ذوق 2009 @thok_2009

محررة

اخذتي حافز وكل شهر تصرفين ولا تدرين وش صرفتيه فيه .. تعالي اقولك

بسم الله على بركة الله

السلام عليكم ورحمته وبركاته

بنات موضوع للهوانم والانسات العاطلات :hahaha: اللي خذوا حافز ولايدرون وين يصرفونه
او قاعدين يخربطونه بأشياء مالها اي فايده يعني لاهم استفادوا ولا هم فادوا :hahaha:

حبيباتي الصبايا بما اني خبره بقطاع الاعمال :p اقصد الوظايف والله شي يقهرر وش يقهر الا يموت
من القهر كل مادخلنا مكان قالوا لغه من هنا من هنا الا لغغغغغغغغغغغغغغغغغغه :06: وبعدين
راح العمر وهم يبون لغه :time:

والله يابنات شفت مفاضله للبنات اللي تقدموا بالوظائف استنتجت الاتي:

وحده معاها ثانوي + لغه = توظيف مباشر
بكالوريس او ماجستير - لغه = طرد واعتذار

ليييييييييييييييييييييييييييييييييه ليييييييييييييييييه احنا كذا مكانك سر مافي اي تقدم وبرضو مصرات الا نروح وندور ونرز هالخششه ونلومهم ونقول ليه مافي وظايف الا لازم لغه

خلاص عاد المفروض نفهمها ونطور انفسنا لو حبتين ياناس العالم قاعده تتقدم واحنا ماهمنا الا فستان وجزمه وجوال:o والله يابنات ان اللغه دراستها حلوه وممتعه وكششششششششششششخه <<اهم شي
وتجبر الكل على توظيفك مو اجبار وبس الا يرحبون فيك ويدورونك ادواره لانهم يبون هالعينه من الكوارد المتعلمه للغه

ياهوووووووووووووه ياعاااااااااااااالم لمتى :o
المهم.....
بناءا على ماشفت واحترقت كبدي من اللي شفته قررت الاتي:
راح بأذن الحي القيوم الحق على عمري وادخل كورسات لغه طبعا بعد البحث والتحري وجد ان افضل مكان ممكن
اتعلم فيه هي اكاديمية الفيصل لاسباب كثيره لان عندهم تمهيدي وتأسيس حقيقي للمتقدمات

فلذلك يافطفوطات وياهوانم ادرسوا الموضوع وقرروا وخلونا يد وحده لنقضي على الطرد والفساد الوظيفي :hahaha:

اللي حابه تلتحق بالاكاديميه او اي معهد اخر انا اشد على يدها وخير ماقررت وخير ماعملت

ف قو اهيد << شفتي بركات اللغه :p
انطلقوا........................

واللي ماعندها مواصلات ممكن تتفق مع بنات من نفس الحي وينقلهم سواء وتوفر من مصروف المواصلات لانهم قرررررررررروب لذلك يرخص السعر

انا اطلب من المشرفات الحبوبات انه يخلون هذا الموضوع تجممممممممممممع للبنات اللي حابين يقضون اوقاتهم ويلتحقون بمعاهد اللغه

نبي هذا الموضوع اكبر تجمع بفضل بركاتكم واذا تطورالموضوع واخذ حجمه من المشاهدات ممكن لكل عضوات مدينه معينه يفتحوا تجمع وينموه ببركاتهم

واللي حابه ازودها بمعلومات عن الاكاديميه تتفضل حياها وتسأل انا بين ايديكي وحياة عنيكي:hahaha:

وعلى فكره انا الان مسجله طبعا والدوره راح تبدا باول ابريل يعني شهر اربعه ميلادي

اترككم برعايته وحفظه

يلزم عليك تسجيل الدخول أولًا لكتابة تعليق.

تسجيل دخول

أحب أفهم • 12 سنة

الدوره ماراح تقطع عني حافز
وجوده مهم للاعانه على المواصلات ورسوم الدوره

سؤال: في اي مدينه ؟

قمر عسير • 12 سنة

مشاء الله عليك وقرار سليم 100%
وربي يوفقك يارب
ودي اطور لغتي لاني ما خذه دوره بس نسيتها الله يرحم حالي:44:
اذا لقيت احد يمسك :04:+:27:
ما عندي مانع معكم قداااااام

غيييمه • 12 سنة

جزاك الله خييير هههههه والله انك صادقه بس المشكله ان اللى عندنا كل وحده مع اهلها ويش السواه

*عيون الرياض* • 12 سنة

كأنك تدرين عني قاعده أدور معهد لدراسة اللغه الانجليزيه

انتي تتكلمين عن الفيصل اللي بالرياض صح

ممكن تفيديني بمعلومات عنها والأسعار والمعلمات

واللي تبغى مواصلات عندي رقم صاحب مؤسسة توصيل للطالبات والمعلمات

ذوق 2009 • 12 سنة

بنات مايمنع بس انتم قووا ارادتكم وعزيمتكم وترا الدوره ماله وقت واحد وبس لا عندك 3 اوقات ماقدرتي الصبح تقدري الضهرماقدرتي الظهر تقدري بالمسا
واللي عندها اطفال اجزم ان كل حي فيه مالا يقل عن 3 او اكثر من الحضانات دخليهم وارتاحي وغيري جوا وطوري نفسك