اخرموقف خلاك تبكي من تأخر حملك

دانه عمر • 16 سنة

انا كنت بمجلس ومعاي 9 حريم 5 منهم حوامل والباقي اطفالهم رضع
كانت السوالف على تجهيز الملابس للاطفال والعيادات النسائيه لمتابعة الحمل صورهم وهم حوامل
كنت اشاركهم بالكلام واضحك لأن العيون كلها عليي يشوفوا ردة فعلي وجيت البيت وهات يبكى

كلي خير • 16 سنة

وش نقوول وش نخلي من الجروح والدموع والحزن ..
انا اخر موقف صار لي تقريبا قبل يومين
لما زوجي قال ابروح احلل اشوف نفسي
وانا استغربت قلت غريبة مع انه رافض انه يحلل ويشووف نفسه ..
قلت بنفسي اشوى الحمدالله قرر يحلل ..

ورجع من عند الدكتور وقالي كشف على الدكتور من ...........
وقال ما شاء الله سليمة

وطالع فيني قالي ليكون انتي السبب وفيك العيب ...انا هنا سكت ولا كلمة رديت عليه ..

وبنفس اليوم جات ام زوجي عندي وبناتهاا
قالو لي فلان جاله ولد ..
قلت لهم منو فلان ؟؟؟ وانا بالاصل اعرفه لاني حضرت زواج اخته وما شفت زوجته قلت اكيد انها عند اهلها بتولد ..
فسويت نفسي مش مهتمه عشاان ما نبي تعليق ابد ..

ولما راحو..

قلت لزوجي فلان جاله ولد ؟؟
قالي باستغراب من قالك ؟؟
قلت له امك واخواتك قالو لي ...
سكت ولا علق اثره حزت بنفسة ان زوجته ولدت وانا لا .. الله يعين يارب ..
لان تزوج قبلي انا زوجي باسبوع ...

عسى ربي يرزقنا يارب من غير علاج ونرتاح ..

وفي شهر محرم اخت زوجي حملت ما شاء الله بطفلها الثالث وهي ما تحمل الا بمنشطات ..
وحلمت ذاك اليوم وهي ما تدري.. تاخرت الدورة وحللت وطلع حمل ..

ويوم شاف زوجي بطنها لان ما يدري انها حامل بصراحه ما قلت له ..
قلت اكيد خواته بيقوولون له ...

ولما رجعنا البيت قالي الناس تحمل من قدام الا انتي تحملين من ورى ....
لان زاد وزني مع لخطبه الهرمونات اللى عندي ..

والله حزت بنفسي كلمته لكن الشكوى لله ...
..

وقبل يومين رحت المعهد عشان انا ادرس حاسب آلى التقيت بوحده موظفة بنتها متزوجه لها سنه ما حملت ..
وحلمت بعد سنه وشهر من زواجهااا ما شاء الله ...
وكل ما شافتني تسالني هاه حملتي قلت لا مابي احمل مو وقته عشان اخلص دراستي ..

هذا االعذر اللى اقوله
بيجي يوم اخلص المعهد ماادري من وين اجيب لي عذر الله المستعااان ..

المهم قلت لها اخبار بنتك قالت لي حامل قلت لها مبروك الله يتمم لها على خير كم لها لها قالت لي 3 اشهر ولا قالت لي انها حامل الا وهي تتوحم ..<<معقوولة تكذب على امهاااا ما اصدق لان احس امهاا هي الى تبيها تحمل ..
ولما سالتها من اول وش سبب تاخير بنتك تقوول لي بنتي سليمة ولا فيها شئ .. ابد سليمة ..

مع الكلام قالت ما رحتي مستشفي قلت لا خلاااااااص ما عاد ابي ..اروح زهقت منهااا ..
قالت لي اي والله وقت ما ربي يريد الحمل يصير بيصر لو ايش ...
ما تنفع المستشفياات هذي المستشفياااااات ما فادت بنتي لما ربي كتب لها الحمل .. يعني بنتها كانت تتعالج ولا تبي تقوول .. ليش طيب هذا انا اقولهااا .. انا مش قريبة لهم ولا اعرفهم ولا شئ وش المشكله فالموضوع ..

ومن عقبهااااااااا انصدمت ..
خلااص قررت اني ما قول لاحد شئ لان بصراحه شئ ينرفز انتي على نياتك و لما تكوني صاادقه مع النااااس وهم مش صادقين معك ياخذون معلومات ولا يفيدونك بشئ يالله متى رربي يرزقنااا...

