبعد اربعيني رجعت الشقه وقلت لهم الحين انا عندي طفل ومحتاجه غرفه من الشقه يعني لازم اخت زوجي تشيل اغراضها من غرفه عشان احط اغراضي هذي شقتي وانا اولى فيها وفي هذا الوقت كان ولد عمتهم خلاص طلع

طيب عقب مافضوا لي غرفه ابوهم عصب وقلب الدنيااا ليش تعطوونها غررفه من الشقه ليش ماادري ؟؟ مايبي بنتهم تتضايق مع اخت زوجي زوجها كتب لها شقه وفااضيه مو ساكنه هي فيها يعني عندها سكن بس هي مو راضيه تروح الين عيالها يكبرون وحطت فيها اغراض اختها اللي ماتحتااجها اختها المهم وبعد فتره قال زوجي ليش ماناخذ الشقه حقت اختي نسكن فيها الين يكبرون عيال اختي ونرجع اخته رضت لكن هم ابووه هو اللي سوا هذره وقال اذا طلعتوا جيبوا السياره ولا تشيلون شي من الشقه الا هدومكم سكتنا وقلت لهم طيب بطبخ لحالي وبشتري فرن للمطبخ هم ابوه سوا هذره كبيره وقال لي انتي حتى بيضه ماراح تتطبخينها قلت له مو مهم اهم شي اني اكل لحالي ومو ملزومه فيكم ؟؟ وبالمووت رضوا المهم بعد فتره قلت لهم ان عيال اخت زوجي كبار وانا مااعرف البس والله اني مالبس عدل دايم بناطيل وبجامات صعبه البس قصير والا شورت والا شي ثاني مع ان عيالها مايستحون ويلقون عيونهم تبلق وهي تدري عن عيالها ويوم قلت لهم المستودع اللي في الشقه حاطين هم فيه العابهم خلهم يشلون العابهم وعشان مايدخلون الشقه الى متى وانا على هالحال كل وحده تبي تاخذ حريتها ومو قادره هذا وهي في شقتها نفس الشي بعد قضيه ****لوا وبعدها قلت لهم ابي الشقه كلها ولد عمتكم طلع وانا ابي لحالي الكل وقف ضدي وقالوا هم ماعندهم مكان وين يحطوونها مع العلم انه عندهم مكان عندهم غرفه على انها مجلس ومافي عمره انفتح بس مقفله والغبره فيها عندهم غرفه بس يصلون فيها ليش هي مسجد عندهم غرفه كبيره فيها اغراض مايبوونها يفضونها وتصير فاضيه بس هم مايبون وفي يوم من الايام كان ولدي نايم على الكنب وقلت بدخل الحمام خفت انه يصيح والا يصيح مااسمعه جيت قفلت الشقه وحطيت المفتاح عشان مافي احد يقدر يدخل ويشوفني انا في الحمام صعبه عوره
في هذا الوقت هي جت وفتحت الباب وشافته مقفول وضلت عشر دقايق بعدها قامت تضرب الباب بقووه وتصررخ المهم انا فتحت الباب ماشفتها الا صرخت في وجهي او مافتح الباب ليش تقفلينه ومدرري ايش مابقى الا تضرني انا سكت ومارديت عليها الابكلمه ولدي نايم بس تدرون الواحد اذا عصب مايفهم ولا يبي يتفاهم هي كملت صراخها وقامت تسب فيني نفس الشي انا سكتت وقلت لها الحمد الله والشكر هي ردت انتي الحمد الله والشكر يا .... ويا ......؟؟ انا مافهمت وش قالت بس الاكيد مسبه وبعدها هي خذت مفااتيحي وودتهم حق ابووها وقلت لها جبيهم وقالت اخذيهم من ابوي جيت قلت حقق زووجي وسووها سااااااالفه ماعمرها صارت كلها بدخله حمام الله يكرمكم وتقول اني مو اول مره اقفل قلت لها اقفل كنت يوم اني اشتغل وبعلمك ومره من المرات صح طلع وقفلت الشقه لان كان يوم جمعة اهلهم صعبه اخليها مفتووحه للولي والاتالي وماادري ان مفتاحهه في غرفتها وهي تحت وعباتها فوق ومفاتيحها فوق بس بس هي مسكت علي اني دايم اقفل وجا يوم ثاني قلت مدام المستودع فاضي احط اغراض ولدي واستغل الغرفه واحط فيها ضيووفي والله ان ربعي صرت استحي اعززمهم والسبب اني ماادري وين احطهم وكلن يحسب ان عندي شقه وماعندي مكان احطهم كيف تجي المهم يوم حطيت اغراضي كتبت ورقه في المستوع لاتحركين اغراضي لان كان نشارة هدومها هناك وطلعت ويوم ان رجع زوجي مسكته وقالت هالورقه بوصلها لابوي بخليه يطردكم المهم يوم رجعت شفت اغارضي كلهم برا المستودع منثوره والمستودع مقفول اتصلت على ام زوجي قلت لها ابي مفتاح المستودع قالت عند بنتي قلت لها جيبيه المهم هي رقت وقالت خل نتفاهم قلت لها على ايش قالت حطي اغراضك فوق نمليه المطبخ قلت لها ياسلام احط اغارضي واشوه مطبخي على حسابها وانا عندي في الشقه مستودع بنتكم جالسه معاي في غرفه بعد تبي تملك المستودع تحط نشارتهافي غرفتها بعدها اخته دقت على زوجي وقالت اني قليه ادب واني صرخت على امها وضربتها على يدها ومدري ايش وجت انا كلمتها وقالتلي نزلي يالكلبه ياقليه الادب وقلت لها ماني نازله انتوا الغلطانين جيبوا المفتاح قالت اقول لك ابوي بطردكم قلت لها انا مااطلع الين ابوك هو اللي يطردنا وكان الساعه 3 الفجر تخيلوا ان ابوها مريض ومسوي عمليه في القلب ومعاه الضغط راحت جلسته في نص الليل في الفجر من نومه وخلته يصعد الشقه عندي ويوم فتحت الباب طاحت سب فيني وابوها يصررخ علي جيت انا انفرجت وقمت اصررخ ويااهم جا ابوهم قال ياله انتوا برا وجت هي كملت مسخره ومهززله فيني يالله صيحي يالله طلعي الحين من بيتنا الحين يالله فكا منك قلت لها على ايش اصيح على فراقك بالعكس فراقك عيد ومن يوم طلعنا

