بالنسبة لي.. فمن ثاني يوم ملكت فيه فتحلي حساب في البنك يتحول منه مبلغ من حسابه لحسابي.. مصروف شهري ثابت..
وهو قال لي إن هذا أفضل.. وإن هذا مالي لوحدي أتصرف فيه مثل ما أبغي.. أي شي ثاني يحتاجه البيت وغيره فمن مسؤوليته..
طبعا هالكلام لما كنت طالبة، والحين تخرجت وصار لي متزوجة أكثر من سنتين والحال نفسه.. مرتااااااااااحة كثير ووفر علي احراج إني أطلب منه كل مرة.. (لأن حتى من أبوي الله يطول بعمره كنت أستحي أطلب)!! >>> وحدة حياوية خخخخخخ
وما أفكر إن هذا المصروف لي وبس، عادي، إذا احتجت شي في البيت أو لزوجي ما أتردد أبد إني أشتريه ولا أفكر.. لأن كل ما قصرني أو كانت في مناسبة تحتاج ميزانية أكبر (عيد، عرس.. الخ) أطلب منه ولا يقصر بعد عمري...

تحياتي.. :)

اان نفس الكلام..
اول ما اتزوجنا قالي زوجي لازم اوفر لك مصروف كل شهر مع الرواتب..
وما كان خاطؤ على بالي ابددددا..لاني كنت استحي من هذي الامور...بس والله ارتحت مررررة اللهم لك الحمد
وطريقة الاخت قطرات هي افضل طريقة..انه يتحول المصروف على الحساب على طول..
خاصة اللي زوجها عجااااز :)

والله فكره حلوه 00
لكن زوجي ان طلبت منه ما يقصر
بس فكرة الراتب يرفضها يقول منتي شغاله عندي 0

بالنسبة لي ان افضل المصروف الشهري يعني مو كل ماحتجت طقيت الوجة وطلبت يعني يكون في يدا لوحدة مصروف احسسسسسسن
وهو يعطيني ويقول دبري نفسك وان من النوع المسرف اخلص علية من اول الشهر بس من فترة احاول اقتصد والله يعين

اختي ريمــــاز (لقب حلو) :)
فهميه إن هذا مش راتب بمعنى أجرة أجير، هذا مصروفك بس الطريقة سهلة وحضارية أكثر وصدقيني تنفع كثييييييييييير.. خصوصا ليبغى يسافر مدة طويلة.. ما يحاتي هالأمور..
أنا في البداية أبدااااااااااا ما كنت حاطة هالشي في بالي.. بس هو يشوفها إن هذي ذمتي المالية اللي لازم تكون مفصولة عنه تماما.. حتى لو كان هو مصدرها..
وطبعا حسب قدرة الزوج، يعني هو يعتبره شي مفروغ منه حتى لما أتوظف واستلم راتب..
وبالنهاية حسب عقليته وميزانيته.. :)
الله يهنيكم يا رب..

تحياتي