اخت صديقتي لقتها مع شاب وش السوات

مساء الخير على الحلوين


بنات قصدتكم في خدمه واتمنى ماتبخلون علي باراءكم وافكاركم


السالفه ان جارتي وبنفس الوقت صديقتي اختها تصاحب واحد وهي لسه بالثانوي توها متخرجه
هي تربة في بيت محافظ وابوها مايقصر عليها وامها صارمه شوي بس عطوفه
الزبه ان امها اكتشفت انها مصاحبه واحده وتتكلم معه من ثمان شهور وانهارت الام وانصدمت فيها مره لانها كانت محافظه عليها ومدخلتها دار والبنت عاديه وحبوبه
واستشارت مستشارات تربويات قالوا لازم توجهينها اولا وبعدين علمي ابوها حتى ماتعيد السالفه
ابوها المسكين ماتحمل ضربها وزاعلها وانصدم هو بعد
واخذ الجوال منها
البنت ماصدقت ان حبيبها ماخذها لعبه وبياخذ منها شرفها
تمدح فيه وباخلاقه
واتضح انهم متقابلين بالبيت ومع ان الام واجهتها انكرت المحاثات ومسحت كل شيء
المهم صدقت الام والاب انها تابت
والام جلست معها جلسات حواريه وووعظيه وفهمتها ان الشاب مايريد الا شيء واحد من البنت
بس البنت معارضه بشده وتقول هو غير ليه ما اعطيتيه فرصه يجي يخطبني واذا خلص الجامعه نتزوج
لان الام كلمته وقال خلاص بينهي العلاقه وهددته الام بالهيئه
المهم انه بعد شهرين
دخلت الام مجلسهم في الصباح الاهو معها وهي متزينه زمتجمله
طردنته الام لانها خافت على زوجها يجيه جلطه
وانهارت الام وضربتها
هي من الواضح ماهمها يعني تتكلم مع ابوها واخوانها عادي
والام ماتقدر تجلس بمكان وهي فيه
وهي تخانق تقول ليه اذا جت امي اطلع خيييير
تقصد من الغرفه اوالمجلس
يعني الام ماتدري وش تسوي تقتلها تعلم ابوها يقتلها تتركها تخاف ترجع زي ماكانت وحتى انها بتسجل بالجامعه بس الام رافضه تدخل تخاف تطلع معه لانها تعشقه وتعتبره غير الشباب الثانيين وانه محترم ويحبها ويغار عليها ومايبي منها شيئ


حاليا مايعرف الا الام والاخت الي هي صديقتي


وش العمل يبلغون الشرطه
يزوجونهم لبعض لانها تعرف رقمه فقط واسمه الاول وهو يمكن باول جامعه او توه متخرج من الثانوي
يعلمون الهيئه
وش السوات تكفون
ساعدوها بتموووت من الالم والحسره