اخذ الحبوب والا لا؟؟؟

اتمنى من المشرفات انهم مايحذفو الموضوع لانه مهم ويخص القسم
السلام عليكم
بنات انا مره ضايق صدري ومحتااااااااااااره حيل احتاج مشورتكم
انا متزوجه لي 4سنوات ومااكتب الله حمل انا الحمدالله سليمه زوجي كان عنده دوالي والحيوانات المنويه عددها 2مليون والحركه ضعيفه وفيه لزوجه وعمل العمليه والحمدالله تحسن العدد الى 35مليون وتحسنت الحركه من سنه تقريبا لكن الى الان ماكتب الله حمل عملت مرتين حقن مجهري ولااراد الله حمل استخدمت الابره التفجيريه بدون منشطات لان وضع المبايض كويس وكمان ماحصل حمل ماخليت ولاخلطه الا استخدمتها لكن الله مااراد اني احمل ومره تعبانه نفسيتي والشي الثاني اللي متعبني حيل وجههي انا مره تعباه من وجهي كله حبوب واثار حبوب وماخليت شي ماسويته من قبل الزواج الى الحين الا حطيته من خلطات وكريمات وادويه لكن سبحان الله ماتحسن ابد يمكن تقولون وش دخل لموضوع هذا بهذا...انا اقولكم
انا طول فترة علاج وجهي كان الدكاتره ينصحوني باخذ علاج اسمه( رياكيوتين )وهذا العلاج هو الحل الوحيد لبشرتي لكن المشكله لو اخذته لازم مايصير فيه حمل يعني الغى فكرة الحمل من بالي لانه يسبب تشوه في الجنين وانا كل السنه اقول السنه الجايه استخدمها لكن قلبي يتقطع عشان الحمل وامي واخواتي وزوجي يضغطون علي عشان اخذ الحبوب ومايدرون باللي في خاطري وانا نفسيتي مره محطمه عشان الحمل ولا ادري ايش اسوي احيانا اقول بتوكل على الله وباخذها اريح نفسي من التفكير في الحمل واخلي جسمي يرتاح من الخلطات والمنشطات ويمكن اذا تحسن وجهي تتحسن نفسيتي لكن المشكله ان فترة العلاج طويله اقل شي يمكن 8شهور وهذا اللي مخليني على نار بنات شورو على انا صراحه مااحب اتكلم لاحد عن الحمل واموري الخاصه عشان كذا لما اهلي قالو لي خذي الحبوب ولاحقه على الحمل قفلت الموضوع وقلت هذا شي راجع لي وهم مايدرون اني بتجنن عشان يكون في حضني ولد بالله يابنات ساعدوني وريحوني والله اني محتاجه اسمع تجاربكم ولو كنتم مكاني وش تسوون على فكره انا رايحه بكره مكه اخذ عمره وبستخير هناك في بيت الله بس ابغى رايكم لاني حيل تعبانه ولكم دعوه في ظهر الغيب في مكه بإذن الواحد الاحد