السلام عليكم
ياليت القى حل عندكم..
اخت زوجي لها سبوع جالسه عندي عشان تجهز لزواجها .. انا محترمتها وحاطتها فوق راسي ومقصرت معها بحكم انها ضيفه وكم يوم وبتمشي..
وزوجي ماقصر معها يوديها سوق ويروح ويجي معها يعني كلنا ماقصرنا..
المشكله ان عندي طفلين ..وانا عارفه ان ماحد يتحمل الاطفال غير الام ..بس الي صاير ان اخت زوجي ماهي ماتحمله عيالي واي شي يسونه ع طول تضربهم وانا عشان هي قاعده في بيتي ساكته ودي اتجمل معها لين تفارق تسافر ..المشكله هم صغار ويحبون لعاب وهي تناديهم وتلعبهم شوي .واذ احد منهم غلط بشي بسيط قامت تضرب فيهم..ويجوني يبكون ..وانا اخذ عيالي واقولهم خلاص هذي.. عمه ..
وهي جالسه وتسمع وتشوف اني جالسه اقول لعيالي احترموها عمتكم..بس هي مرره زودتها تخليني اقوم من عندهم وتشتغل قرص فيهم وضرب وقدامي ساكته .حتى معي ما تسولف ..انا اشوف عيالي مزعجين صح بس اطفال المفروض تتحمل عشان خاطر اخوها ع الاقل ماقصر معها..الي اتعبني انو اليوم ..كنا نطالع تلفزيون وريموت مع اخت زوجي ..وجالسه تقلب القنوات قالت لها بنتي حطي لي ع حكايه قالت لا ابغى مسلسل ..قلت انا لبنتي خلاص ماما بعدين ..جلست بنتي تبكي ..شوي خرجت من الغرفه ..الا بنت جات تركض عندي وتبكي هي واخوها .قلت اش فيه .قالت عمتي قرصن اذني ..واشوف البنت اذنها حمراء وحاره من القرصها..انا اخذت بنتي وسكت وكلمت زوجي قلت له تعال ..ابغك تودني بيت اهلي بغير جو عندهم انا والعيال..قال واختي قلت اختك تجلس في البيت ..قال ليش خذيها معك .قلت لا انا ابغى اروح لهلي لحالي..اختك وعيالك كل شوي مضارب خلها ترتاح وانا بعد ارتاح ..قال خلاص شوي اجي البيت..جاء البيت قلت يلا انا جاهزه ودني قال لا مافي طلعه عند اهلك وتخليني اختي وحدها..قلت ليش اختك ماهي صغيره والبيت امان ودني وارجع اجلس معها..قال وش فيك صاير شي..المهم انا قلت له لا بس اختك ماهي متحمله عيالي وانا بعد قلبي تقطع ع عيالي كل شوي تضرب فيهم..قال عيالك اشقياء..قلت عارفه بس عيالي ودلعهم ماهو دلع يخليها تضربهم خلاص تتجنبهم .بس لاعد تمد يدها عليهم..قام زوجي وعصب على انتي ماتحترمين اختي .قلت له انا فتحت لها بيت وكل يوم تضرب في عيالي ولا تكلمت .والحين قلت لك ودني عند اهلي اغير جو عشان ارتاح قلت خوذيها معك ..انا ماباخذها هي ماتحب الاطفال وبيت اهلي كله اطفال..وانا طفشت ابغى اطلع ..القى احد يسولف معي ..انا واختك جالسين وكني جالسه مع جماد لا تسولف معي ولا شي..وقال مافي روحه لبيت اهلك..
بموت قهر ..ماقدر اكلمها عشان عيالي لان زوجي محذرني لا افتح فمي بكلمه ..وهي ماقدرت انها في بيتي وماهي متحمله عيالي ..
ويمكن تقولون عيالك مدلعين..والله ماهو دلع الي فيهم شقوه اطفال..وانا ماعمري قويت عيالي ع احد بالعكس دايم اقولهم عيب عمه اسمعو كلامها ..بس هي ع طول ياتضرب ياتقرص ..والي قهرني قدامي ماتسوي لهم شي وبس اقوم عنهم يجوني يبكون منه
وع ايش شقوتهم ع اشياء تافه .زي ياخذون لها شي ويشردون فيه يبغونها تلحقهم..
بلله اش اسوي قولو لي ..هي باقي لها كم يوم وتنقلع تسافر ..بس احس بنفجر خلاص ماني متحمله ..
والي قهرني ماقصرت معه وفي الاخير يطلع هذا جزاء المعروف

ملاذ بنت خالد @mlath_bnt_khald
عضوة نشيطة
يلزم عليك تسجيل الدخول أولًا لكتابة تعليق.

ملاذ بنت خالد
•
والي قهرني ان زوجي رفض يوديني عند اهلي عشانها..انا عشان اتجنب زوجي وماخليها تحس انو صار بينا شي بسببها دخلت غرفتي واخذت عيالي وجلست فيها وزوجي عصب على يقول ليش ماتجلسين معها ليش حاقده عليها..المشكل زوجي عارف تصرفاتها مع عيالي بس طلعني غلطنه عشان قلت ابغى اروح لهلي اغير جو..


جزاك الله خير ياقلبي ماقصرتي هذا من طيب اصلك
لكن حطيت نفسي بمكانك واخت زوجي تتصرف كذا وباقي لها كم يوم وتسافر من اول مااصحى من النوم لحد ماانام عيالي مايفارقوني وتحت نظري
يعني لاتخليهم معاها لحالهم ياانت وهم سوا ياقفلي عليهم لحتى تخلصي شغلتك واصبري
اذا هي عقلها صغير لاتنزلي عقلك لمستوى عقلها والا فيه عاقله تضرب اطفال؟؟
اصبري وامسكي اطفالك دام لها كم يوم وتمشي واحتسبي اجر ضيافتك لها عند ربك
لكن حطيت نفسي بمكانك واخت زوجي تتصرف كذا وباقي لها كم يوم وتسافر من اول مااصحى من النوم لحد ماانام عيالي مايفارقوني وتحت نظري
يعني لاتخليهم معاها لحالهم ياانت وهم سوا ياقفلي عليهم لحتى تخلصي شغلتك واصبري
اذا هي عقلها صغير لاتنزلي عقلك لمستوى عقلها والا فيه عاقله تضرب اطفال؟؟
اصبري وامسكي اطفالك دام لها كم يوم وتمشي واحتسبي اجر ضيافتك لها عند ربك

الله يصبرني هاليومين..لاني من جد قلبي تقطع ع بنتي ولدي ..وتقطع قلبي اكثر يوم بنتي تقول ليش تضربني .

ملاذ بنت خالد :
والي قهرني ان زوجي رفض يوديني عند اهلي عشانها..انا عشان اتجنب زوجي وماخليها تحس انو صار بينا شي بسببها دخلت غرفتي واخذت عيالي وجلست فيها وزوجي عصب على يقول ليش ماتجلسين معها ليش حاقده عليها..المشكل زوجي عارف تصرفاتها مع عيالي بس طلعني غلطنه عشان قلت ابغى اروح لهلي اغير جو..والي قهرني ان زوجي رفض يوديني عند اهلي عشانها..انا عشان اتجنب زوجي وماخليها تحس انو صار بينا شي...
الله يسعدك ويوفقك والله انك بنت حلال واجودية الله يرزقك بر عيالك
الصفحة الأخيرة