اخت زوجي وحمولتها/ معدل

السلام عليكم ورحمة الله
كيفكم ،،تقبل الله صيامكم وصالح اعمالكم

تكفون تكفون تكفون دبروا لي حل
في اخت زوجي
وربي بنجلط،،بيجيني القولون بمووووووت

هذه اخت زوجي الله يسلمكم متزوجه وعندها 5 اطفال
ساكنه قريب مننا

اهل زوجها ماشاء الله مررره كثييرين عائله كبيره

هي ماتجينا الا بالاسبوع مره بعد ماتجتمع مع اهل زوجها ،،المشكله وين اخت زوجي مررررره مشفووووحه
تخيلوا اول ماتجلس عندنا تقول
ياااااالله لو تشوفون فلانه ياناااااس عليها جمااااال

ولا احياناً تشهق والله فلانه مره متغيره عليها بيااااااض
ياويلي بس

يازين علانه ماودي انزل عيوني
وتبدا تشرح لنا لبس كل وحده شافتها في الاجتماع حتى لو لابسه قميص
تقول فلانه لابسه قميص وشكله كذا وكذا و و و

سبحان الله تشتهي حتى في الشي التافه
والله يابنات ان بنتها اول ابتدائي صايره نفس اسلوبها كوبي

يعني يروح يومها وهي توصف وتتحسر وتشتهي
والله انسانه غير طبيعيه
لدرجة ان هذا الشي نساها نفسها ،،تصدقون يابنات انها تجي وحالتها حاله
وجهها ظلام لبسها وشكلها مهمل ناسيه نفسها ومنشغله بالناس
الله لايبلانا
ياااااربي والله اسلوبها يرفع الضغط ماتروح من عندنا الا وانا تعبانه
بالاجازه اذا جت ماجلس معها كله عشان اسلوبها
وطلعوا علي كلام هي وامها اني ماحب الناس ونفسيه وثقيلة طينه
و و و
تعبت يابنات معها والله ودي انها تترك الناس بحالها ولاتتشهوى فيهم وتحسدهم
وتلتفت نفسها تسنع روحها

تكفون قولولي ايش اسوي معها