اخذت كلوميد وندمت ..!

مساء الخير يا حلوات
بسم الله ابدأ اول مشاركتي في المنتدى بعد سنوات من التصفح والاستفادة
اللي خلاني اكتب هالمشاركة الكلوميد وفعايله الله لا يرويها لاحد
ي بناات انتبهوا من الكلوميد عن نفسي سبب لي حمل خارج الرحم كان اول حمل لي بعد انتظار 😢 بعد ماتخلصت من الحمل اكتشفت اكياس على المبيضين ماكانت موجوده قبل 😭😭😭😭 مدري الغلط من الدكتورة وصفت لي اياه او انه عادي يحصل مثل حالتي
بقولكم قصتي ، تزوجت وكنت ادرس بمكان وزوجي يشتغل بمكان ومانلتقي الا بالويكند واول سنتين ماكنا نفكر بالانجاب ف سوينا مانع طبيعي طبعا بعد مافكينا المانع ماصار حمل ف قلنا يمكن عادي لان مانلتقي الا يومين واحيانا يوم بالاسبوع ورحت كشفت قالت الدكتورة عندي تكيس بالسونار بس تحاليلي سليمة ودورتي منتظمة ماشاءالله والحمدلله واعطتني مكملات ، لما قربنا نكمل اربع سنوات ورجعت اتابع اعطتني كلوميد طبعا انا بالبداية كنت قاريه تجارب البنات ان بعضهم سبب لهم مشاكل ف سألت الدكتورة هل له اعراض جانبيه قالت لي لا ، الله يسامحها
طبعاً اخذته بالتزام والحمدلله حملت وفرحت لكن .. طلع خارج الرحم ونزلوه لي بأبره والحمدلله نزل وقالوا لي ان فيه اكياس على المبيضين وبيروحون مع الوقت ، طبعاً بعدها مااخذوا لي سونار والحين عدت تقريبا سبع شهور على هالموضوع و انا دايما احس بنغزات جهه المبايض بس مو متاكده اقول يمكن تبويض ، لكن قلت اروح اكشف عشان اتطمن ورحت للمستشفى سويت سونار واتفاجىء ان عندي كيسين على المبيض الايسر وكيس على الايمن 😭😭😭 اثاري بويضاتي تنشطت زيادة عن اللزوم وشكل العلاج ماناسبني ابدااا لاني تجيني الدورة ماشاءالله منتظمة
المهم بنات اللي تعرف دكتورة نسائية بالرياض تقول لي الله يسعدها ويحقق لها امانيها