اخخخخخ مني اخخخخخخ بس

السلام عليكم ورحمة الله وبركاته
فعلا ي خواتي اخخخخ بس انا ماعرف خربطت لين قلت بس الله يعينن ي رب مدري شقول بس انا خويتكم الي من كم شهر قلت انه تطلقت وزوجي مدمن ومتورطه بحياتي وكثير منكم واسوني الله يجزاكم خير
ايش الي حصل الي حصل انه تعرفت بالصدفه ع وحده بتحفيظ واقنعتني اني ارد لزوجي واعطيه فرصه عشان عياله واني اقوم الليل بسورة البقره وراح يتعدل ويهتدي زي زوج اختها الي تاب وانه قصة اختها زي قصتي انا داخليا رافضه ارجع له الا لمن يتعالج واشوف بعيني مره من المرات جاني ابوي وقالي تعالي رجالك بالدوانيه ويقول ابي اكلمها وجه لوجه رفضت ادخل بعدها ماعرف حسيت ابشوف وش يقول مادري ضعفت مادري حنيت ي بنات قسم بالله اخخخ من هالقلب بس
دخلت ولقيته فعلا متغير كان مبين عليه انه تارك ويحلف لابوي انه تاب واهتدى قلت ماارجع الا اشوف اوراق علاجه بعيني صار يحلف لابوي انه مابه شي وانه مايحتاج علاج وانه قدر يتركهن حتى ابوي صدقه وانا حلفت اروح الشيخ واقول كل شي عندي وفعلا رحت الشيخ المحكمه وهزأه وتوقعت كل شي انصلح لكن في داخلي كنت كارهه ارجع بسرعه كذا ولافيه ضمانات ومطلقه مرتين اقسم بالله بس استخرت ورجعت مدري انه موضوع الطلاق حسيته اكبر من طاقتي ولاعندي دخل ولا اهلي متحمليني ولاهو راضي يعطينا البيت انا وعياله او لان عياله متعلقين فيه حيل ويحبونه ويحبهم ولا لانه يكسر خاطري لما احرمه منهم واخذهم عنه وماعندي وضيفه
المهم رجعت ولي ثلاث شهور فيه تحسنات عليه لكن مااحسه تاركهن وشوي شوي احسه يمهد انه يرد زي قبل اخخخخ بس اخخخخ وعلاقتي معاه قاعد تسوء ونفسيتي تبهذلت شسوي بدياحتي بس قسم بالله عيالي كسرو قلبي وظهري مايبون يفارقون ابوهم يوميا بنتي تبلل مخدته دموووع تصيح تبيه لما تطلقت تكفووون انصحوني ماعرف ليش تعلقت فيه وانا مو قادره اعيش معاه