اخت زوجي ومرت حماي صايرات حزب علي

السلام عليكم بنات  لايعه كبدي قسم بالله من طبع هالحريم انا اولا طبعي اللي في قلبي علي لساني و اي شي يسألوني أتجاوب بكل صدق وحسن نيه وماعمري استحقرت علي احد ورفعت خشمي وشفت حالي علي احد 
انا فرش متزوجه مالي خمس شهور وما أشوف أهل زوجي بحكم عمل زوجي ويتركني كل الأسبوع بيت أهلي واجي شقتي يومين بالأسبوع في بيت أهل زوجي  المهم مرت حماي لي معها مواقف كثير لا تعد ولا تحصي كل جلسه تتعمد تحرجني وتطلع عيوب العالم فيني وانا ساكته لان ما تعودت أتعامل مع هال نوعيات المريضة من الناس الشي الجديد انه اخت زوجي صايره هي ومرت حماي حييييييل قراب من بعض ومبني بينهم اسرار ماهمني بحكم انها قديمه أكيد علاقتها أقوي معهم اليوم زرتهم وجلست معهم وقاعدين يتكلمون بالماركات واوروبا والفشخره الي اخره جلست تقول مرت حماي إيطاليا ممنوووع تدخليها وانتي لابسه ملابس تقليد يسجلون لك مخالفه انا جلست اضحككك قلت والله صدق وإذا ملابسي الداخلية مهن أصليات عاد يخالفوني واضحك كم هي هنا حقدت علي وما عرفت ترد قلت اللي يقول هلكلام لك شكله ما عمره سافر قامت تتكلم في وحده اعرفها انا أمس في بيتها شاريه شنطه شانيل خففففق ولونها بنك قلت آي ما شاء الله الحين اغلب الحريم يلبسون شانيل الشنطه مع البروش شكلها ذوق صديقتك هنا قعدت تتبادل النظرات مع اخت زوجي وعلي طول قالت أنا ما أحب شانيل أكرهاااا اكرررها قلت صحيح ! امممم ماعطيتها رد قامت قالت ياااي يا ملابس اوروبا وياحلاات ملابسهم دريت قلت انا رحت كذا دوله لبسهم كله عملي مايصلح لمجتمعنا ومايستاهل تشتري من هناك الا شنط وميك أب واكسسوار اما اللبس لا 
وكملت كلامي قلت أنا السوق اللي يعجبني دبي والسعوديه غيره لا ( طبعا انا ماني من السعودية واتعنا لكم عشان فساتينكم ولبسهم ساتر وجاهز مثل محلات فيمي ناين وجزيره الكنز) المهم هنا اخت زوجي لوت وجها وسوت حركه بوجها لمرت حماي انه ييييييييع وهي اصلن طول الجلسة جالسه يمي وماتطالع بوجهي ولي تكلمت وجهت كلامها لمرت حماي اما انا ماتطالع في خشتي حتي بنات انا ماني غبيه الحريم مو صاحيات فيهن انه مدري شفيهن انا بشهر العسل كنت اتمشي مع زوجي وقلتله اشتر لي ساعه تاق هيور قالي ما خصصت مبلغ لساعات مخصص لشوط ماركه بس انا هنا سكت المهم اليوم وحنا جالسات قالت مرت حماي لأخت زوجي شفتي ساعاتنا اللي شريناها انا وانتي تاق هيرر حتي تنطقها مدري كيف قالت حماتي آي هذي لقيت مثلها تقليد بماليزيا قلت انا صدق ؟ عاد الساعة هذي مو اي احد يلبسها أسعارها غاليه شوي قامو يتبادلون النظرات ويضحكون / بنات الحريم من دشيت عليهم مايعرفون يلبسن شي زين مهن موظفات لبسهم بلدي مكياجهم من الف وحطبه وانا من دخلت عليهم لبسي كله جاهز ومكلفني وأول عريس لي يومكم دائم يسالون حتي اول عيد معه ملابسات لبس خياط مش ولابد ثاني عيد راحت يشترن جاهز يقلدني ولبسهم مافي ذوق ابدددن انا مو جالسه أقول انا كشخه وهن يع لا أبد الناس أذواق لكن ليه لي جلست معهن يسألون كل شي عن ولي جاوبت عليهن قامن يلون وجيهن يعني يع ويع وش سالفه الساعة معقوله زوجي قائلهم انا ابي هالماركه علما ماعمري شفتهم لابسات ساعات ماركه مغير دراريع الخام السوداني لبس جدتي 
ابي أغير أسلوبي معهم عطوني حل كرهت النزلة لهن