مرحبا يا احــــــــــــــــــــلى صبايا
وشلونكم وش اخباركم مع الحر :(>>> اخلصي بس علينا
بدخل بالمووووووووضوع ع طول
ياطويلات العمر انا موظفه ( معلمه)>>> اخس يالبروفيسورة:42:
واخذت اجازة من الدوام بحكم ان زواجي نهاية الشهر قلت افتك من الدوام واريح مخي واتفضى لنفسي واتجهز للعرس
من تجهيز وخرابيطه
وطبعا مانسيت اهتمامي بجسمي وبشرتي وشعر ي له نصيب من الاهتمام وربي ما اكذب عليكم كل زميلاتي بالدوام شافن الفرق بين بشرتي وشعري عن قبل
وقلت راح ابداء ببرنامج واطبقه بحذافيرة وطبعا كل خلطاتي من منتدانا الغالي ومن الاخوات اللي ماقصروا بالقسم وتصفحت المواضيع وسجلت مكونات الخلطات اللي عزمت اني اطبقها واللي تناسب بشرتي
ورحت للعطار واخذتهم وسويت كل خلطاتي وحطيتها بعلب لدرجة اني يوم رحت للرياض عشان التجهيز والله اخذتهم معي وعفنت ببيت اختي المسكينه:09:
وطلعت انواع الروائح بس اهم شي تطلع النتيجه مرضيه:icon28:
وبعد مارجعت من الرياض دقت علي وحده من الزميلات وقالت تعالي وسعي صدرك معنا لو يوم بس ونتقهوى ونسولف قلت ماعندي مانع
ورحت يابنات للدوام والله ما اكذب عليكم كل البنات عيونهم مانزلت مني والله خفت يصير لي شي
حتى انا يابنات حسيت بالفرق ببشرتي الحمد لله.......
عاد البنات قالوا لي بصراحه ماشاء الله بشرتك منوره ومورده وشعرك كثر وصار يلمع وش السر وش مسويه بنفسك
المهم البنات احلفوا ما اطلع لين اقولهم وش مسويه بنفسي
عاد كل وحده طلعت ورقه وقلم وهااااتك ياكتابه وكل وحده تقول اليوم جاااري تطبيقها
نترك السوالف على جنب ونبداء بالموضوع
نبداء بسم الله على الخلطات
* خلطات الجسم*
خلطة التبييض:خلطة السدر مع حليب النيدو وماء الورد مع ماء ساخن عشان تفتح المسام وتخليها على جسمك ساعتين ثم تتسبحين وتفركين جسمك بليفة بودي شوي (الكفوف)
ثم ترطبين جسمك بزبدة الكاكاو من فازلين (رووووعه بالترطيب)
وكمان فيه خلطه ثانيه للجسم اللي هي الصابون المغربي السائل مع زيت اللوز الحلو تخليها ساعتين ثم تتسبحين وكمان ترطيب بزبدة الكاكا
بالايام العاديه مثلا قبل النوم وبعد النوم احط كريم باللمرز حق شد التمدد الجلدي يابنات جنااان
*نجي لخلطه الوجه *
خلطة كريم جونسون مع ملعقه من الخميرة مع عشر كبسولات من حنين القمح قالوا انه يكبر الخدود بس انا كبرت بشكل بسيط بس يابنات وربي خلى بشرتي فيها نضارة واشراق ونعومه غير طبيعيه
وكمان احط كريم كولاجين من لوريال في الصباح والمساء وتعال شوفي الاشراقه والصحه بوجهك
وكمان وردت خدودي بشكل ملحوظ
ولاننسى ماسك من المرة مع طحينه سايله وربي خطير
وبرضو في الاسبوع اسوي مرتين بخار لوجهي عشان يطلع الشوائب والوسخ اللي فيها بس ابعدي عن المكيف بعد البخار
ولاتنسي على طول اليوم بخاخ ماء الورد اللي ما استغنى عنه ابد
*خلطة الشعر*
يابناااااااااااااااااات فيه سر خطير للشعر اسمه الحناء مع الحلبه المحموسه المطحونه وربي ما كثر شعري غيره
ولااستخدم الشامبوهات العاديه انا اسوي شامبو من صنع يدي وسبق ونزلت موضوع عنه بقسم الشعر
وهو قارورة ماء مع ملعقة سدر ومع ملعقة شامبو يناسب شعرك واتركي عنك الشامبوهات كلها مواد كيماويه اللي ماشفنا منها اللا تكسر الشعر وجفافه
ووبعد غسل الحناء حطي ماسك للشعر من شمع الكيراتين وكلمة روعه قليله عليه بس نصيحه حمام الزيت لا يلمس الجذور بس اطراف الشع
والزيت حق شعري زيت عافيه وحلبه محموسه
صحيح بتقولوا ريحه بس والله مو اضحه مرة انا ابخر شعري وتخف الريحه مرة
*ولاننسى اليدين والقدمين *
مسويه خلطه من فازلين وفكس وكريم جلسرين وليمون والبس شراب وانام والصباح اغسلها بصابونة البابايا روووعه
*واسنانك لها دور في شكلك الخارجي *
برضو طحنت ليمون اسود وحطيته بعلبه على المغسله وكل ما افرش اسناني اغمس الفرشاة باليمون وهاتك يادعك وشوفي اللمعه باسنانك بس استمري عليها
وبكذا يابنات اكون خلصت من خلطاتي اللي شافوا الناس نتيجتها الايجابيه علي والحمد لله ماراح تعبي وجهدي خسارة
وان شاء تسووها وتشوفوا الفرق يطلع عليكم
اتمنى من تمر بالموضوع دعوة بظهر الغيب لي بالشفاء العاجل وربي يوفقني بزواجي
وحبي للجميع:26: