اخت زوجي ومراقبتها لي😢

السلام عليكماخت زوجي دائماً فبيت اهلها هي وعيالها وغاثينا انا وعيالي، عيالها مشاغبين جداً جداً وياخذو اي شي من ايد هيالي سوا كان اكل او جماد وعيالي ساكتين ما يعرفو يردو واذا ردو على عيالها تصرخ هي وتعصب.. وزوجي طبعا ما يقول شي وانا ما اكلمها لان لسانها طووووويل وشريره وتحب تمد ايدها وانا في غني عن هذي الحركات عشان كذي اطنشها لانها تريدني ارد عليها عشان تسوي مشاكل لكني انا صابره ومسالمه وابتعد عنها.. هذي كل وقت فبيت اهلها سوا زوجها موجود تجي بيت اهلها او زوجها مسافر وبعد تجي بيت اهلها يعني معرف شو دورها كزوجة!!!! ولما اقول لزوجي ليش اختك دائماً هني هو يسكت ويكون متضايق!! اقوله زين نريد نطلع من البيت لاني مب مرتاحه وهي وعيالها هني.. يسكت وما يقول شي.. المهم هذي اخته زوجها مريض وراح يسوي فحوصات فالخارج وهي طبعا موجوده هني المغثه وتجلس تراقب اذا دخلت المطبخ او اذا رحت الصاله معرف ليش كذي تسوي كاني بسرق شي!! الئ يقهر ان في رمضان الماضي كانت لما تشوفني رايحه صوب المطبخ تجي تراقبني كاني وحده غريبه او راح اسرق شي وزوجي شافها كذي تسوي وبعده ساكت ويقول طلعي احسن عنها وطنشيها.. الله اعلم هذي السنه في رمضان هل بتكرر فعلتها الشريره مع انه زوجي هو الئ ياخذ الاغراض.. لكن حسبي الله عليها..