الحال من بعضه حبيبتي انا جربت معهم كل شيء مالقيت احسن من الحرمان من شيء يحبونه عشان يدأدبون والله يهديهم وترا نقص بعض الفتامينات يسبب فرط الحركه

يختي عيالك مايحبون التلفزيون ..؟!!!
احس نوعية عيالك الي حركتهم كثيره يبيلهم العاب حركيه سياكل ..كوره ..حتى لو ماعنك حوش فضي لك غرفه حطي فيها الالعاب الكبيره زي حقات الروضات الي فيها تسلق وزي كذا ..
او اشتري هذيك الطماره <<خخخخ معليش مدري وش اسمها بس الي يناقزون فيها ..اي شي يهد حيلهم ويفرغ شحناتهم ..
وبعدين لاتعطينهم شكولاته كثير عشان تخف طاقتهم شوي ..

الكلام الي قلتيه نفس كلام قريبتي عندها ولد شي فظيع مع امه واخوانه واهلها واهل زوجها معاد صار احد يبغاه اويحتك فيه
ورحت به لدكتور نفسي وقال ان ولدك عنده فرط حركة ونقص الانتباه
وكتب له علاج بس رفضت تستخدم الدواء تقول يتعود على العلاج النفسي
وحذرها الدكتور من عدم استخدام العلاج لانه بيتدهور في حياته ودراسته ماراح يركز فيها ولا استجابت ياعمري ولا تزال تعاني بعد كلام الدكتور لها الحين يمكن خمس سنوات

يااااااااااااااااعمري انت والله ضاق صدري عليك ...
وانا عندي ولدي عمره سنتين بس فيه شقاوه شئ الله يستر لو كبر اكثر وش يطلع ..
اهم نصيحه لك استشيري اخصائي وموشرط تودينهم لا انت كلميه وهو يعلمك كيف تتعاملين معاهم وترى قريت كم مره اعلانات بالجرايد عن استشارات بالتلفون ومن ضمنها كيفية السيطره على غضب وشقاوة الطفل ابحثي وان شاء الله تلقين الي يفيدك واشتري من المكتبه كتب يمكن تعطيك نتيجه بتطبيقك للي فيها والله يعينك وييسرلك يااااااااااااااااااااارب

حبيبتي فعلا قد يكون عند طفلك فرط الحركة و هي حركة زائدة عن المعدل الطبيعي و ممكن يؤدي لحياته بالخطر اذا ما انتبهتوا له و لازم يعرض على اختصاصي لأن لاسمح الله في بعض الاحيان و لمن يكبر الطفل ممكن ينحرف إلى عالم الاجرام و المخدرات و الاشياء الغلط (لاقدرالله) ليش ؟؟؟!!! لإن فيه طاقة زايدة يبغى يخرجها و هذه الطاقة إذا ما استثمرت بالشكل الصحيح سواء من إهمال أو غيره تؤدي إلى الانحراف في غالب الاحيان .. لازم ابنك ينعرض على دكتور اختصاصي بهذه الامور وإذا زوجك مثلا عارض وقلك بلا خرابيط أو أي شي خليه يقرا عن هذا الشي بالنت أو يسأل أي دكتور فاهم أو تخلي أحد من إللي لهم تأثير عليه يقنعه لإن السالفة بجد خطيرة ..
ثاني شي لاحظت من كلامك انو زوجك بعيد تماما عن مشاكل البيت (وهذه المشكلة الاساسية غياب الاب) الأب له قدرة قوية على التحكم بالولد خصوصا إذا كان حركي .. و في شي ثاني خطير انه لمن يشوفك تضربينهم يزعل منك و هذا الشي بخلي الولد يتمادى ليش ؟؟!!! لإن ابوه قاعد يحميه على شي غلط .. لازم الاب يتدخل في البيت كلميه و تفاهمي معاه بهدوء في ليلة الاولاد يكونوا نايمين وليلة تكون رومنسية و فهميه أيش بيصير بهدوء و انه لازم تكون له دور في البيت على الأقل يساعدك في تدريسهم إذا تصرفوا غلط يعلمهم الصح و ...ألخ
ثالث شي حاولي تدوري بداخل نفسك أيش الشي الغلط إللي قاعده أسويه و أنا مو منتبهة له ؟؟!!! فكري مع نفسك .. ممكن لمن حاولتي تقلدي سوبر ناني في شي ضروري كنتي غافلة عنه (لانو لو لاحظتي حتى الامهات في البرنامج في البداية ياخذوا التعليمات بس لمن تتركهم تلاقيهم ارتكبوا اغلاط ما انتبهوا لها و كانت جدا ضرورية مع انهم شايفين انهم صح !!!!)

نصيحتي عزيزتي اشتري لأطفالك كتب تعليمية تناسب اعمارهم (ولو رحتي المكتبات بتلاقي الاف الكتب الملونة و مرة رائعة للاطفال)و كتب تلوين مفيدة و قصص و شغلات ثانية كثيرة و برضوا جيبلك كتب عن تربية الاطفال و التعامل معهم وهم بهذا العمر .. خصصي مع ابوهم يوم للترفيه من كل اسبوع سواء ملاهي شالهيات أي شي ممتع بالنسبة لهم .. اضحكي مع عيالك بينلهم انك سعيدة ومو كل الوقت بس ضرب و خناقات ..

والله يوفقك و يهدي عيالك و تشوفينهم احسن ناس وعند كل الناس ..