وامس اخت زوجي تقوول لي ما رحتى للمستشفي شفتى الغده الدرقية ؟؟
>>علاقتي فيها مره كويسة مثل الاخوات ... الحمدالله
قلت لها والله اخلص الدراسة بعدين اروح ..لان بصراحه زهقت وزوجي ( اللى هو اخوك )
ما يبي يوديني ..لان انا ارجع عند الدكتورة اشجان بمستوصف الروضة ..
يقوول حقت فلووس وكله تسحب دمك قلت له اكيد تسحب دم ولا شلون تعرف ان الهرمون انتظم .. لاحول وقوة الا بالله

وقلت لها هالكلام انه يبي يوديني لاي دكتورة عشاان تلعب فيني تشوفيها سكت ولا ردت قالت خلااص انتي بس خلصي الدراسة ولا تهملين نفسك ..قلت لها خير ان شاء الله ..
والله كريم ويعينا ..حنا لا نسينا يذكرونا الناااس ..
والله اني تمنيت نفسي اني بدنيا لحالي عشاان ما اقابل احد ويسالني زهقت والله ...

ومشكورة على هالموضوع اللى يخلينا نعبر باللى بخاطرنا ..
وعسى ربي يرزقنا بالحمل بالولد الصالح السليم الثابت يارب اللى يعوض صبرنا خير ..ويبر فينا ويرزقنا باخوان له
واخوات يارب ...

دانه عمر • 16 سنة

بنت عمتي 5 سنوات بدون اطفال والتبويض تقريباً صفر حملت والكل فرحااان والأهل تتباشر بالخبريه
لآن حملها بنظر الدكتور معجزه
وولدت بالسلامه بنوته لكن قيصريه
المهم انها حايشنها اكتئاب ما بعد الولاده وصايره تستثقل من الطفله والتغيير ليها ورضاعتها وكأنها تقول ويش لي اجيبها
ان شاء الله اذا جبنا اولاد الله يعطينا الصحه والقدره على تحمل مسؤوليتهم بكل حب

توتو206 • 16 سنة

الله المستعااان
اذا شفت اهلي ... يستانسون اذا جا لمهم ..باقي اخواني وخواتي لان معهم اطفال .. وامي تلاعب هذا ..وتشيل ذاك ...
وانا أدخل بهدوء وحيده محد درى بجيتي ...آه آه ياااقلبي ...ولا بالاستراحة اذا اجتمعو اهل زوجي ...الي تلاعب ولدها والي تلاحقه
والي تمهدها ...و انا يا اقلب جوالي .... او افتش بشنطتي ....يااربي لك الحمد ولك الشكر على كل حاال

تسنيم وإياد • 16 سنة

دانه عمر :

انا كنت بمجلس ومعاي 9 حريم 5 منهم حوامل والباقي اطفالهم رضع كانت السوالف على تجهيز الملابس للاطفال والعيادات النسائيه لمتابعة الحمل صورهم وهم حوامل كنت اشاركهم بالكلام واضحك لأن العيون كلها عليي يشوفوا ردة فعلي وجيت البيت وهات يبكى

انا كنت بمجلس ومعاي 9 حريم 5 منهم حوامل والباقي اطفالهم رضع كانت السوالف على تجهيز الملابس...

شخصيا من كثر المواقف صار عندي الموضوع عاااادي:D حتى أني متوقعة الآسوأ والان صرت :D:35: ما باشوف وما باسمع

فالآحسن أنه الواحد يفوض أمره لربنا وما يقول الا حسبي الله ونعم الوكيل في كل موقف ويدعي ربنا بايمان وبيقين

ونوكل أمرنا لربنا هو وحده الرزاق حكيت هذه الآمور حتى أنصح نفسي وأنصحكم لازم نكون أولا بداخلنا أقوياء وراضيين بنصيبنا وبقدرنا حتى نقدر نواجه أي أحد لأنه الأولاد مثل اي شيء بالدنيا رزق من عند الله ونتذكر و نذكرهم فقط بالموت فكلنا رايحين لا ينفعنا لا ولد ولا بنت ولا مال ولا جاه

أدعولي يا بنات بالصبرثم الصبر ثم الصبر وبالجزاء عند الله وبالذرية ان شاء الله ولكم بالمثل

رب لاتذرني فردا وأنت خير الوارثين

الله يرزقنا جمييييييييييييييييييييييعا