اخت زوجي وظلمها

السلام عليكمبنات أنا متزوجة وعندي طفل بالابتدائي وساكنة بشقة في بيت أهل زوجي. ومن أول سنة زواج للآن ووحدة من اخوات زوجي متقصدتني. كانت تفتعل لي المشاكل حتى كرهت زوجي فيني مرة تقول اني ارفع صوتي على امه ومرة اني كذبت عليها... الخ تعرفون الكيد اللي تشوفونه بالمسلسلات انا كنت اعيشه كل يوم معاها. وما مرت سنة الا وزوجي طلقني. لكن شقووول للأسف رجعت له بعدما اكتشف كذبهم وأيقن خسارتي. وأنا وافقت بشروط ومن ضمنها ان ماحد يتدخل بحياتي. وليتني ماوافقت اصلآ.. لأنها الآن جالسة تشتغل من جديد على دمار بيتي وتشتيت اسرتي وتدمير نفسية ابني ما كأنه ولد اخوها .. كلما شافته ضربته وقالت انت سويت وفعلت ومرة قربت من لسانه جمرة حامية حتى يعترف بشي ما فعله هو جاني يبكي يقول امي انا خفت من الجمرة وهي حارة وماسكة يديني ومقربتها مني.. تقول اعترف انك ضربت فلان اللي هو ولد ختها.. يقول والله اني ماضربته لكن من خوفي قلت اي وبعدها كفختني تكفخ وفعلا وجهه كله احمر ومسكته من حلقه وفيه آثار 
هذا موقف واحد.. والمواقف كثير وانا بس اشتكي لأهلي واهلي يكلمون اخوانها الكبار لكن مافي ولا فايدة. بالعكس كلما لها حقدها يزيد. وولدي خلاص يقول يمه انا ماقدر اعيش هنا ارجعي تطلقي من ابوي.. وانا مابي اتطلق لان قد جربت الطلاق وذقت مرارته.
كيف اتصرف حتى اوقفها عند حدها والله اني فكرت اشكيها عند الشرطة او هيئة حقوق الانسان ولو كان في الشكوى طلاقي. لان كذا كذا مو عايشين براحة والطلاق بيصير بيصير اذا استمرت تحفر لنا وتنغص حياتنا.. بس ع الاقل احاول يمكن تخاف وتهجد
ايش رايكم يابنات افيدوني هل جربتوا تتواصلوا مع هيئة حقوق الانسان وايش الخطوات وكيف تعاملوا مع المشكلة؟