اخذت موعد لتجميل تضيق المهبل ... بس المشكله تحطمت بعد ماخذت الموعد ?

كيفكم خواتي
دخلت بـ نك نيم صديقتي علشان استفسر منكم
وابيكم تفيدوني

انا ولدة بقيصريه ومن ولدت زوجي يزن علي وبين فتره وفتره يطلب مني اسوي تضيق وقوله انا خايفه بعد مامر على ولدي سنه قررت اني اسويه
بعد مابحثت وسألت امدحو لي بالرياض مستشفى الأزهار الدكتوره بتول السودانيه اخذت رقم المستشفى ودقيت استفسر قالت تجين وتدخلين على دكتوره وتشوف حالتك قلت طيب وجيت بس ماكانت فيه
كانت فيه الممرضه قلت ابي موعد قالت الأفضل تجين وتدخلين عليها قلت لا ابي موعد انا ساكنه مع زوجي جده وجيت عند أهلي علشان اخذ موعد قالت خلاص متى تبين الموعد قلت بعد اسبوعين قالت احتمال الدكتوره ماتعمل لك التجميل كل وحده حسب حالتها قالت ابي موعد وان شالله تسوي
قلت لزوجي فرح بنات ماتصدقون قد ايش فرح
هاذا الكلام قبل اسبوعين وموعد ان شالله 12 من هالشهر وزوجي في جده الحين وأنا عند أهلي المشكله مو هنا المشكله في أختي
دقيت عليها قلت روحي معي المستشفى قالت انتي غلطانه وانتي مايصلح لك التجميل لازم بعد ولادتين انتي جايبه بعمليه مايصلح لك
حطمتني يابنات مدري وش اسوي
سؤالي لكم بعد هالسالفه من سوت تجميل وهي ماولدت طبيعي هل كلام أختي صحيح ولا تأليف من عندها
وكيف بتصير التجميل بنفس اليوم اسوي واطلع ولا تنويم بذات ألي عملوها عند الدكتوره بتول