جات ام زوجي كلمت ابوي نبي نتفاهم قال ابوي حياكم وللاسف ماجاوا يتفاهمون جاوا يتهاوشون معم بنتهم قلت يمكن الحين تعتذر على كلامهم الا انها نكرت انها سبتني وسبت اهلي وام وابو زوجي جاو يقلون حق ابوي بنتكم فسله ماتشيل ماتحط يعني هم في وادي والسالفه اللي متهاوشين عليها في وادي قال بترجعين قلت لهم ماارجع الا وبنتكم طالعه من شقتي مابي هواش مره ثانيه قالوا بنتنا ماراح تطلع واذا تبين تطلعين طلعين انت مع ولدنا وخلالديون تتراكم عليكم
ويوم رحنا اجرنا لنا شقه هم ابوه رجع قال لنا جيبوا السياره وكل شي لاتاخذونه يعني لايرحمون ولايخلون رحمه الله تنزل
والحين كل خوات زوجي مايتكلمون معاي ولاحتى ولدي ياخذوونه الا يوم سويت لولدي عمليه جات اخته الله يهديها اسم انها بتشوفه مع انها قالت اخذيه مانبيه وام زوجي راح نشرت السالفه فلانه طردت بنتنا وصرخت على ابونا ومن هالكلام
وكل الناس تنظر لي بمنظار سي الحين انا في بيت اهلي من 5 شهور وزوجي يجي لي وينام في شقتنا وبعد الهذره قالوا انهم بيبنون دور ثالث وماشفنا شي بس كلام
قولوا لي لي من معاه الحق ومين الغلطان وفي ايش غلطاانه ؟؟؟؟؟؟؟ وايش الحل
49
6K

يلزم عليك تسجيل الدخول أولًا لكتابة تعليق.

تسجيل دخول

الدانهـ
الدانهـ •
الله يعينك...

بس لاترجعين الا في شقه لحالك لان اساس المشاكل وجودكم معهم...


والناس وش عليك فيهم اهم شي ترضين ربك والا الناس ماترحم احد
كان حبيبي
كان حبيبي •
الله يفرج لك همك ويرزقنا واياك من حيث لانحتسب ويجمعك بزوجك امييييييييييييين ويحقق لك ماتريدين .........
عنقاء الرياض
عنقاء الرياض •
الحل لاترجعين للبيت طالما انتم محتاجين واهلك مقتدرين يسندونكم لين الله يفرجها
مافي الاكذا
مشاكلهم مارح تخلص وصدقيني بتزيد وتزيد ماودي اضيق صدرك بس واضح تماما من اسلوب الجميع
سؤال
هو زوجك الولد الوحيد على بنات ؟

بكل الاحوال اصحك ترجعي هناك مهما صار
واطلبي عون اهلك وماحيقصروا ان شاء الله

حتى تشتري راحتك وراحة زوجك وتبعدي عن الغثا
وخلي زياراتك رسمية جدا ومحدوده لهم بالوقت الحاضر اواقطعيها فترة لين تهدى الامور
أم خلودي ووعودي
أم خلودي ووعودي •
يا أختي أنتي ما غلطتي في شي لكن الغلط من الاهل كيف يزووجون بنتهم واحد عاطل ماهو قد المسؤليه
هذه حياة مو لعب
وبعدين لو بنو دور ثالث لاترجعين المسلم لايلدغ من الجحر مرتين
خليه يتوظف ويتعدل ويطلعك بيت بعيد عن هم لأن أخته غاويه مشاكل
الله يوفقك ويسر لك امرك
& يسلم قلبه &
& يسلم قلبه & •
لاحول ولاقوووووه الا بالله
والله بكلمك كنك اختي
من الببدايه كل شي غلط
الزووواج من شخص ما كووون نفسه ولا توظف مغاااااامرررره وتبيلها صبررر وتنازلات
وكماااان من البدايه سمحتي لاخته تسكن عندك في شقتك
وعلاقتكم كاااانت غرررررريبه خاليه من الصرررررراحه والالفه والووووود
غريبه انكم تخااااطبوووون بعض بالرسائل واللووحات
كمااااان شكلك علاقتك فيهم سطحيه وعاااايشه معااااهم لكن ما بينكم اي مشااركه وما حاااولتي تكسبينهم
تصررررف ابو زوجك غرررريب انه يمنع عنكم المصررررررروف لكن واضح انه عناد فيك خاصه انك مووووظفه
كماااان تررررراشقكم وهووووشاتكم كثيررررره
انتي تطالبين بحقك في بيت واستقلال لكن بعد ماتنازلتي عنه وهم مايبوووون هالتغيرررر
اتووووقع اسلم حل انكم تأخذون شقه خاااارج البيت
لان المشااااكل ماراح تخمد بينكم خلاص حبل الووووود بينكم مقطووووووع